Jɛrimaya 25:16 - Krio Fɔs Oli Baybul

¹⁶ Dɛn go drink ɛn staga ɛn lɔs kɔntrol fɔseka di wa we a de sɛn wa pan dɛm.”

Jɛrimaya 25:16 Referans Kwoze

Neum 3:11

I se na so Ninivɛ insɛf go drɔnk wit pawa ɛn nɔ no wetin i de du. I go tray fɔ ayd pan in ɛnimi dɛn.

Jɛrimaya 51:7

Babilɔn na bin gold kɔp na PAPA GƆD in an, we mek ɔl di wanol wɔl drɔnk; di neshɔn dɛm drink pan in wayn, fɔseka dat, di neshɔn dɛm kres.

Rɛvɛleshɔn 18:3

Na so i bi, bikɔs ɔl dɛn pipul na ɔl dɛn neshɔn dɔn drink in wayn, dat na di fri layf we dɛn dɔn liv wit am; dɛn wan we de rul na di wɔl dɛnsɛf dɔn liv di sem fri layf wit am, ɛn bikɔs i lɛk fɔ bay plɛnti plɛnti tin dɛn, dɛn wan we de tredin na dis wɔl dɛnsɛf dɔn jɛntri bikɔs i de bay to dɛn.”

Rɛvɛleshɔn 14:10

insɛf go drink Gɔd in yon wayn, dat na di pɔnish we i go pɔnish bikɔs Gɔd vɛks pan am, da pɔnishmɛnt de tan lɛkɛ bita wayn we nɔ miks wit wata we i gɛt fɔ drink. Ɔl dɛn pipul we de du dɛn tin ya go pɔnish bifo Gɔd in enjɛl dɛn ɛn Gɔd in Ship insay faya we sɔlfa de bɔn.

Lamɛnteshɔn 4:21

Una gladi o, pipul dɛn na Idɔm, una gladi, di pipul dɛnsɛf na Ɔz una gladi; bɔt di sɔfrin go pas to una wande; una go drɔnk ɛn trip unasɛf nekɛd.

Jɛrimaya 51:39

Ɛnti dɛn lɛk bɔku it, a go mek pati fɔ dɛm ɛn mek dɛn drɔnk sote dɛn slip ɛn slip ɛvalastin slip ɛn nɔ wek igen. Na so PAPA GƆD se.

Jɛrimaya 25:27

“Dɔn yu go tɛl dɛm se, ‘Na dis PAPA GƆD Ɔlmayti, we na Izrɛl dɛn Gɔd se: Una drink, mek una drɔnk ɛn vɔmit. Una fɔdɔm ɛn nɔ grap igen, fɔseka di wa we a de sɛn pan una.’

Rɛvɛleshɔn 14:8

Wan ɔda enjɛl bin de fala di fɔs wande tɔk se, “Babilɔn dɔn pwɛl! Da big tɔŋ, Babilɔn, dɔn pwɛl! Nain bin de gi ɔlman in wayn fɔ drink; da wayn de na di fri layf we pipul dɛn bin de pan, ɛn we kin mek dɛn du ɛni bad tin we dɛn at gi dɛn fɔ du.”

Lamɛnteshɔn 3:15

I mek a de sɔfa bad bad wan lɛk udat dɛn fos fɔ swɛla gbangba.

Obadaya 1:16

PAPA GƆD de tɛl di pipul na Juda se lɛk aw dɛn sɔfa na mi oli mawnten, na so ɔl di ɔda neshɔn gɛt fɔ sɔfa ɛn dɛn go sɔfa mɔ. Dɛn go pɔnish lɛk aw pɔsin de drink wayn makoloŋ, dɔn, wɛn i dɔn wit dɛn, dɛn nɔn nɔ go lɛf.

Jɛrimaya 13:12

PAPA GƆD tɛl Jɛrimaya fɔ tɛl di pipul dɛn se ‘Na dis PAPA GƆD we na Izrɛl dɛn Gɔd se, “Ɔl dɛn jɔg dɛn go ful wit wayn.” PAPA GƆD se, ‘Dɔn dɛn go aks yu se, ‘Na tru se wi nɔ bin no se ɔl dɛn jɔg dɛn go ful wit wayn?’

Jɛrimaya 13:14

PAPA GƆD se, “A go kech tu pɔsin baŋ dɛn pan dɛnsɛf; a go baŋ papa ɛn pikin. A nɔ go fil am fɔ nɔbɔdi, ɔ nɔ go lɛf nɔbɔdi ɔ a sɔri fɔ ɛnibɔdi, we go mek a nɔ dɔnawe wit am.”

Jɛrimaya 45:5

PAPA GƆD se, Yu de luk fɔ big tin fɔ yusɛf? Nɔ luk fɔ big tin; bikɔs, mi de tɛl yu se, a go du bad bad tin to ɔlman na wɔl, bɔt a go gi yu yu layf as prayz fɔ wa ɔlsay we yu go.”

Jɛrimaya 48:26

“Mek i drɔnk, bikɔs i es insɛf ɔp agens PAPA GƆD; dat go mek Moab rol insay in yon vɔmit, ɛn pipul dɛn go laf am.