Jɛrimaya 24:2 - Krio Fɔs Oli Baybul

² Wan baskit gɛt gud gud fignɔt, lɛk di fɔs fignɔt dɛn we kin rɛp, bɔt insay di ɔda baskit, na fignɔt dɛn we nɔ gud de de. Dɛn so pwɛl dat pɔsin nɔ go ebul it dɛm.

Jɛrimaya 24:2 Referans Kwoze

Ayzaya 5:7

PAPA GƆD Ɔlmayti in greps fam na Izrɛl, ɛn di man dɛn na Juda na di fayn fayn plant dɛn we i plant; ɛn i luk fɔ jɔstis bɔt oya, soso blɔd; i luk fɔ di wan dɛn we de waka tret wit PAPA GƆD, bɔt oya, na kray!

Ayzaya 5:4

Wetin mɔ a fɔ du fɔ mi grep fam we a nɔ du yet? Wɛn a de luk se i go bia greps, wetin mek i bia sawa grep?

Mayka 7:1

Mayka se i de wes in tɛm fɔ natin. I se i tan lɛk we pɔsin nɔ de fɛn frut fɔ it na tik di tɛm we i fɔ bia, ɔ wɛn dɛn dɔn pik ɔl di greps na di tik we i nɔ go gɛt wayn fɔ drink. Natin nɔ de fɔ it ɛn wetin i de aŋri fɔ sɛf, i nɔ go gɛt am.

Matyu 5:13

“Una na di sɔl fɔ di pipul dɛn na di wɔl, bɔt if sɔl dɔn lɔs in tes, wetin go mek i gɛt tes igen? I nɔ go gud fɔ natin, pas fɔ trowe ɛn mek pipul mas am.

Ozie 9:10

PAPA GƆD se lɛk aw greps go gro na di ɛmti land we pɔsin nɔ go ebul tap, na so Izrɛl bin tan we i fɛn am. Ɛn lɛk aw di fɔs frut na fig tik kin rɔtin di fɔs tɛm we i bɔn, na so i bin si dɛn fɔstɛm-papa dɛn. Bɔt na so dɛnsɛf bin go na Mawnt Peɔ, go nɔnsɛns dɛnsɛf ɛn gi dɛnsɛf to Beal we mek PAPA GƆD et dɛn bad bad wan

Jɛrimaya 29:17

Na dis PAPA GƆD Ɔlmayti se, A de sɛn wa, bad bad aŋri ɛn siknɛs pan dɛm, ɛn a go mek dɛm lɛkɛ stinkin fig we dɔn so rɔtin dat dɛn kyant it am.

Neum 3:12

Ɔl di tin dɛn we i mek fɔ protɛkt insɛf tan lɛk fig tik we gɛt fig dɛn we rɛp, as yu shek am so di fig dɛn de fɔdɔm go insay di pɔsin we wan it dɛn in mɔt.

Di Nɔmba Dɛm 18:13

Na una gɛt ɔl wetin dɛn de avɛst na di land we dɛn de briŋ to PAPA GƆD. Ɛnibɔdi we tap na yu os, wans i klin na PAPA GƆD in yay fɔ it de.