Jɛrimaya 25:9 - Krio Fɔs Oli Baybul

⁹ biliv mi, a go sɛn fɔ ɔl di trayb dɛn we de na di nɔt, ɛn fɔ mi wokman Nɛbyukadnɛza we na kiŋ na Babilɔn, ɛn a go mek dɛn atak dis land ɛn di pipul dɛm we tap de, ɛn ɔl di neshɔn dɛm we de rawnd am; a go nyakanyaka dɛm kpatakpata ɛn mek dɛn tɔn tin fɔ fred, fɔ sɔktit ɛn pipul go shem fɔ de wit dɛm, sote go.

Jɛrimaya 25:9 Referans Kwoze

Jɛrimaya 18:16

ɛn dɔn mek dɛn land ples fɔ fred, tin fɔ sɔktik pan sote go. Ɛnibɔdi we pas nia de kin fred ɛn kin shek dɛn ed.

Jɛrimaya 1:15

PAPA GƆD se, na dat mek A de kɔl ɔl di trayb dɛn we de na di kindɔm dɛm na di nɔt; ɛn dɛn go kam, ɛn dɛn ɔl go put dɛn tron na di ɛntrans na di get fɔ go insay Jerusɛlɛm, ɛn liŋ dɛn pan ɔl di wɔl dɛn we de rawnd, ɛn pan ɔl di siti dɛn na Juda.

Ayzaya 13:3

Misɛf dɔn kɔmand mi yon dɛn we klin na mi yay, a dɔn sɛn kɔl mi pawaful man dɛn fɔ du di tin we a go du we a vɛks, dɛn mi prawd man dɛn we a de gladi fɔ.

Jɛrimaya 43:10

ɛn tɛl dɛm se, ‘Na dis PAPA GƆD Ɔlmayti we na Izrɛl dɛn Gɔd se: A de tɛl una, a go sɛn tek Nɛbyukadnɛza, mi wokman we na kiŋ na Babilɔn, ɛn i go put in tron pantap dɛn ston ya we a dɔn ayd, ɛn i go prɛd in kiŋ tɛnt oba dɛm.

Jɛrimaya 24:9

A go mek dɛn tin fɔ fred to ɔl di kɔntri dɛm na di wɔl. Pipul go shem fɔ de wit dɛm, dɛn nem nɔ go gɛt rɛspɛkt, dɛn go provok dɛm ɛn go bi pipul dɛn we gɛt swɛ, ɔlsay usay a go drɛb dɛn go.

Ayzaya 44:28

we tɔk bɔt Sayrɔs se, ‘In na mi shɛpad, ɛn i go du ɔl wetin a plan’; I tɔk bɔt Jerusɛlɛm se, “Dɛn go bil am,’ ɛn bɔt di tɛmpul se, ‘Dɛn go le yu fawndeshɔn.’”

Ayzaya 39:7

Ɛn dɛn go kɛr sɔm pan yu bɔypikin dɛn we yu bɔn, go; ɛn dɛn go tɔn dɛn to okobo na di kiŋ na Babilɔn in pales.”

Izikɛl 26:7

Wɛl, na dis PAPA GƆD se: una lisin, a go briŋ kam pan Taya, frɔm di nɔt Nɛbyukadnɛza we na di Babilɔn kiŋ, di kiŋ oba di ɔda kiŋ dɛm; i go kam wit ɔs ɛn chariɔt dɛm, ɛn wit man dɛm we de rayd ɔs dɛm ɛn bɔku bɔku soja man dɛm.

Jɛrimaya 40:2

Di kapten tek Jɛrimaya go na kɔna ɛn tɛl am se, “Na PAPA GƆD we na una Gɔd tɔk wit in pawa se dis bad tin fɔ apin na ya;

Jɛrimaya 8:16

Dɛn yɛri dɛn ɔs dɛn we dɛn de sniz ɔl di we na Dan; we dɛn man ɔs dɛn de ala, di wanol land de shek. Dɛn kam kam it ɔltin na di land ɛn wetin fulɔp de, dat na di siti ɛn dɛn wan dɛn we tap de.

