Jɛrimaya 24:9 - Krio Fɔs Oli Baybul

⁹ A go mek dɛn tin fɔ fred to ɔl di kɔntri dɛm na di wɔl. Pipul go shem fɔ de wit dɛm, dɛn nem nɔ go gɛt rɛspɛkt, dɛn go provok dɛm ɛn go bi pipul dɛn we gɛt swɛ, ɔlsay usay a go drɛb dɛn go.

Jɛrimaya 24:9 Referans Kwoze

Jɛrimaya 29:18

A go mek wa, bad bad aŋri ɛn siknɛs de biɛn dɛm, ɛn a go mek dɛn pipul fɔ fred na ɔl di kɔntri dɛm na di wɔl. Pipul go shem fɔ de wit dɛm, dɛn nem nɔ go gɛt rɛspɛkt, dɛn go provok dɛm ɛn go bi pipul dɛn we gɛt swɛ, ɔlsay usay a go drɛb dɛn go,

Jɛrimaya 15:4

Ɛn a go mek di difrɛn kɔntri dɛn na di wanol wɔl fred dɛn bad bad wan fɔseka wetin Ɛzikaya we na kiŋ na Juda, in bɔypikin Manasɛ bin du na Jerusɛlɛm.

Ditarɔnɔmi 28:37

Di pipul dɛn we de na di kɔntri we PAPA GƆD go skata dɛn, go wɔnda se wetin apin to pipul lɛkɛ dɛn; dɛn go tɔk bad bɔt dɛn ɛn go laf ɛn provok dɛn.

Jɛrimaya 34:17

Fɔseka dat, na dis PAPA GƆD se: una nɔ obe mi we una nɔ kip to di pɔblik anawnsmɛnt fɔ fridɔm, we ɔlman fɔ fri in brɔda ɛn neba; so a de anawns se una fridɔm na to wa, siknɛs ɛn bad bad aŋri. A go so du am dat ɔl di kindɔm dɛn na di wɔl go fred bad bad wan, we dɛn go yɛri wetin apin to una. Na so PAPA GƆD se.

1 Kiŋ 9:7

a go pul ɔl di Izrɛlayt dɛn na di land we a dɔn gi dɛn, dɔn a go lɛf di os we a dɔn kɔnsikret fɔ de wɔship mi. Izrɛl go tɔn to rederaun ɛn nɔbɔdi nɔ go luk una wit bɛtɛ yay.

Jɛrimaya 29:22

Fɔseka dɛn, ɔl di wan dɛn we kɔmɔt ɛgzayl na Juda we de Babilɔn go de swɛ dis swɛ: “Lɛ PAPA GƆD mek yu tan lɛk Zɛdikaya ɛn Eab, we di kiŋ na Babilɔn bin ros na faya,”

Jɛrimaya 26:6

A go mek dis Tɛmpul tan lɛk Shilo, ɛn a go mek ɔlman na wɔl yuz dis siti in nem fɔ de swɛ.’”

Jɛrimaya 25:18

Jerusɛlɛm ɛn di siti dɛn na Juda, in kiŋ dɛm ɛn bigman dɛm, fɔ mek dɛm gud fɔ natin ɛn ɛmti, ples fɔ sɔktit ɛn ples we gɛt swɛ te tide;

Ayzaya 65:15

Una nem go lɛf to mi pipul we a dɔn pik, fɔ tek kɔs pɔsin, ɛn Papa Gɔd we na Gɔd go kil una; bɔt I go kɔl in wokman dɛn difrɛn nem.

2 Kronikuls 7:20

a go rut yu kɔmɔt na di land we a dɔn gi yu; ɛn dis os we a dɔn kɔnsikret fɔseka mi nem, a go trowe am kɔmɔt bifo mi, ɛn a go tɔn am to tin fɔ tɔk bɔt, ɛn fɔ laf na ɔl dɛn neshɔn dɛn.

