Jɛrimaya 26:10 - Krio Fɔs Oli Baybul

¹⁰ Wɛn di bigman dɛn na Juda yɛri bɔt dɛn tin ya, dɛm kɔmɔt na di kiŋ in os kam ɔp na PAPA GƆD in os sidɔm na dɛn ples insay di Nyu Get na PAPA GƆD in os.

Jɛrimaya 26:10 Referans Kwoze

Jɛrimaya 36:10

So Baruch rid wetin Jɛrimaya bin tɛl am fɔ rayt na di skrol na PAPA GƆD in os, insay Gɛmaraya we na Shafan we na di sɛktri, in bɔypikin in rum, we bin de na di yad we de ɔpsay as yu de go insay di Nyu Get na PAPA GƆD in os.

Izikɛl 22:27

Dɛn bigman dɛn we de de, tan lɛk wulf we de chɛr di tin we i kech fɔ it, dɛn de kil pipul ɛn nyakanyaka pipul dɛn layf fɔseka jɛntri we nɔ klin na Gɔd yay;

Izikɛl 22:6

Biliv mi, di Izrɛl bigman dɛm we tap insay yu, bikɔs ɔf dɛn pawa, de shɛd blɔd.

Jɛrimaya 36:25

Ivin we Ɛlnetan, ɛn Dɛlayla ɛn Gɛmaraya beg di kiŋ nɔ fɔ bɔn di skrol, i nɔ lisin dɛm.

Jɛrimaya 34:19

dat na di bigman dɛm na Juda, di bigman dɛm na Jerusɛlɛm, di Okobo dɛm, di man dɛm we de mek sakrifays fɔ pipul sin, ɛn ɔl di pipul dɛm na di land we bin pas midul di ship pikin we una bin sheb tu;

Jɛrimaya 26:24

Bɔt Aikam, we na Shafan in bɔypikin, bin de wit Jɛrimaya, we mek dɛn nɔ gi am to di pipul dɛm, fɔ mek dɛn kil am.

2 Kiŋ 15:35

Bɔt nɔmɔ i nɔ bin brok dɛn ɔlta we dɛn bin dɔn bil fɔ de mek sakrifays to lay lay gɔd; di pipul dɛn bin stil de bɔn insɛns, ɛn mek sakrifays de. Na Jotham bil di Nɔth Get na PAPA GƆD in os bak.

Jɛrimaya 26:21

Wɛn Kiŋ Jɛoiakim wit ɔl in sojaman dɛm ɛn ɔl di bigman dɛm, yɛri wetin Yuraya se, di kiŋ luk fɔ we fɔ kil am; bɔt we Yuraya yɛri bɔt dat, i bin fred, so I rɔnawe go Ijipt.

Jɛrimaya 34:10

Ɛn dɛn bin obe; ɔl di bigman dɛm, ɛn ɔl di pipul dɛn we bin dɔn mek di Kɔvinant se, ɔlman fɔ fri in slev, man ɔ uman, so dat dɛn nɔ go bi slev igen; dɛn bin obe ɛn bin fri dɛm.

2 Kronikuls 27:3

I bil di ɔp get na PAPA GƆD in os, ɛn i du bɔku wok na di wɔl na Ofɛl.

Jɛrimaya 20:2

Pashɔ bit Jɛrimaya ɛn chen am na di ples we de fɔ chen pipul na di Bɛnjamin get we de ɔp say na PAPA GƆD in os.