Jɛrimaya 6:1

Una rɔn go ayd, una Bɛnjamin in pikin dɛm, una rɔn kɔmɔt insay Jerusɛlɛm! Una blo di trɔmpɛt na Tɛkoa, ɛn put sayn ɔp na Bɛtachɛrɛm; bikɔs bad bad tin de na rod de kam kɔmɔt na di nɔt, ɛn ebi ebi nyakanyaka.

Ayzaya 10:5

E Asiria we na mi wamat in ratlan, di tik fɔ mi bad bad vɛksteshɔn.

Prɔvabs 21:1

Lɛkɛ aw i izi fɔ PAPA GƆD fɔ kɔntrol wata we de rɔn, na so i izi fɔ am fɔ kɔntrol wetin kiŋ de plan ɛn du, ɛn na usay i want am fɔ go i de kɛr am.

Ditarɔnɔmi 28:37

Di pipul dɛn we de na di kɔntri we PAPA GƆD go skata dɛn, go wɔnda se wetin apin to pipul lɛkɛ dɛn; dɛn go tɔk bad bɔt dɛn ɛn go laf ɛn provok dɛn.

2 Kronikuls 29:8

Fɔseka dat, PAPA GƆD in vɛksteshɔn mit Juda ɛn Jerusɛlɛm ɛn i dɔn mek dɛn tin fɔ fred, tin fɔ shɔk pɔsin we yu si am, ɛn fɔ sɔktit, as unasɛf dɔn si wit una yon yay.

Jɛrimaya 4:7

Wan layɔn dɔn kɔmɔt na di tay tay bush we i bin fasin, pɔsin we de nyakanyaka neshɔn dɛn de na rod; i dɔn kɔmɔt nain ples fɔ go mek yu land ples we natin nɔ de bi; una siti dɛn go tɔn pwɛl pwɛl ples usay pipul dɛn nɔ tap.

Jɛrimaya 10:22

Una lisin, na rumɔ! Luk, i de kam! –- Big kɔnfyushɔn de na di nɔt kɔntri fɔ kam mek di siti dɛn na Juda ɛmti, ɛn ples we na so so Jakal tap.

Jɛrimaya 20:4

Bikɔs na dis PAPA GƆD se: Lisin, a go mek yu tɛrɔ to yusɛf ɛn to ɔl yu padi dɛm. Yu go de luk so dɛn de kil dɛn na wa. Ɛn a go mek di kiŋ na Babilɔn kapchɔ Juda; i go kɛr dɛn go Babilɔn go mek dɛn slev, ɛn go kil dɛm wit sɔd.

Jɛrimaya 25:8

“Fɔseka dat na dis PAPA GƆD Ɔlmayti se: Bikɔs una nɔ obe mi wɔd,

Jɛrimaya 29:18

A go mek wa, bad bad aŋri ɛn siknɛs de biɛn dɛm, ɛn a go mek dɛn pipul fɔ fred na ɔl di kɔntri dɛm na di wɔl. Pipul go shem fɔ de wit dɛm, dɛn nem nɔ go gɛt rɛspɛkt, dɛn go provok dɛm ɛn go bi pipul dɛn we gɛt swɛ, ɔlsay usay a go drɛb dɛn go,

Jɛrimaya 36:2

“Tek wan skrol ɛn rayt ɔl wetin a dɔn tɔk agens Izrɛl ɛn Juda, ɛn ɔl ɔda neshɔn dɛm, frɔm di de we a bigin tɔk to yu, dat na frɔm Josaya in tɛm, te tide.

Jɛrimaya 36:29

As fɔ Jɛoiakim we na kiŋ na Juda, yu go tɔk se, ‘Na dis PAPA GƆD se. Yu dɔn bɔn dis skrol de se, “Wetin mek yu dɔn rayt pan am se di kiŋ na Babilɔn go mɔs kam nyakanyaka dis land, ɛn nɔ go lɛf mɔtalman ɔ animal sɛf de?”

Izikɛl 12:20

Ɛn siti dɛn we pipul dɛn tap, nɔbɔdi nɔ go tap de igen, ɛn di kɔntri go ɛmti; ɛn una go no se na mi na PAPA GƆD.’