Ditarɔnɔmi 28:25

PAPA GƆD go mek dɛn ɛnimi dɛn bit dɛn bad bad wan ɛnitɛm we dɛn atak dɛn. We dɛn go na batul fil, na rɔnawe dɛn go de rɔnawe ɛn skata ɔlɔbɔt. Di wanol wɔl go fred we dɛn go si wetin de apin to dɛn.

Izikɛl 26:2

“mɔtalman, bikɔs Taya bin tɔk bɔt Jerusɛlɛm se: ‘Ɛnɛh, di pipul dɛn get dɔn brok ɛn i dɔn opin fɔ mi; a go gɛt ɔl wetin a bin dɔn lɔs bak naw we dɛn dɔn nyakanyaka am.

Izikɛl 25:3

Tɛl di Amonayt dɛn se, una lisin to wetin Papa Gɔd we na Gɔd se: na dis Papa Gɔd we na Gɔd se, Bikɔs yu bin shumɔ pan mi ples we dɛn de pre to mi wɛn dɛn bin dɔti am; ɛn pan di Izrɛl wɛn i bin pwɛl kpatakpata natin nɔ de, ɛn pan Juda wɛn dɛn bin de ɛgzayl;

Jɛrimaya 44:22

PAPA GƆD nɔ bin ebul bia di bad bad tin dɛm ɛn di tin dɛm we i et bad bad wan we una dɔn du; na dat mek una land dɔn tɔn gud fɔ natin, i dɔn gɛt swɛ ɛn nɔbɔdi nɔ tap de, lɛk aw i de lɛkɛ tide.

Jɛrimaya 44:12

A go kech di balans wan dɛm we lɛf na Juda we dɛnsɛf de mekɔp fɔ go Ijipt, ɛn dɛn ɔl go day; na Ijipt dɛn go day; dɛn go day na wa ɔ wit bad bad aŋri; frɔm di las wan to di wan we gɛt pawa pas dɛn ɔl, go day na wa ɛn wit bad bad aŋri; dɛn go tɔn tin we at fɔ luk, pipul dɛn go trit dɛn lɛk dɔg ɛn go tek dɛn nem fɔ swɛ ɛn go provok dɛm.

Jɛrimaya 42:18

“Bikɔs na dis PAPA GƆD Ɔlmayti we na Izrɛl dɛn Gɔd, se: lɛkɛ aw A kin mi put mi vɛksteshɔn ɛn mi wam at pan di wan dɛm we tap na Jerusɛlɛm, na semweso a go pul mi wan at pan una we una go na Ijipt. Dɛn go et una bad bad wan. Dɛn go fred, swɛ, kɔs ɛn provok una. Una nɔ go si dis ples igen.

Jɛrimaya 19:8

Ɛn a go mek dis siti tɔn ples fɔ fred, ples we dɛn go de sɔktit pan; ɔlman we de pas nia de go fred ɛn sɔktit bikɔs ɔf ɔl di bad bad tin dɛn we dɔn mit dɛm.

Di Sam Dɛm 69:11

Wɛn a wɛr saklɔth, pipul de laf mi.

Ayzaya 43:28

Fɔseka dat, a nɔ bin rɛspɛkt di bigman dɛn we bin de na di oli ples, A bin mek dɛn nyakanyaka Jekob ɛn mek dɛn fityay Izrɛl.

Izikɛl 5:8

so, PAPA GƆD se: Luk, mi, ivin misɛf sɛf, a de agens una; ɛn a go kɛri awt mi jɔjmɛnt midul una, frɔnt ɔl di neshɔn dɛn yay.

Izikɛl 23:46

Bikɔs na dis Papa Gɔd we na Gɔd se: briŋ wan big big krawd kan mit dɛm, ɛn a go mek dɛm pipul we fɔ de du bad ɛn tin fɔ kapu kapu.

Jɛrimaya 44:13

A go pɔnish dɛn wan we tap na Ijipt lɛkɛ aw a dɔn pɔnish di wan dɛm na Jerusɛlɛm, wit wa, bad bad aŋri ɛn wit siknɛs,