Jɛrimaya 25:12 - Krio Fɔs Oli Baybul

¹² We sɛvinti ia dɔn, a go pɔnish di kiŋ na Babilɔn ɛn da neshɔn de, di chaldian dɛm land fɔ dɛn sin, ɛn mek di land gud fɔ natin sote go. Na so PAPA GƆD se.

Jɛrimaya 25:12 Referans Kwoze

Daniɛl 9:2

insay di fɔs ia we i bi kiŋ, mi Daniɛl, bin si insay di buk dɛn, ɔmɔs ia go gɛt fɔ pas bifo Jerusɛlɛm go kan to akɔdin to wetin PAPA GƆD bin tɛl Prɔfɛt Jɛrimaya, ɛn dat na sɛvinti ia.

Ayzaya 13:19

Babilɔn, we na di kindɔm dɛn glori, Di fayn fayn kɔntri we di Babilonian dɛn de mek mɔt fɔ, go tan lɛk Sɔdɔm ɛn Gɔmɔra we PAPA GƆD dɔn dɛm kpatakpata.

Jɛrimaya 29:10

“Bikɔs na dis PAPA GƆD se: wɛn sɛvinti ia dɔn fɔ Babilɔn, a go kam to una ɛn go du wetin a prɔmis se a go du fɔ una ɛn briŋ una kam bak na dis ples.

Ayzaya 14:23

A go mek i blant dɛn grɔn pig, ɛn smɔl smɔl wata dɛn we gɛda, ɛn a go swip am di brum ɔf distrɔkshɔn. Na so PAPA GƆD Ɔlmayti se.

Izikɛl 35:9

A go mek yu bi wan ples we nɔbɔdi ɛn natin go de, te go, ɛn nɔbɔdi nɔ go tap na yu big siti dɛm. Dɛn yu go no se na mi na PAPA GƆD.

Jɛrimaya 25:14

Bikɔs bɔku neshɔn dɛm ɛn big big kiŋ dɛn go tek dɛn mek slev; ɛn a go pe dɛm bay di wok we dɛn du, wetin dɛn du wit dɛn yon an.

Jɛrimaya 23:2

Fɔseka dat, na dis PAPA GƆD we na Izrɛl dɛn Gɔd se bɔt dɛn shɛpad dɛm we de kia fɔ mi pipul dɛm: “Una dɔn skata mi ship dɛm, ɛn una dɔn drɛb dɛm go, ɛn una nɔ atɛnd to dɛm. A de tɛl una, a go atɛnd to una fɔ di ivul tin dɛn we una du, na so PAPA GƆD se.

Ayzaya 46:1

Bel baw, Nibo butu, dɛn laylay gɔd dɛn, de na dɛn animal ɛn dɛn kaw dɛn bak; dɛn tin dɛn ya we una bɔn, ebi lɛk lod we kin de na dɛn taya taya animal dɛn bak.

Ayzaya 20:1

Da ia we di bigman pan di kɔmanda dɛn, we na Sagɔn we na kiŋ na Asiria bin sɛn am, atak Ashdɔd ɛn kapchɔ am,–

Ayzaya 15:6

nɔbɔdi nɔ de go na Nimrim watasay; di gras dɔn wida, di wan we jɛs bɔs dɔn fɔdɔm, nɔn grin plant nɔ lɛf.

2 Kiŋ 24:1

Di tɛm we Jɛoyakim bin de rul as kiŋ, Kiŋ Nɛbyukadnɛza na Babilɔn go atak in kɔntri, ɛn mek Jɛoyakim de pe taks to am fɔ tri ia. Bɔt wande Jɛoyakim chenj in maynd ɛn nɔ gri pe.

2 Kronikuls 36:22

Naw insay di fɔs ia we Sayrɔs bi kiŋ na Pashia mek PAPA GƆD in wɔd go bi we i tɔk wit Jɛrimaya in mɔt. I push di spirit pan Sayrɔs di Pashia kiŋ fɔ mek i mek anawnsmɛnt ɔlsay nain kindɔm ɛn rayt am se,

Di Sam Dɛm 137:8

E Babilɔn! Yu dɔn alaki! Di wan we go pe yu bak fɔ wetin yu du wi, gɛt blɛsin!

Ayzaya 33:1

Swɛ go fɔdɔm pan yu, yu we de pwɛl, yu we dɛn nɔ pwɛl yet; yu rikishi pɔsin, we nɔbɔdi nɔ ple dakadeke yet! We yu dɔn tap fɔ pwɛl pipul, na datɛnde dɛn go pwɛl yu; ɛn na we yu dɔn blo fɔ dakadeke pipul, dɛn go ple yu dakadeke.

Jɛrimaya 27:7

Ɔl di neshɔn dɛm go sav im, in bɔypikin ɛn in grampikin, sote di tɛm fɔ in yon land kam; datɛnde, bɔku neshɔn dɛm ɛn pawaful kiŋ dɛm go mek am dɛn slev.

Jɛrimaya 27:22

PAPA GƆD se, “Dɛn fɔ kɛr dɛm go Babilɔn ɛn dɛn fɔ lib de te di de we Mi go tɔn mi atɛnshɔn to dɛm. Na da tɛm de, a go briŋ dɛm kam bak, ɛn put dɛm bak na dis ples, lɛk aw dɛn bin de.”

Abakɔk 1:17

Abakɔk aks PAPA GƆD if na so i go lɛf di Babilonian dɛn fɔ de biev te go, fɔ lɛ dɛn de pas ɛn dil wit neshɔn dɛn aw dɛn fil fɔ ɛn nɔ de sɔri fɔ dɛn.