Jɛrimaya 26:13 - Krio Fɔs Oli Baybul

¹³ So fɔseka dat, una chenj una we ɛn di tin dɛn we una de du, ɛn du wetin PAPA GƆD we na una Gɔd se, dɔn PAPA GƆD nɔ go du di bad tin dɛn we i dɔn tɔk se i go du una.

Jɛrimaya 26:13 Referans Kwoze

Jona 4:2

I tɛl PAPA GƆD se i bin no se na dat PAPA GƆD go du so na dat bin mek in rɔnawe fɔ go Tashish. I se in no se PAPA GƆD gɛt sɔri-at bad, i nɔ de vɛks so, ɛn in lɔv nɔ de ɛva chenj ɛn so i nɔ lɛk fɔ du bad.

Jona 3:9

Di kiŋ se sɔntɛm dat go mek PAPA GƆD in at kol ɛn i nɔ vɛks da bad bad vɛks we i bin vɛks igen, dɔn i go sɔri fɔ dɛn ɛn nɔ dɔnawe wit dɛn.

Ayzaya 1:19

If una gri fɔ du wetin a se ɛn obe mi, una go ɛnjɔy ɔl di gud tin dɛn na di land.

Di Ibru Pipul Dɛn 5:9

Wɛn Jizɔs dɔn sho se in ebul du ɔltin, i kam bi di wan we de sev ɔl dɛn pipul we de du wetin i tɛl dɛn fɔ du, ɔltɛm.

Joɛl 2:14

I se nɔbɔdi nɔ no if i go sɔri fɔ dɛn, ɛn blɛs dɛn, if dɛn go gi PAPA GƆD we na GƆD, dɛn gren ɛn drink ɔfrin.

Jɛrimaya 38:20

Nain Jɛrimaya se, “Dɛn nɔ go an yu oba to dɛm. Du wetin a tɛl yu se PAPA GƆD se, wantɛm wantɛm, ɛn i go bi wɛl wit yu ɛn dɛn go spia yu layf.

Jɛrimaya 36:3

Sɔntɛm Juda dɛn go yɛri bɔt ɔl di bad bad plan we a gɛt fɔ dɛm, so dat ɔlman go lɛf fɔ du ivul, ɛn a go fɔgiv dɛm fɔ dɛn wikɛdnɛs ɛn dɛn sin.”

Jɛrimaya 35:15

A dɔn sɛn ɔl mi wokman dɛm we na di prɔfɛt dɛn to una ɛn a de sɛn dɛm ɔltɛm se, ‘Ɔlman fɔ lɛf in ivul we ɛn lɛf wetin una de du, ɛn nɔ de biɛn ɔda gɔd dɛm de sav dɛm, datɛnde una go tap na di land we a gi una ɛn una fɔstɛmpapa dɛm.’ Bɔt una nɔ ivin put una yes lisin to mi.

Jɛrimaya 26:19

Ɛzikaya we na bin kiŋ na Juda ɛn ɔl di pipul dɛm na Juda bin kil am? I nɔ bin fred PAPA GƆD, ɛn beg PAPA GƆD fɔ sɔri fɔ am, ɛn PAPA GƆD nɔ bin rigrɛt ɛn nɔ du wetin i bin dɔn se i go du dɛm? Bɔt wi de rɛdi fɔ briŋ big big wuala pan wisɛf.”

Jɛrimaya 26:3

Sɔntɛm dɛn go lisin, ɛn ɔlman go lɛf dɛn ivul tin dɛn we dɛn de du, so dat a nɔ go du di bad bad tin we a bin dɔn plan fɔ du dɛm, fɔseka di ivul tin dɛn we dɛn de du.

Jɛrimaya 18:8

ɛn if da neshɔn de we a de tɔk bɔt chenj ɛn lɛf fɔ du bad, a go ripɛnt fɔseka di bad we a bin de plan fɔ du to dɛm.

Ayzaya 55:7

lɛ wikɛd pɔsin lɛf fɔ du bad, ɛn di pɔsin we nɔ de waka tret na PAPA GƆD in yay, chenj di we we i de tink; mek i tɔn bak go to PAPA GƆD, mek i go sɔri fɔ am, dat na to wi Gɔd, bikɔ i go padin am fɔ ɔltin.

Izikɛl 33:11

Tɛl dɛn se, as a de livin, PAPA GƆD se, a nɔ de gladi wɛn di wikɛd day, bɔt a go gladi if di wikɛd chenj pan in we ɛn so i go liv; una tɔn bak, tɔn bak frɔm una ivil we dɛm; fɔ wetin fɔ mek una day, O Izrɛl pipul?

Jɛrimaya 42:10

I se: If una go kɔntinyu fɔ de na dis land, dat go mek a es una ɔp ɛn nɔ put una dɔŋ; a go plant una ɛn nɔ rut una; bikɔs a dɔn sɔri ɛn nɔ go du di bad bad tin we a bin wan du una, igen.

Di Jɔj Dɛm 2:18

Ɛnitɛm we PAPA GƆD gi dɛn jɔj, PAPA GƆD kin de wit di jɔj; PAPA GƆD mek dɛn ɛnimi dɛn nɔ ebul dɛn ɔl di tɛn we jɔj dɛn bin de de, bikɔs i kin sɔri fɔ dɛn we dɛn kin de kray we dɛn ɛnimi dɛn kin de trit dɛn bad.

Ditarɔnɔmi 32:36

PAPA GƆD go sev in pipul dɛn ɛn sɔri fɔ in wokman dɛm, we i si se dɛn pawa dɔn dɔn, ɛn nɔn pan di fribɔn ɔ slev nɔ de igen

Ɛksodɔs 32:14

PAPA GƆD chenj in maynd ɛn nɔ pɔnish di pipul dɛn igen lɛkɛ aw i bin se.

Jɛrimaya 11:4

we a bin kɔmand una fɔstɛmpapa dɛn fɔ du, we a bin briŋ dɛm kɔmɔt Ijipt, kɔmɔt na di ayɛn fayasay, de tɛl dɛn se, Una lisin mi ɛn du ɔl wetin a kɔmand una fɔ du. Na dat go mek una bi mi pipul dɛn ɛn mi go bi una Gɔd,

Jɛrimaya 18:11

Fɔseka dat, tɛl di man dɛm na Juda ɛn dɛn wan dɛm we tap na Jerusɛlɛm se: “Na dis PAPA GƆD se, a de rɛdi fɔ du ivul tin agens una ɛn a de mek plan fɔ una. Lɛ ɔlman chenj kɔmɔt pan in ivul we, ɛn chenj aw una liv ɛn wetin una de du.