Jɛrimaya 25:1 - Krio Fɔs Oli Baybul

¹ Na di wɔd dis we rich Jɛrimaya bɔt di pipul dɛn na Juda, insay di ia we mek Jɛoiakim we na Josaya in bɔypikin fo ia as kiŋ na Juda (dat na bin Nɛbyukadnɛza in fɔs ia as kiŋ na Babilɔn)

Jɛrimaya 25:1 Referans Kwoze

Jɛrimaya 36:1

Di ia we mek Jɛoiakim we na Josaya in bɔypikin, fo ia as kiŋ na Juda, PAPA GƆD in wɔd kam to Jɛrimaya. I se,

Daniɛl 1:1

Di ia we mek Jɛoiakim tri ia na pawa we in na bin kiŋ na Juda, Kiŋ Nɛbyukadnɛza we na bin kiŋ na Babilɔn, sɔrawnd ɛn atak Jerusɛlɛm.

Jɛrimaya 46:2

Bɔt Ijipt. Dis na bɔt Fero Nɛko we na kiŋ na Ijipt in Ami, we bin de nia Riva Yufretis na Kakɛmish, we Nɛbyukadnɛza we na kiŋ na Babilɔn bin bit insay di ia we mek fo, we Jɛoiakim we na Josaya in bɔypikin, na bin kiŋ na Juda:

2 Kronikuls 36:4

Ɛn di Ijipshian kiŋ Eliakim in brɔda kiŋ na Juda ɛn Jerusɛlɛm ɛn chenj in nem to Jehoyakim, bɔt Neko tek Jeoeaz in brɔda an kɛr am go Ijipt.

2 Kronikuls 36:6

Nebyukadnɛza di kiŋ na Babilɔn kam fɛt am ɛn tay am wit ayɛn chen fɔ kɛr am go Babilɔn.

Jɛrimaya 1:3

PAPA GƆD in wɔd bin kam bak di tɛm we Josaya in bɔypikin, Jɛhoiyakin na bin kiŋ na Juda, ɛn te di tɛm we Zɛdikaya we na Josaya in bɔypikin bin ilɛvin ia na pawa, sote di tɛm we dɛn kapchɔ Jerusɛlɛm insay di mɔnt we mek fayv.

Jɛrimaya 32:1

Di wɔd we PAPA GƆD sɛn to Jɛrimaya, insay di ia we mek Zɛdikaya tɛn ia as kiŋ na Juda, we na bin di ia we mek etin we Nɛbyukadnɛza bin dɔn de na pawa.

Jɛrimaya 45:1

Dis na wetin Jɛrimaya we na prɔfɛt bin tɛl Baruch we na Nɛraya in bɔypikin, wɛn i bin de rayt dɛn tin ya insay wan buk we Jɛrimaya in bin de tɔk, insay di ia we mek fo, we Jɛoiakim we na Josaya in bɔypikin bin de rul Juda:

Daniɛl 1:2

PAPA GƆD bin mek Nɛbyukadnɛza kapchɔ Jɛoiakim, Juda dɛn kiŋ, ɛn sɔm pan di oli tin dɛn we dɛn bin de yuz na PAPA GƆD in os. Nɛbyukadnɛza bin kɛr dɛn ɔl go nain gɔd in os na Shina, ɛn bin put di oli tin dɛn, na di ples we dɛn bin de kip dɛn gɔd in fayn fayn tin dɛn.

Jɛrimaya 7:1

Dis na PAPA GƆD in wɔd we bin kam to Jɛrimaya:

Jɛrimaya 35:1

Dis na PAPA GƆD in wɔd we rich Jɛrimaya di tɛm we Jɛoiakim, we na Josaya in bɔypikin, na bin kiŋ na Juda:

Daniɛl 2:1

Insay di sɛkɛn ia we kiŋ Nɛbyukadnɛza bin de na pawa, Nɛbyukadnɛza bin drim bɔku bɔku drim. In at bigin wɔri ɛn i nɔ bin de ebul slip.