Jɛrimaya 26:2 - Krio Fɔs Oli Baybul

² “Na dis PAPA GƆD se: tinap na PAPA GƆD in yad nain os ɛn tɛl ɔl di pipul dɛn, we kɔmɔt na di siti dɛm na Juda, we kam wɔship na PAPA GƆD in os, ɔltin we a bin kɔmand yu fɔ tɛl dɛm; nɔ lɛf wan wɔd.

Jɛrimaya 26:2 Referans Kwoze

Ditarɔnɔmi 4:2

I tɛl dɛn se dɛn nɔ fɔ put ɔ pul natin pan wetin i bin dɔn tɛl dɛn se PAPA GƆD we na dɛn PAPA GƆD bin se dɛn fɔ de du ɛn nɔ fɔ de du, so dat dɛn go du di kɔrɛkt tin dɛn we I se.

Apɔsul Dɛn Wok 20:27

Una no se a nɔ kin ayd natin wɛn a de tɛl una ɔl wetin Gɔd go du.

Matyu 28:20

Una lan dɛn fɔ du ɔl wetin a dɔn tɛl una. A de wit una ɛn a go de wit una ɔltɛm sote di wɔl dɔn.”

Jɛrimaya 19:14

Nain Jɛrimaya kɔmɔt na Tɔfɛt, usay PAPA GƆD bin sɛn am fɔ go prɔfisay, ɛn tinap na di yad na PAPA GƆD in os, ɛn tɛl ɔl di pipul dɛn se:

Jɛrimaya 1:17

Bɔt yu, tay yu trɔsis tayt, grap go tɛl dɛn ɔltin we a dɔn tɛl yu traŋa wan se yu fɔ du. Nɔ mek dɛn pwɛl yu at o. If nɔto so, a go pwɛl yu at bifo dɛm.

Apɔsul Dɛn Wok 20:20

Una no se a dɔn tɛl una ɔltin we fɔ ɛp una. A bin de lan una na di ples we ɔlman kin gɛda, ɛn a bin de lan una na una yon os.

Apɔsul Dɛn Wok 5:42

Dɛn kin de go na Gɔd in Os ɛn dɛn kin de go na pipul dɛn os fɔ lan dɛn Gɔd in wɔd ɛn fɔ tɛl dɛn di Gud Nyuz bɔt Jizɔs Krays.

Jɔn 18:20

Jizɔs ansa am se, “Na bifo ɔlman a kin tɔk, ɛn na dɛn Ju mitin os ɛn Gɔd in Os, we ɔlman kin gɛda, a kin lan pipul. A nɔ ayd fɔ tɛl ɛnibɔdi ɛnitin wande.

Izikɛl 3:10

Pantap dat, PAPA GƆD tɛl mi se, “Mɔtalman, lisin ɔl wetin a de tɛl yu wit yu yes ɛn kip am na yu at;

Jɛrimaya 36:10

So Baruch rid wetin Jɛrimaya bin tɛl am fɔ rayt na di skrol na PAPA GƆD in os, insay Gɛmaraya we na Shafan we na di sɛktri, in bɔypikin in rum, we bin de na di yad we de ɔpsay as yu de go insay di Nyu Get na PAPA GƆD in os.

Jɛrimaya 23:28

PAPA GƆD se, Lɛ di prɔfɛt we drim, tɔk bɔt di drim, bɔt lɛ di wan we gɛt mi wɔd, prich mi wɔd wit ɔl in at. Ɛnitin de pan strɔ we mek in ɛn wit fiba?

Jɛrimaya 7:2

“Tinap na di get na PAPA GƆD in os ɛn anawns to di pipul dɛn se, Una yɛri wetin PAPA GƆD se, una ɔl di man dɛm na Juda we de pas na dɛn get ya kam insay fɔ kam wɔship PAPA GƆD.

