Jɛrimaya 25:3 - Krio Fɔs Oli Baybul

³ I se, “Fɔ twɛnti tri ia, frɔm di ia we mek Josaya we na Amɔn in bɔypikin, tɔtin ia as kiŋ na Juda’ te to dis de, PAPA GƆD in wɔd dɔn kam to mi ɛn a dɔn kɔntinyu fɔ tɔk to una, bɔt una nɔ lisin.

Jɛrimaya 25:3 Referans Kwoze

Jɛrimaya 26:5

ɛn fɔ pe atɛnshɔn to wetin mi wokman dɛn we na di prɔfɛt dɛn we a sɛn to una ɔjɛnt ɔjɛnt wan, ɔldo una nɔ lisin dɛm,

Jɛrimaya 11:7

Bikɔs a bin wɔn una fɔstɛmpapa dɛn siriɔs siriɔs wan we a bin pul dɛn kɔmɔt Ijipt, ɛn a bin de wɔn dɛm ɔltɛm, ivin to tide, Una de du wetin a se una fɔ de du.

Jɛrimaya 1:2

we na to am PAPA GƆD in wɔd bin kam di ia we mek Josaya, we na Amɔn in bɔypikin, tɔtin ia as kiŋ na Juda.

Jɛrimaya 7:13

PAPA GƆD se, ɛn rayt naw, bikɔs una dɔn du ɔl dɛn tin ya, ɛn wɛn a bin de tɔk to una ɛn nɔ de blo, una nɔ bin lisin, ɛn wɛn a kɔl una, una nɔ ansa,

Jɛrimaya 29:19

PAPA GƆD se, bikɔs dɛn nɔ yɛri mi wɔd we a de sɛn mi wokman dɛn we na di prɔfɛt dɛn, fɔ tɛl dɛn ɔltɛm. Na so PAPA GƆD se.

2 Kronikuls 34:8

Naw insay di eti ia we i bi kiŋ wɛn i dɔn pɔj di land ɛn di os i sɛn Shafan Azalia in bɔypikin ɛn Meseya di gɔvna fɔ di siti ɛn Joa Joeaz in bɔypikin we nain de tek rɛkɔd fɔ ripia PAPA GƆD in Gɔd in os.

2 Kronikuls 34:3

Bikɔs wɛn et ia afta i bi kiŋ, na stil bɔbɔ da tɛm de, i begin fɔ fɛn in papa Devid in Gɔd ɛn insay di twɛlv ia i begin pɔj Juda ɛn Jerusɛlɛm. I pul di ay ples dɛm, di Ashɛrim tik dɛn na di kev, di aydɔl dɛm ɛn di ayɛn lay lay gɔd.

Sɛkɛn Lɛta To Timoti 4:2

fɔ de tɛl pipul di mɛsej we Gɔd gi yu ɔltɛm, wɛn dɛn de lisin ɔ wɛn dɛn nɔ want lisin; yu fɔ sho pipul wetin rayt fɔ du; yu fɔ tɛl dɛn wan we no se wetin dɛn de du nɔ rayt, fɔ tap; yu fɔ tɔk to dɛn mek dɛn waka tret; ɛn bia wit dɛn ɔltɛm wɛn yu de lan dɛn dɛn tin ya.

Jɔn 8:47

Pɔsin we kɔmɔt to Gɔd de put in at pan di tin dɛn we Gɔd tɔk. Nɔto Gɔd una kɔmɔt to, na dat mek una nɔ de yɛri Gɔd in wɔd.”

Jɔn 8:2

Di ɔda de, wɛn do jɛs klin, Jizɔs go bak na Gɔd in Os. Ɔl di pipul dɛn go gɛda rawnd am, nain i sidɔm ɛn bigin lan dɛn.

Mak 1:35

Ali mɔnin, bifo do klin gud, Jizɔs grap go pre na wan ples we pipul nɔ de.

Jɛrimaya 44:4

Pan ɔl dat, a bin de sɛn mi wokman dɛm we na di prɔfɛt dɛn to una ɔltɛm fɔ tɛl una se, ‘Ey, una nɔ du dis bad bad tin we a et bad bad wan!’

Jɛrimaya 35:15

A dɔn sɛn ɔl mi wokman dɛm we na di prɔfɛt dɛn to una ɛn a de sɛn dɛm ɔltɛm se, ‘Ɔlman fɔ lɛf in ivul we ɛn lɛf wetin una de du, ɛn nɔ de biɛn ɔda gɔd dɛm de sav dɛm, datɛnde una go tap na di land we a gi una ɛn una fɔstɛmpapa dɛm.’ Bɔt una nɔ ivin put una yes lisin to mi.

Jɛrimaya 25:4

Una nɔ lisin ɛn una nɔ opin una yes fɔ yɛri, ɔlwe PAPA GƆD de sɛn ɔl in wokman dɛm, we na di prɔfɛt dɛm, to una ɔltɛm

Ayzaya 55:2

Wetin du una de spɛnd una kɔpɔ pan tin we nɔto tin fɔ it, ɛn put yu lebɔ pan tin we nɔ de mek yu satisfay? Lisin mi gud gud wan, ɛn it wetin gud, ɛn gladi fɔ dɛn rich it dɛn.

