Jɛrimaya 26:18 - Krio Fɔs Oli Baybul

¹⁸ “Mayka na Mɔrɛshɛt, bin de prɔfisay di tɛm we Ɛzikaya na bin kiŋ na Juda, ɛn i bin tɛl ɔl di pipul dɛn na Juda se: ‘Na dis PAPA GƆD Ɔlmayti se, Dɛn go dig Zayɔn lɛkɛ fam; Jerusɛlɛm go tɔn dɔti ip, ɛn di il na PAPA GƆD in os, go tɔn fɔrɛst.

Jɛrimaya 26:18 Referans Kwoze

Zɛkaraya 8:3

PAPA GƆD se, fɔ tɛl dɛn se, in go go tap bak na Jerusɛlɛm ɛn ɔlman go no se na de PAPA GƆD Ɔlmayti de, nain oli mawnten, dɔn dɛn go no se na siti we fethful.

Mayka 1:1

Dis na wetin PAPA GƆD tɛl Mayka we kɔmɔt Mɔrɛsheth bɔt Sameria ɛn Jerusɛlɛm di tɛm we Jotham, Eaz ɛn Ɛzikaya dɛn na bin kiŋ na Juda.

Nɛimaya 4:2

Usay ɔl in kɔmpin ɛn di sojaman dɛn we kɔmɔt Sameria de, nain i se “Wetin dɛn daydo Ju man tink se dɛn de du? Dɛn go ebul bil di wɔl bak? Dɛn go ebul mek sakrifays? Dɛn go tek wangren de fɔ dɔn di wok? Dɛn ston de we dɔn bɔn ɛn nyamanyama, wetin dɛn go ebul du wit dɛn?”

Mayka 3:12

Mayka se ɔl dɛn bad tin ya we dɛn de du go mek pipul nɔ de na Zayɔn, so dɛn go plant ɔlkayn tin de lɛk na fil; ɛn Jerusɛlɛm in go so pwɛl dat na stonston nɔmɔ go de de, dɔn PAPA GƆD in os go tɔn bush.

Jɛrimaya 17:3

ɛn na di mawtin dɛn na di opin kɔntri. A go giwe ɔl una Jɛntri ɛn ɔl una dia dia tin dɛn we una kip, fɔseka una sin dɛn we una kɔmit ɔloba di land.

Jɛrimaya 9:11

A go mek Jerusɛlɛm broko broko ples we ɔltin pak pantap in kɔmpin, ples we na so so Jakal tap; di siti dɛn na Juda go tɔn ɛmti ples we pɔsin nɔ go ebul tap, ples we anch sɛf nɔ de.”

Di Sam Dɛm 79:1

PAPA GƆD, wi ɛnimi dɛn dat na di ithɛn dɛn, dɔn atak wi we na yu yon pipul; dɛn dɔn so pwɛl yu os we oli dat i nɔ fit fɔ pipul fɔ go wɔship igen, dɛn dɔn mek Jerusɛlɛm usay di os de, fiba we ston dɔti mek payl.

Jɛrimaya 51:37

ɛn Babilɔn go tɔn ruin payl, we dɛn Jakal dɛn go de ɔltɛm, ples we pipul go fred ɛn de sɔktit, ɛn we nɔbɔdi nɔ tap.

2 Kiŋ 19:25

Yu nɔ bin dɔn yɛri yet ɛn? Lɔntɛm nain a dɔn plan dat fɔ bi. Na mi se na so i fɔ bi, fɔ lɛ yu nyakanyaka di kɔntri to grabul ɛn na so i bi.

2 Kronikuls 32:26

Bɔt Ɛzikaya ɔmbul insɛf fɔ di prawd we i prawd in ɛn di pipul dɛm we tap na Jerusɛlɛm dat mek PAPA GƆD in wamat nɔ lus pan dɛm Ɛzikaya in tɛm.

Mayka 4:1

Wande wande di mawnten usay PAPA GƆD in os de go bi di mawnten we ay pas ɔl, ɛn i go ay sɛf pas di il dɛn. Bɔku ɔda neshɔn dɛn go wan fɔ go de,