Jɛrimaya 26:15 - Krio Fɔs Oli Baybul

¹⁵ Una jɛs no se, if una kil mi, una go put inosɛnt blɔd na una an ɛn na dis siti ɛn pan di wan dɛm we tap de, bikɔs na tru se, na PAPA GƆD sɛn mi to una, fɔ tɔk ɔl dɛn wɔd ya na una yes.”

Jɛrimaya 26:15 Referans Kwoze

Di Nɔmba Dɛm 35:33

Nɔ bamfa di land we una de. If dɛn kil pɔsin de, dat go bamfa di land ɛn nɔn kayn we nɔ de fɔ beg fɔ land usay dɛn dɔn kil pɔsin, pas dɛn kil di pɔsin we kil pɔsin de.

Rɛvɛleshɔn 16:6

Dɛn pipul ya bin dɔn kil yu pipul dɛn ɛn dɛn wan we bin de tɔk di mɛsej we yu gi dɛn, dɛn bin mek dɛn blɔd rɔn so naw yu dɔn gi dɛn blɔd fɔ drink. Na wetin dɛn wok fɔ, nain dɛn gɛt!”

Apɔsul Dɛn Wok 7:60

I nil dɔŋ na grɔn ɛn pre lawd wan se, “Papa Gɔd, padin dɛn pipul ya fɔ wetin dɛn dɔn du!” Wɛn i pre dɔn, nain i day.

Matyu 26:25

Judas we sɛl Jizɔs se, “Masta, na mi go sɛl yu?” Jizɔs se, “Na so yu se.”

Jɛrimaya 22:3

Na dis PAPA GƆD se: Trit ɔlman ikwali ɛn waka tret na PAPA GƆD in yay, ɛn pul di pɔsin we dɛn dɔn tif kɔmɔt na di wan we de sɔprɛs am in an. Nɔ trit fɔrina, pikin we in papa dɔn day ɛn uman we in man dɔn day, bad ɔ wit Vayolɛns, ɛn nɔ kil pɔsin we inosɛnt.

Jɛrimaya 7:6

if una nɔ sɔprɛs dɛn trenja, dɛn pikin dɛn we dɛn mami ɛn dadi dɔn day, ɔ uman we in man dɔn day, ɔ kil inosɛnt pɔsin na ya, ɛn if una nɔ de biɛn ɔda gɔd dɛm we dat go ambɔg una,

Matyu 26:4

Dɛn bagin fɔ ol Jizɔs ɛn kil am, mek plɛnti pipul nɔ no.

Jɛrimaya 22:17

Bɔt yu gɛt yay ɛn at fɔ rog pipul dɛn nɔmɔ, fɔ shɛd inosɛnt blɔd, ɛn fɔ sɔprɛs ɛn fɛt pipul.”

Jɛrimaya 2:34

Igen, una klos dɛn sten wit po inosɛnt pipul dɛn blɔd; una nɔ kech dɛn de brok os go insay. Bɔt stil, wit ɔl dɛn tin ya so,

Jɛrimaya 2:30

PAPA GƆD se, A dɔn pɔnish una pikin dɛm te, dɛn nɔ gri chenj; na unasɛf tek una an kil una prɔfɛt dɛn lɛk layɔn we aŋri bad bad wan.

2 Kiŋ 24:4

mɔ lɛk we i bin de shɛd inosɛnt blɔd. Manasɛ bin jɛs de kil pipul dɛn fitifata ɛn mek di wanol Jerusɛlɛm ful-ɔp wit blɔd; dat mek PAPA GƆD nɔ gri fɔgiv am.

Ditarɔnɔmi 19:10

if nɔto so dɛn go jɔs de kil pipul dɛn fiti fata na di land we PAPA GƆD we na dɛn PAPA GƆD go gi dɛn fɔ dɛn yon prɔpati ɛn di sin go de pan dɛn.

Jɛnɛsis 42:22

Na de Rubɛn se in bin tɛl dɛn mek dɛn nɔ du natin to di bɔbɔ, bɔt dɛn nɔ bin lisin. Naw na dɛn ɔl de pe fɔ in day.

Jɛnɛsis 4:10

Nain PAPA GƆD se, “Wetin mek yu dɔn du dis bad tin ya so? Yu brɔda in blɔd de kray to mi frɔm di grɔn.

Prɔvabs 6:16

Siks tin dɛn de we PAPA GƆD nɔ lɛk, infakt na sɛvin sɛf we i et bad, bad wan: Pɔsin we fil tu gud bɔt insɛf, pɔsin we lɛk fɔ lay, pɔsin we de kil fɔ natin, dɛn at we de plan bad tin, fut we de magomago fɔ du bad, witnɛs we de lay ɔlkayn lay ɛn koŋosa, ɛn we de briŋ plaba bitwin padi dɛn.

Jɛrimaya 26:12

Nain Jɛrimaya tɔk to ɔl di bigman dɛm ɛn ɔl di pipul dɛm, se, “Na PAPA GƆD sɛn mi fɔ kam prɔfisay agens dis os ɛn dis siti, ɔl dɛn wɔd dɛm we una yɛri a tɔk.

2 Kronikuls 24:22

Dat sho se Joash we na bin di kiŋ, nɔ mɛmba di gud we Jɛoiada we na Zɛkaraya in papa, bin du to am, bɔt i kil in bɔypikin. Wɛn i bin de day i day se, “Mek Papa si ɛn rivɛnj!”

Jɛrimaya 30:1

Di wɔd we PAPA GƆD sɛn to Jɛrimaya.