Jɛrimaya 25:7 - Krio Fɔs Oli Baybul

⁷ PAPA GƆD se, pan ɔl dat, una nɔ lisin to mi, so dat una go provok mi mek a vɛks wit wetin una an de du to una yon dɛtrimɛnt.

Jɛrimaya 25:7 Referans Kwoze

2 Kiŋ 21:15

bikɔs dɛn dɔn du bad bad tin; ɛn dɛn dɔn de fɛn in plaba frɔm di de we dɛn fɔstɛm-papa dɛn lɛf Ijipt.

Prɔvabs 8:36

bɔt udat nɔ fɛn mi nainsɛf i de du; udat nɔ lɛk mi lɛk fɔ day.”

2 Kiŋ 17:17

Dɔn igen, dɛn kil dɛn bɔy ɛn gyal pikin dɛn, ɛn bɔn dɛn na faya as sakrifays; dɛn de go to mɔreman, dɛn de lukgrɔn, ɔlkanaba bad tin nain dɛn du fɔ mek PAPA GƆD vɛks.

Ditarɔnɔmi 32:21

Dɛn mek PAPA GƆD vɛks bikɔs dɛn de wɔship lay lay gɔd, dɛn mek i jɛlɔs bikɔs dɛn gɔd dɛn nɔto gɔd dɛn. So i go drɔ ɔda pipul dɛn we nɔ bɛtɛ kam nia am so dat Izrɛl go vɛks, dɛn go jɛlɔs.

Nɛimaya 9:26

“Bɔt dɛn nɔ bin de du wetin yu want ɛn dɛn tɔn rebɛl pan yu; dɛn nɔ bin bisin bɔt wetin yu lɔ se. Dɛn kil yu prɔfɛt dɛn we bin de tɛl dɛn wetin yu want, we bin de advays dɛn fɔ mek dɛn tek yu siriɔs. Dɛn tɔk bɔku bad bad tin dɛn bɔt yu.

Jɛrimaya 25:8

“Fɔseka dat na dis PAPA GƆD Ɔlmayti se: Bikɔs una nɔ obe mi wɔd,

Jɛrimaya 44:8

Wetindu una de provok mi mek a vɛks bay wetin una de du, we una de bɔn insɛns to ɔda gɔd dɛm na Ijipt usay una dɔn kam tap, we go mek nɔbɔdi nɔ want fɔ gɛt ɛnitin fɔ du wit una, ɛn una gɛt swɛ ɛn tɔn provokeshɔn na ɔl di neshɔn dɛm na di wɔl?

2 Kronikuls 24:19

Pan ɔl dat, i sɛn prɔfɛt dɛm to dɛm fɔ briŋ dɛn kam bak to in PAPA GƆD; dat mek dɛn gilti bɔt dɛn nɔ bin stil bisin.

Jɛrimaya 19:15

“Na dis PAPA GƆD Ɔlmayti we na Izrɛl dɛn Gɔd se, A de briŋ ɔl di bad bad tin dɛn we a bin dɔn se go apin, pan dis siti ɛn ɔl in tɔŋ dɛm, bikɔs dɛn dɔn traŋayes bad bad wan ɛn nɔ gri yɛri mi wɔd.”

Jɛrimaya 22:21

A bin tɔk to yu wɛn yu bin jɛntri, bɔt yu bin se, ‘A nɔ go lisin.’ Na so yu tan frɔm we yu yɔŋ, yu nɔ du wetin a se.

Jɛrimaya 29:19

PAPA GƆD se, bikɔs dɛn nɔ yɛri mi wɔd we a de sɛn mi wokman dɛn we na di prɔfɛt dɛn, fɔ tɛl dɛn ɔltɛm. Na so PAPA GƆD se.

Jɛrimaya 44:7

Ɛn naw, na dis PAPA GƆD Ɔlmayti we na Izrɛl dɛn Gɔd se: Wetin du una de du dis kayn bad bad tin to unasɛf, fɔ mek una nɔ gɛt mɔ man ɛn uman, yɔŋ bebi ɛn pikin dɛm na Juda we dat go mek nɔbɔdi nɔ lɛf pan una?

Zɛkaraya 1:4

I se dɛn nɔ fɔ tan lɛk dɛn fɔstɛm-papa dɛn we dɛn lɔntɛm prɔfɛt bin de tɛl se lɛ dɛn lɛf di bad tin we dɛn bin de du, bɔt dɛn nɔ lisin ɔ braskitul PAPA GƆD sɛf.