Jɛrimaya 26:16 - Krio Fɔs Oli Baybul

¹⁶ Nain di bigman dɛn ɛn ɔl di pipul dɛn tɛl di man dɛm we de mek sakrifays fɔ pipul sin, ɛn di prɔfɛt dɛm, se, “Dis man nɔ dizav fɔ gɛt dɛt sɛntɛns, bikɔs i dɔn tɔk to wi wit PAPA GƆD we na wi Gɔd in nem.”

Jɛrimaya 26:16 Referans Kwoze

Apɔsul Dɛn Wok 23:29

A fɛnɔt se i nɔ du natin fɔ mek dɛn kil am ɔ fɔ mek dɛn jel am. Dɛn bin ol am fɔseka sɔm Ju Lɔ we dɛn se i brok.

Apɔsul Dɛn Wok 23:9

Di Faresi ɛn di Sadyusi dɛn bigin ala lawd lawd wan. Dɛn Ju Lɔ ticha we na bin Faresi se, “Wi nɔ si ɛnitin we dis man du we bad! Sɔntɛm na enjɛl ɔ spirit mek Pɔl tɔk lɛkɛ dat!”

Apɔsul Dɛn Wok 25:25

Bɔt a nɔ si ɛnitin we i du we fɔ mek dɛn kil am. Insɛf dɔn se in want fɔ go to di kiŋ na Rom, so a dɔn gri fɔ sɛn am go de.

Jɛrimaya 36:25

Ivin we Ɛlnetan, ɛn Dɛlayla ɛn Gɛmaraya beg di kiŋ nɔ fɔ bɔn di skrol, i nɔ lisin dɛm.

Jɛrimaya 36:19

Nain di bigman dɛn tɛl Baruch se “Una go ayd, yu ɛn Jɛrimaya, ɛn una nɔ mek ɛnibɔdi no usay una de.”

Lyuk 23:47

Wɛn di bigman fɔ dɛn soja man si wetin bi, i tɛl Gɔd tɛnki, i se, “Fɔ tru, dis man ya nɔ bin du ɛnitin bad.”

Lyuk 23:41

Dɛn kɔndɛm mi ɛn yu na ya fɔ wetin wi du ɛn wi de gɛt wi pe fɔ ɔl dɛn bad tin we wi du, bɔt dis man ya nɔ du ɛni bad tin.”

Matyu 27:54

Wɛn di soja ɔfisa ɛn di soja man dɛn we bin de gyad Jizɔs si wetin bi wɛn di grɔn shek, dɛn se, “Dis man na Gɔd in Pikin, fɔ tru!”

Jɛrimaya 26:11

Nain di man dɛn we de mek sakrifays fɔ pipul sin ɛn di prɔfɛt dɛm tɛl di bigman dɛm ɛn ɔl di pipul dɛn se, “Dis man sɔpoz fɔ gɛt dɛt sɛntɛns, bikɔs i dɔn prɔfisay agens dis siti, as una bin dɔn yɛri wit una yon yes.”

Prɔvabs 16:7

Wɛn PAPA GƆD pliz wit pɔsin, i de mek in ɛnimi dɛnsɛf bi in padi.

Ɛsta 4:14

I se, if Ɛsta sɛt in mɔt ɛn nɔ du natin, na ɔda pɔsin go fɛt fɔ di Ju dɛn, bɔt as fɔ in ɛn ɔl udat de nain papa in os dɛn ɔl go day. I se, sɔntɛm na bikɔs i go gɛt fɔ pul di Ju dɛn pan trɔbul mek i bi kwin da tɛm de.

Jɛrimaya 34:10

Ɛn dɛn bin obe; ɔl di bigman dɛm, ɛn ɔl di pipul dɛn we bin dɔn mek di Kɔvinant se, ɔlman fɔ fri in slev, man ɔ uman, so dat dɛn nɔ go bi slev igen; dɛn bin obe ɛn bin fri dɛm.

Jɛrimaya 37:15

Di bigman dɛn bin vɛks bad bad wan pan Jɛrimaya. So dɛn bin bit am ɛn lɔk am ɔp na Jonɛthan we na di sɛktri in os, bikɔs dɛn bin dɔn tɔn am to Jel.

Di Sam Dɛm 94:16

Na PAPA GƆD nɔmɔ go tinap fɔ mi wɛn mi ɛnimi dɛn de biɛn mi.