Di Sam Dɛm 81:13

If mi pipul bin lisin to mi nɔmɔ, If Izrɛl bin gri du wetin a se,

1 Kiŋ 22:3

Nain di kiŋ na Izrɛl aks in ɔfisa dɛn if dɛn nɔ no se na dɛn gɛt Ramɔt Giliad we dɛn jɛs fol an fol fut ɛn nɔ tek am bak na di kiŋ na Eram in an.

Ɛksodɔs 8:20

PAPA GƆD tɛl Mozis. I se, “Grap ali mɔnin go mit di kiŋ as i de go dɔn di riva. Tɛl am se na wetin PAPA GƆD se yu de tɛl am so. Se lɛ mi pipul dɛn lɛ dɛn go wɔship mi.

Jɛnɛsis 22:3

As do klin so di nɛks de, Ebraam kɔt wud fɔ di sakrifays, ɛn lod am pan in dɔŋki, ɛn i tek Ayzak ɛn tu pan in wokman fɔ go wit am. Wɛn dɛn ɔl dɔn rɛdi, dɛn ol rod fɔ go na di ples we PAPA GƆD bin tɛl am bɔt.

2 Kronikuls 34:1

Josaya ol et ia wɛn i tɔn kiŋ ɛn in rul tati wan ia na Jerusɛlɛm.

2 Kronikuls 36:15

PAPA GƆD we na dɛn Papa fasin fɔ sɛn to dɛm bay in mɛsenja dɛm bikɔs i gɛt sɔri at fɔ in pipul dɛm ɛn in dwɛlin ples.

Jɛrimaya 7:25

Frɔm di de we una papa dɛm kɔmɔt Ijipt, te tide, a nɔ de taya fɔ sɛn ɔl mi wokman dɛn we na di prɔfɛt dɛm, to dɛm, de afta de;

Jɛrimaya 32:33

Dɛn nɔ tɔn dɛn fes to mi, na dɛn bak dɛn tɔn to mi; ɛn ɔlwe a de tich dɛm a nɔ de taya, dɛn nɔ lisin fɔ mek dɛn lan.

Jɛrimaya 35:14

Di kɔmand we Jonadeb we na Rekab in bɔypikin bin gi in yon bɔypikin dɛn, we i se dɛn nɔ fɔ drink wayn, dɛn kip to am; ɛn dɛn nɔ drink nɔn wayn te tide, bikɔs dɛn dɔn obe dɛn papa in kɔmand. Ɔltɛm a de tɔk to una, bɔt una nɔ de lisin mi.

Jɛrimaya 36:1

Di ia we mek Jɛoiakim we na Josaya in bɔypikin, fo ia as kiŋ na Juda, PAPA GƆD in wɔd kam to Jɛrimaya. I se,

Jɛrimaya 36:2

“Tek wan skrol ɛn rayt ɔl wetin a dɔn tɔk agens Izrɛl ɛn Juda, ɛn ɔl ɔda neshɔn dɛm, frɔm di de we a bigin tɔk to yu, dat na frɔm Josaya in tɛm, te tide.

2 Kiŋ 17:13

PAPA GƆD tɛl in prɔfɛt dɛn fɔ wɔn Izrɛl ɛn Juda fɔ lɛf dɛn bad trik ɛn fɔ du wetin PAPA GƆD in lɔ we i gi dɛn fɔstɛm-papa dɛn ɛn ɔl di lɔ dɛn we i gi di prɔfɛt dɛn fɔ de tɛl dɛn.

2 Kronikuls 24:19

Pan ɔl dat, i sɛn prɔfɛt dɛm to dɛm fɔ briŋ dɛn kam bak to in PAPA GƆD; dat mek dɛn gilti bɔt dɛn nɔ bin stil bisin.

Jɛrimaya 19:15

“Na dis PAPA GƆD Ɔlmayti we na Izrɛl dɛn Gɔd se, A de briŋ ɔl di bad bad tin dɛn we a bin dɔn se go apin, pan dis siti ɛn ɔl in tɔŋ dɛm, bikɔs dɛn dɔn traŋayes bad bad wan ɛn nɔ gri yɛri mi wɔd.”

Jɛrimaya 22:21

A bin tɔk to yu wɛn yu bin jɛntri, bɔt yu bin se, ‘A nɔ go lisin.’ Na so yu tan frɔm we yu yɔŋ, yu nɔ du wetin a se.

Izikɛl 33:4

dɛn if ɛni wan we yɛri di trɔmpɛt in sawnd ɛn i nɔ lisin, ɛn di sɔd kam ɛn tek am go in blɔd go de pan in yon ed.

Zɛkaraya 1:4

I se dɛn nɔ fɔ tan lɛk dɛn fɔstɛm-papa dɛn we dɛn lɔntɛm prɔfɛt bin de tɛl se lɛ dɛn lɛf di bad tin we dɛn bin de du, bɔt dɛn nɔ lisin ɔ braskitul PAPA GƆD sɛf.