Jɛrimaya 24:7 - Krio Fɔs Oli Baybul

⁷ A go gi dɛm di at fɔ no se na mi na di PAPA GƆD; ɛn dɛn go bi mi pipul ɛn mi go bi dɛn Gɔd, bikɔs dɛn go kam bak to mi wit ɔl dɛn at.

Jɛrimaya 24:7 Referans Kwoze

Di Ibru Pipul Dɛn 8:10

Wɛn di tɛm rich, na di agrimɛnt dis we a go mek wit di pipul dɛn na Izrɛl: A go mek dɛn no mi lɔ dɛn ɛn mek dɛn nɔ fɔgɛt dɛn. A go bi dɛn Gɔd, ɛn dɛn go bi mi pipul.

Jɛrimaya 30:22

Ɛn una go bi mi pipul, ɛn mi go bi una Gɔd.”

Izikɛl 37:23

Dɛn nɔ go dɔti dɛnsɛf igen igen wit dɛn lay lay gɔd dɛm, ɛn dɛn etful tin dɛn, ɔ wit ɛni pan dɛn wikɛd bad bad tin dɛn; bɔt a go sev dɛm pan ɔl dɛn bad tin we dɛn bin go bak to ɛn we mek dɛn sin, ɛn a go was dɛn klin; ɛn dɛn go bi mi pipul ɛn mi go bi dɛn PAPA GƆD.

Zɛkaraya 8:8

ɛn i go mek dɛn kam tap insay Jerusɛlɛm; da tɛm de, in go lɛ dɛn no se dɛn nain pipul ɛn in na dɛn PAPA GƆD. Ɛn i go sho dɛn aw i fethful ɛn de du tin tret wan.

Lɛta Fɔ Rom 6:17

Wi fɔ tɛl Gɔd tɛnki, bikɔs fɔs tɛm una na bin slev ɔnda sin, bɔt naw una dɔn tay una at fɔ du ɔl dɛn tru tin we dɛn bin lan una bɔt Gɔd.

1 Samiɛl 7:3

So Samiɛl tɛl di Izrɛlayt dɛn se if dɛn wan tɔn bak to PAPA GƆD wit ɔl dɛn at, dɛn fɔ trowe ɔl dɛn ɔda pipul dɛn gɔd dɛn we dɛn de wɔship ɛn di Ashtarɔt dɛn ɛn gi dɛnsɛf wit wan at to PAPA GƆD ɛn wɔship in nɔmɔ, dɔn i go pul dɛn kɔmɔt na di Filistin dɛn an.

Izikɛl 37:27

Mi os we a tap go de wit dɛm; ɛn mi go bi dɛm PAPA GƆD, ɛn dɛn go bi mi pipul.

Zɛkaraya 13:9

Da wande we lɛf, nain i go pas sɔntin we go mek i klin lɛk silva. I go tɛst am lɛk aw dɛn de tɛst gold na faya. Dɛn go kɔl PAPA GƆD in nem we dɛn de pre ɛn in go ansa dɛn. In go tɔk se dɛn nain pɔsin, dɔn dɛn go se PAPA GƆD na dɛn PAPA GƆD.

Jɛrimaya 3:10

Pan ɔl dat, in fɔls sista, Juda, nɔ kam bak to mi wit ɔl in at, bɔt bin de pritɛnd; na so PAPA GƆD se.”

Ayzaya 51:16

A dɔn put mi wɔd na yu mɔt ɛn dɔn ayd yu ɔnda mi an in shado, de opin di skay wayd, ɛn de le dis wɔl in fawndeshɔn, ɛn de tɛl Zayɔn se, “Una na mi pipul.’”

2 Kronikuls 6:38

if dɛn tɔn bak to yu fɔ tru tru wɛn dɛn de de, ɛn kɔnfɛs dɛn sin; dɔn dɛn tɔn dɛn fes to dis land we yu gi wi papa dɛn, to dis siti we yu bin dɔn pik, ɛn dis os we a bil fɔ de prez yu nem;

Di Ibru Pipul Dɛn 11:16

Bɔt dɛn bin want ples we bɛtɛ pas dat, dat na di ples we de na ɛvin. So Gɔd nɔ shem wɛn dɛn kɔl am dɛn yon Gɔd, bikɔs i bin dɔn rɛdi ples fɔ dɛn.

Di Sam Dɛm 119:2

Dɛn pipul we de du wetin PAPA GƆD se fɔ du, wit ɔl dɛn at, gɛt blɛsin.

Jɛrimaya 7:23

Bɔt, na dis kɔmand a bin gi dɛm se, ‘Obe mi vɔys, ɛn a go bi una Gɔd ɛn una go bi mi pipul dɛm; una liv aw a se una fɔ liv, so dat una go ɛnjɔy una layf.’

Jɛrimaya 11:4

we a bin kɔmand una fɔstɛmpapa dɛn fɔ du, we a bin briŋ dɛm kɔmɔt Ijipt, kɔmɔt na di ayɛn fayasay, de tɛl dɛn se, Una lisin mi ɛn du ɔl wetin a kɔmand una fɔ du. Na dat go mek una bi mi pipul dɛn ɛn mi go bi una Gɔd,

Jɛrimaya 29:10

“Bikɔs na dis PAPA GƆD se: wɛn sɛvinti ia dɔn fɔ Babilɔn, a go kam to una ɛn go du wetin a prɔmis se a go du fɔ una ɛn briŋ una kam bak na dis ples.

Izikɛl 14:11

so dat Izrɛl nɔ go go astre kɔmɔt nia mi, ɛn nɔ dɔti dɛnsɛf igen igen wit ɔl dɛn sin dɛn we dɛn de kɔmit. Bɔt dɛn go bi mi pipul dɛn ɛn mi go bi dɛn Gɔd, na so Papa Gɔd we na Gɔd se.

Izikɛl 16:62

A go mek Kɔvinant wit una, ɛn una go no se, na mi na PAPA GƆD,

Izikɛl 39:22

Frɔm da de de te go, di Izrɛl pipul dɛn go no se na mi di PAPA GƆD nain na dɛn PAPA GƆD.

Izikɛl 11:17

So tɛl dɛn se, “Papa Gɔd we na Gɔd se: A go gɛda una kɔmɔt to di difrɛn pipul dɛm, ɛn gɛda una kɔmɔt na di difrɛn kɔntri dɛm we una bin skata go, ɛn a go gi una di land ɔf Izrɛl.’

Ozie 2:22

Ren go fɔdɔm, plant dɛn go gro ɛn bia bɔku tin fɔ it dɔn dɛn go gɛt wayn fɔ drink ɛn ɔyl fɔ dɛn bɔdi ɛn wɔd fɔ ansa di pipul na Jɛzril.