Jɛrimaya 25:6 - Krio Fɔs Oli Baybul

⁶ una nɔ fɔ de biɛn ɔda gɔd dɛm fɔ go sav dɛm ɛn wɔship dɛm, ɔ prɔvok mi mek a vɛks wit wetin una de du. Datɛnde, a nɔ go am una.’

Jɛrimaya 25:6 Referans Kwoze

Ditarɔnɔmi 8:19

I tɛl dɛn se if dɛn fɔgɛt bɔt PAPA GƆD we na dɛn PAPA GƆD, ɛn wɔship ɛni ɔda gɔd, dɛn ɔl go day.

Jɛrimaya 35:15

A dɔn sɛn ɔl mi wokman dɛm we na di prɔfɛt dɛn to una ɛn a de sɛn dɛm ɔltɛm se, ‘Ɔlman fɔ lɛf in ivul we ɛn lɛf wetin una de du, ɛn nɔ de biɛn ɔda gɔd dɛm de sav dɛm, datɛnde una go tap na di land we a gi una ɛn una fɔstɛmpapa dɛm.’ Bɔt una nɔ ivin put una yes lisin to mi.

Jɛrimaya 7:6

if una nɔ sɔprɛs dɛn trenja, dɛn pikin dɛn we dɛn mami ɛn dadi dɔn day, ɔ uman we in man dɔn day, ɔ kil inosɛnt pɔsin na ya, ɛn if una nɔ de biɛn ɔda gɔd dɛm we dat go ambɔg una,

2 Kiŋ 17:35

Wɛn PAPA GƆD bin mek Kɔvinant wit di Izrɛlayt dɛn, i gi dɛn lɔ se, dɛn nɔ fɔ wɔship nɔn ɔda gɔd dɛn ɔ mek sakrifays to dɛn.

Ditarɔnɔmi 6:14

Mozis se dɛn nɔ fɔ wɔship nɔn ɔda gɔd; ivin dɛn fɔrina dɛn gɔd dɛnsɛf dɛn nɔ fɔ wɔship.

Jɛrimaya 7:9

Una go tif, kil pɔsin, kɔmit adɔltri, swɛ fɔ natin, bɔn insɛns to Beal, ɛn wɔship ɔda gɔd dɛm we una nɔ bin no,

1 Kiŋ 14:22

Di pipul dɛn na Juda du bad bad tin we PAPA GƆD nɔ lɛk. Infakt dɛn mek PAPA GƆD vɛks pan dɛn mɔ pas aw i bin vɛks pan dɛn fɔstɛm-papa dɛn.

Jɔshwa 24:20

I se lɛ dɛn nɔ luk se bikɔs i dɔn du plɛnti gud tin fɔ dɛn dɛn kin jɔs du ɛnitin we dɛn fil o; if dɛn du wetin PAPA GƆD nɔ lɛk, i go chenj pan dɛn ɛn pɔnish dɛn bad bad wan ɛn kin ivin kil kil dɛnsɛf.

Ditarɔnɔmi 28:14

dat na if dɛn nɔ ple tampale wit PAPA GƆD ɛn go wɔship ɔda gɔd dɛn.

Ditarɔnɔmi 13:2

dɔn di tin dɛn we i se go bi, bi, dɔn i kam tɛl dɛn fɔ go wɔship ɔda gɔd dɛn,

Ɛksodɔs 20:23

Dɛn nɔ fɔ tek silva mek gɔd ɛn se mi ɛn in na di sem. Dɛn nɔ fɔ tek gold sɛf mek gɔd.

Ɛksodɔs 20:3

Una nɔ fɔ wɔship nɔn ɔda gɔd, pas mi.

Jɛrimaya 44:8

Wetindu una de provok mi mek a vɛks bay wetin una de du, we una de bɔn insɛns to ɔda gɔd dɛm na Ijipt usay una dɔn kam tap, we go mek nɔbɔdi nɔ want fɔ gɛt ɛnitin fɔ du wit una, ɛn una gɛt swɛ ɛn tɔn provokeshɔn na ɔl di neshɔn dɛm na di wɔl?

Ozie 1:7

I se in go sɔri fɔ di wan dɛn na Juda ɛn in PAPA GƆD, we na dɛn Gɔd go pul dɛn pan trɔbul bɔt i nɔ go yus aro ɔ sɔd ɔ wa ɔ ɔs dɛn ɔ di man dɛn we de rayd ɔs.

Jɛrimaya 32:30

Bikɔs na so so ivul Izrɛl in bɔypikin dɛm ɛn Juda in bɔypikin dɛn dɔn du bifo mi fɔrm we dɛn yɔŋ; Izrɛl in bɔypikin dɛm nɔ du natin pas fɔ prɔvok mi mek a vɛks bay wetin dɛn de du wit dɛn yon an. Na so PAPA GƆD se.

Jɛrimaya 44:7

Ɛn naw, na dis PAPA GƆD Ɔlmayti we na Izrɛl dɛn Gɔd se: Wetin du una de du dis kayn bad bad tin to unasɛf, fɔ mek una nɔ gɛt mɔ man ɛn uman, yɔŋ bebi ɛn pikin dɛm na Juda we dat go mek nɔbɔdi nɔ lɛf pan una?