Jɛrimaya 24:5 - Krio Fɔs Oli Baybul

⁵ “Na dis PAPA GƆD we na Izrɛl dɛn Gɔd se: A go si di wan dɛn we kɔmɔt Juda go ɛgzayl, we a pul kɔmɔt ya sɛn go na di Babilonian dɛn land, lɛkɛ dɛn gud fignɔt dɛm ya.

Jɛrimaya 24:5 Referans Kwoze

Zɛkaraya 13:9

Da wande we lɛf, nain i go pas sɔntin we go mek i klin lɛk silva. I go tɛst am lɛk aw dɛn de tɛst gold na faya. Dɛn go kɔl PAPA GƆD in nem we dɛn de pre ɛn in go ansa dɛn. In go tɔk se dɛn nain pɔsin, dɔn dɛn go se PAPA GƆD na dɛn PAPA GƆD.

Neum 1:7

PAPA GƆD na gud PAPA GƆD, i de pul pɔsin kɔmɔt pan trɔbul; i nɔ de lɛf udat go to am fɔ ɛp am to insɛf.

Rɛvɛleshɔn 3:19

Dɛn pipul we a lɛk na dɛn a kin tɛl se dɛn de du rɔŋ tin ɛn a kin pɔnish dɛn mek dɛn go gɛt sɛns fɔ du wetin rayt. So una kechɔp unasɛf, ɛn lɛf fɔ sin.

Sɛkɛn Lɛta To Timoti 2:19

Bɔt natin nɔ go shek di traŋa fawndeshɔn we Gɔd dɔn mek; di wɔd dɛn we rayt pan di fawndeshɔn na dɛn dis: “Di Masta sabi di wan dɛn we nain yon” ɛn “Ɛnibɔdi we se in blant di Masta fɔ lɛf fɔ du dɛn tin we nɔ rayt.”

Lɛta Fɔ Galeshya 4:9

Bɔt we una dɔn no Gɔd, ɔ a fɔ se, Gɔd dɔn no una; wetin mek una want tɔn bak go bi slev to di spirit dɛn we nɔ gɛt pawa ɛn we nɔ min natin? Wetin mek una want go bi dɛn slev bak?

1 Kɔrint 8:3

Bɔt if pɔsin lɛk Gɔd, Gɔd no se da pɔsin de nain yon.

Lɛta Fɔ Rom 8:28

Wi no se ɛnitin we mit wi, Gɔd de mek i bi fɔ wi yon gud, wi we lɛk am, ɛn we i dɔn kɔl fɔ du wetin i bin dɔn plan.

Jɔn 10:27

Mi ship dɛn de lisin wetin a se, ɛn dɛn de fala mi. A no dɛn ɔl.

Matyu 25:12

Bɔt di Masta se, ‘A de tɛl una fɔ tru se, a nɔ no una!’”

Di Sam Dɛm 119:71

If a nɔ bin de pan trɔbul a nɔ bin fɔ no wetin yu lɔ se.

Di Sam Dɛm 119:67

Bifo trɔbul mit mi, a bin dɔn kɔt rop, bɔt naw a de obe yu lɔ.

Ditarɔnɔmi 8:16

Di GƆD we gi dɛn mana fɔ it, we dɛn fɔstɛm-papa dɛnsɛf nɔ bin no, na di ɛmti ples we pɔsin nɔ go ebul tap, jɛs fɔ no if dɛn go du ɔl wetin i se ɔltɛm, so dat i go du gud tin fɔ dɛn afta dat.

Jɛrimaya 24:4

Nain PAPA GƆD in wɔd kam to mi se:

Jɛrimaya 29:4

“Na dis PAPA GƆD Ɔlmayti we na Izrɛl dɛn Gɔd de se to ɔl di wan dɛn we de ɛgzayl we a sɛn kɔmɔt Jerusɛlɛm go ɛgzayl na Babilɔn:

Jɛrimaya 29:20

Una yɛri PAPA GƆD in wɔd, una ɔl we a drɛb kɔmɔt Jerusɛlɛm go ɛgzayl na Babilɔn:

Izikɛl 11:17

So tɛl dɛn se, “Papa Gɔd we na Gɔd se: A go gɛda una kɔmɔt to di difrɛn pipul dɛm, ɛn gɛda una kɔmɔt na di difrɛn kɔntri dɛm we una bin skata go, ɛn a go gi una di land ɔf Izrɛl.’

Lɛvitikɔs 26:44

Bɔt pan ɔl dat, we dɛn de na dɛn land, PAPA GƆD, in, go bisin bɔt dɛn, ɛn in nɔ go dɔnawe wit dɛn we go mek i brok di Kɔvinant bikɔs nain na PAPA GƆD we na dɛn GƆD;

Jɛrimaya 29:11

PAPA GƆD se, bikɔs A no de plan dɛm we A gɛt fɔ una, plan dɛm fɔ una bɛtɛ wan, fɔ mek una abop ɛn bɛtɛ bambay.

Izikɛl 11:20

so dat dɛn go de du wetin mi lɔ dɛn se, ɛn obe mi ɔda dɛm; ɛn dɛn go bi mi pipul, ɛn mi go bi dɛn Gɔd.