Ditarɔnɔmi 12:32

I se dɛn fɔ mek shɔ se dɛn du ɔl wetin i bin dɔn tɛl dɛn se PAPA GƆD se dɛn fɔ de du; dɛn nɔ fɔ put de, dɛn nɔ fɔ pul de.

Rɛvɛleshɔn 22:19

Ɛn if ɛnibɔdi pul wan wɔd kɔmɔt pan dɛn wan ya, Gɔd nɔ go mek i gɛt pan dɛn tin we de bia na di tik we de gi layf, ɛn i nɔ go mek di pɔsin kam insay in tɔŋ, we dɛn rayt bɔt na dis buk.

Apɔsul Dɛn Wok 5:25

Nain wan man kam tɛl dɛn se, “Una luk ya! Dɛn pipul we una bin put na jel, de na Gɔd in Os de tɔk bɔt Gɔd.”

Jɔn 8:2

Di ɔda de, wɛn do jɛs klin, Jizɔs go bak na Gɔd in Os. Ɔl di pipul dɛn go gɛda rawnd am, nain i sidɔm ɛn bigin lan dɛn.

Lyuk 19:47

Jizɔs bin de tich na Gɔd in Os ɛvri de. Dɛn edman fɔ dɛn man we de mek sakrifays fɔ pipul sin, dɛn Ju Lɔ ticha, ɛn di ɔda Ju bigman dɛn tray fɔ fɛn we fɔ kil Jizɔs,

Jɛrimaya 42:4

Nain Jɛrimaya we na prɔfɛt tɛl dɛm se, “A dɔn yɛri wetin una se; biliv mi, a go pre to PAPA GƆD we na una Gɔd ɛn tɛl am ɔl wetin una se, ɛn ɛnitin we PAPA GƆD ansa se, a go tɛl una; a nɔ go ayd natin pan una.”

Ditarɔnɔmi 12:5

I se dɛn fɔ fɛn di ples we PAPA GƆD insɛf go pik na wan pan dɛn siti dɛn fɔ de wɔship am, ɛn na da ples de ɔlman fɔ go wɔship am.

Jɛrimaya 7:27

“Na so yu go tɔk ɔl dɛn tin ya to dɛm, bɔt dɛn nɔ go lisin yu. Yu go kɔl dɛm bɔt dɛn nɔ go ansa yu.

Izikɛl 33:7

So yu mɔtalman, a dɔn mek yu wachman fɔ Izrɛl pipul; ɛnitɛm we yu yɛri wɔd frɔm mi, yu go gi dɛn mi wɔnin.

Izikɛl 40:4

ɛn di man bin se to mi ‘mɔtalman in bɔypikin, luk wit yu yay dɛm ɛn yɛri wit yu yes dɛm ɛn put na yu maynd ɔl wetin a go sho yu, fɔ dɛn briŋ yu kam ya so dat sɔntɛm, a go sho an to yu; ɛn anawns ɔl wetin yu si to di Izrɛl pipul.

Jɔshwa 8:35

Wan layn nɔ de we Mozis bin rayt na di lɔ we Jɔshwa nɔ rid lɛ ɔl di man dɛn, di uman dɛn ɛn di pikin ɛn fɔrena dɛn ɔl yɛri.

Jɛrimaya 1:7

Bɔt PAPA GƆD tɛl mi se, “Nɔ tɔk se, ‘mi na jɛs wan yɔŋ bɔbɔ, bikɔs yu go go to ɔl dɛn wan dɛn we a go sɛn yu to, ɛn ɛnitin a se paopa yu fɔ tɔk, yu go tɔk am.

Jɛrimaya 25:2

we Jɛrimaya we na prɔfɛt tɛl ɔl di pipul dɛn na Juda ɛn ɔl dɛn wan we tap na Jerusɛlɛm:

Jɛrimaya 28:5

Nain Jɛrimaya we na prɔfɛt tɔk to Ananaya we na prɔfɛt bifo ɔl di man dɛm we de mek sakrifays fɔ pipul sin, ɛn ɔl di pipul dɛm we bin tinap insay PAPA GƆD in os;