Jɛrimaya 26:8 - Krio Fɔs Oli Baybul

⁸ Ɛn wɛn Jɛrimaya dɔn tɔk ɔl wetin PAPA GƆD kɔmand am fɔ tɛl ɔl di pipul dɛm, nain di man dɛm we de mek sakrifays fɔ pipul sin ɛn di prɔfɛt dɛm, ɛn ɔl di pipul dɛm gɛda am, de tɔk se, “yu go day!

Jɛrimaya 26:8 Referans Kwoze

Apɔsul Dɛn Wok 7:52

Ɛni prɔfɛt bin de we una grampapa papa dɛn nɔ mek sɔfa? Dɛn kil ɔl dɛn prɔfɛt we Gɔd sɛn to in pipul dɛn. Dɛn prɔfɛt ya bin de tɔk se Gɔd in Savant we de du wetin rayt ɔltɛm, go kam. Naw, una dɔn sɛl am ɛn una dɔn kil am.

Apɔsul Dɛn Wok 5:33

Wɛn di bigman dɛn na di Ju gran kot yɛri wetin di apɔsul dɛn tɔk, dɛn vɛks sote dɛn bin want mek dɛn kil di apɔsul dɛn.

Matyu 22:6

Sɔm kech di bɔy dɛn we di kiŋ sɛn, disgres dɛn ɛn kil dɛn.

Jɛrimaya 18:18

Nain dɛn se, “Una kam le wi mek plan agens Jɛrimaya, bikɔs wi nɔ go shɔt ɔf man we de mek sakrifays fɔ pipul sin fɔ tich wi di lɔ, ɛn sɛnsman dɛn fɔ gi wi sɛns, ɛn prɔfɛt dɛn fɔ tɛl wi PAPA GƆD in wɔd. Dɛn se, una kam lɛ wi tek wi mɔt bit am, ɛn lɛ wi nɔ tek natin we i de se siriɔs.

Jɛrimaya 2:30

PAPA GƆD se, A dɔn pɔnish una pikin dɛm te, dɛn nɔ gri chenj; na unasɛf tek una an kil una prɔfɛt dɛn lɛk layɔn we aŋri bad bad wan.

2 Kronikuls 36:16

Bɔt dɛn de mek moko pan PAPA GƆD in mɛsenja dɛm, luk dawn pan in wɔd dɛm, ɛn Shumɔ pan in prɔfɛt dɛm, sote PAPA GƆD in at wam te fuk fuk grap fɔ in pipul dɛn we tɔnin bak nɔ de igen

Rɛvɛleshɔn 18:24

Ɛn i go sɔfa bikɔs nainsay de blɔd bin kɔmɔt pan dɛn wan we bin de tɔk Gɔd in mɛsej, pan ɔl Gɔd in pipul dɛn, ɛn pan ɔl dɛn pipul na wɔl we dɛn dɔn kil.

Matyu 27:20

Di bigman dɛn we de mek sakrifays fɔ pipul sin ɛn di ɔda Ju bigman dɛn koks di krawd sote di pipul dɛn tɛl Paylet fɔ fri Bara bas ɛn kil Jizɔs.

Jɛrimaya 18:23

PAPA GƆD, yu no ɔl dɛn plan dɛm fɔ kil mi. Nɔ fɔgiv dɛn sin dɛm, ɛn nɔ wep dɛn sin kɔmɔt bifo yu. Lɛ dɛn bit dɛm bifo yu; dil wit dɛm di tɛm we yu vɛks.

Jɛrimaya 32:3

Bikɔs Zɛdikaya we na kiŋ na Juda bin dɔn lɔk am ɔp, de se, “Wetin du yu fɔ prɔfisay se, ‘Na dis PAPA GƆD se: A de tɛl una, a de gi dis siti to di kiŋ na Babilɔn, ɛn i go kapchɔ am;

Jɛrimaya 43:1

Wɛn Jɛrimaya dɔn tɔk ɔltin we PAPA GƆD we na dɛn Gɔd se, to ɔl di pipul n dɔn we na PAPA GƆD we na dɛn Gɔd sɛn am fɔ tɛl dɛm,

Emɔs 7:10

Amazaya we de mek sakrifays fɔ pipul sin na Bɛthɛl, sɛn ripɔt to Kiŋ Jɛroboam na Izrɛl se, Emɔs dɔn jɔyn pipul dɛn fɔ tɔn agens am. Wetin i tɔk, luk an yanda.

Jɛrimaya 1:19

PAPA GƆD se, dɛn go fɛt yu; bɔt dɛn nɔ go ebul yu, bikɔs a de wit yu fɔ fɛt fɔ yu.