Jɛrimaya 26:23 - Krio Fɔs Oli Baybul

²³ go Ijipt, ɛn dɛm bin briŋ Yuraya kɔmɔt Ijipt kam to Kiŋ Jɛoiakim, we bin kil am wit sɔd, ɛn trowe in dedebɔdi usay dɛn kin bɛr dɛn ɔdinari pipul dɛn.

Jɛrimaya 26:23 Referans Kwoze

Jɛrimaya 2:30

PAPA GƆD se, A dɔn pɔnish una pikin dɛm te, dɛn nɔ gri chenj; na unasɛf tek una an kil una prɔfɛt dɛn lɛk layɔn we aŋri bad bad wan.

Rɛvɛleshɔn 11:7

Wɛn dɛn dɔn tɛl pipul di mɛsej dɔn, di wayl bif we kɔmɔt insay di ol we nɔ gɛt bɔtɔm go kam fɛt dɛn. I go win dɛn ɛn kil dɛn,

Fɔs Lɛta Fɔ Tɛsalonayka 2:15

Na dɛn sem Ju pipul ya kil di prɔfɛt dɛn, ɛn mek dɛn kil Masta Jizɔs ɛn mek wi sɔfa. Dɛn dɔn mek Gɔd vɛks pan dɛn bad wan! Dɛn wikɛd to ɔlman!

Matyu 14:10

So i sɛn na di jel se mek dɛn go kɔt Jɔn in ed kɔmɔt.

Izikɛl 19:6

I waka saful saful insay di layɔn dɛn; ɛn i bibig layɔn, ɛn i lan fɔ kech tin fɔ it; i bin de it mɔtalman.

Jɛrimaya 36:30

Fɔseka dat, na dis PAPA GƆD se bɔt Jɛoiakim we na kiŋ na Juda. I nɔ gɛt nɔn pikin nain layn we go sidɔm na Devid in tron, ɛn in, dɛn go trowe in dedebɔdi usay san go de bɔn am de tɛm, kol go mit am na nɛt.

Jɛrimaya 26:15

Una jɛs no se, if una kil mi, una go put inosɛnt blɔd na una an ɛn na dis siti ɛn pan di wan dɛm we tap de, bikɔs na tru se, na PAPA GƆD sɛn mi to una, fɔ tɔk ɔl dɛn wɔd ya na una yes.”

Jɛrimaya 22:19

“Dɛn go bɛr am lɛkɛ aw dɛn kin bɛr dɔŋki, we dɛn kin drɛg go trowe na do fa frɔm di get dɛn na Jerusɛlɛm.’

Di Ibru Pipul Dɛn 11:37

Dɛn ston sɔm sote dɛn day, dɛn chap sɔm pipul tu, ɛn dɛn kil sɔm wit sɔd. Dɛn pipul ya we sɔfa so, na bin po pipul we na got ɔ ship kanda nɔmɔ dɛn bin de wɛr. Di pipul dɛn we nɔ bin lɛk dɛn bin mek dɛn sɔfa plɛnti.

2 Kiŋ 23:37

Jɛoyakim insɛf du wetin nɔ rayt na PAPA GƆD in yay jɛs lɛkɛ in fɔstɛm-papa dɛn.

Jɛrimaya 22:17

Bɔt yu gɛt yay ɛn at fɔ rog pipul dɛn nɔmɔ, fɔ shɛd inosɛnt blɔd, ɛn fɔ sɔprɛs ɛn fɛt pipul.”