Izikɛl 36:5

fɔseka dat, na dis PAPA GƆD se; a de tɔk pan mi bad bad jɛlɔs we a gɛt pan di balans neshɔn dɛm ɛn pan ɔl Idɔm, we gi mi kɔntri to dɛnsɛf fɔ dɛn yon, ɛn gladi wit ɔl dɛn at, ɛn nɔ gɛt rɛspɛkt at ɔl, so dat dɛn go tek am fɔ dɛn yon ɛn pwɛl am pata pata.

Daniɛl 5:18

Kiŋ, na PAPA GƆD we ay pas ɔl bin mek Nɛbyukadnɛza, we na yu papa, kiŋ, ɛn gi am pawa, gud nem ɛn rɛspɛkt.

2 Kiŋ 24:2

PAPA GƆD sɛn di Babilonian dɛn, di Moabayt dɛn ɛn di Amonayt dɛn fɔ atak Juda ɛn pwɛl di siti. Ɔl dis bi fɔ lɛ wetin PAPA GƆD in prɔfɛt dɛn bin dɔn tɔk bi.

2 Kronikuls 36:21

fɔ mek di tin we PAPA GƆD tɔk na Jɛrimaya in mɔt bi sote di land ɛn jɔy in de fɔ blo ɛn rɛst dɛm. Ɔl di tɛm we i lɛf ɛmti ɛn sɔri i kip de fɔ blo ɛn rɛst fɔ mek ɔp sɛvinti ia.

Jɛrimaya 1:14

Nain PAPA GƆD tɛl mi se, “Na di nɔt ivul go kɔmɔt go pan di pipul dɛn we tap na di land.

Jɛrimaya 2:15

Dɛn layɔn dɛm dɔn ala pan am, dɛn dɔn ala lawd lawd wan. Dɛn dɔn mek in land yuslɛs; in siti dɛm dɔn broko broko, ɛn nɔbɔdi nɔ tap de.

Jɛrimaya 12:14

Na dis PAPA GƆD se bɔt ɔl mi bad bad neba dɛm we put an pan di prɔpati we a dɔn gi Izrɛl we na mi pipul dɛm, as dɛn yon prɔpati: “A de tɛl yu, a go rut dɛm kɔmɔt na dɛn land, ɛn a go rut Juda kɔmɔt pan dɛm.

Jɛrimaya 35:11

Bɔt we Nɛbyukadnɛza we na kiŋ na Babilɔn bin kam fɛt di land, wi bin se, ‘Una kam le wi go na Jerusɛlɛm bikɔs wi de fred di Babilonian dɛn ami ɛn di Sirian dɛn ami.’ Na dat mek na Jerusɛlɛm wi tap.”

Jɛrimaya 46:20

“Ijipt na wan fayn kaw pikin, bɔt wan flay we de bɛt we kɔmɔt na di nɔt, dɔn kam pan am.

Jɛrimaya 49:19

A de tɛl una, lɛkɛ we bɔku ship dɛn kin rɔn we layɔn de kɔmɔt na bush nia Riva Jɔdan, fɔ kam atak dɛm, na so a go mek dɛn rɔnawe pan am; ɛn a go apɔynt ɛnibɔdi we a pik fɔ rul am. Bikɔs, udat gɛt pawa lɛkɛ mi? Udat go sɛn kɔl mi? Us shɛpad go tinap bifo mi?

Izikɛl 16:40

Dɛn go briŋ bɔku bɔku pipul dɛn kan fɛt una, ɛn dɛn go ston una ɛn chap chap una pis pis wit dɛn sɔd.

Izikɛl 21:11

So dɛn gi di sɔd fɔ mek dɛn pɔlish am, so dat dɛn go ebul yuz am; dɛn shap ɛn pɔlish am fɔ gi di pɔsin we de kil.

Abakɔk 1:12

Abakɔk aks PAPA GƆD se if nɔto in na PAPA GƆD frɔm tɛm. Di PAPA GƆD we oli. I se in no se dɛn nɔ go day as na PAPA GƆD pik di Babilonian dɛn fɔ pɔnish dɛn.

Abakɔk 1:17

Abakɔk aks PAPA GƆD if na so i go lɛf di Babilonian dɛn fɔ de biev te go, fɔ lɛ dɛn de pas ɛn dil wit neshɔn dɛn aw dɛn fil fɔ ɛn nɔ de sɔri fɔ dɛn.