Jɛrimaya 24:10 - Krio Fɔs Oli Baybul

¹⁰ Ɛn a go sɛn wa, bad bad aŋri ɛn siknɛs pan dɛm, sote dɛn ɔl day kpatakpata kɔmɔt na di land we a gi dɛn ɛn dɛn fɔstɛmpapa dɛm.

Jɛrimaya 24:10 Referans Kwoze

Ayzaya 51:19

Dɛn tu tin ya dɔn bi to yu- udat go tɛl yu ɔsh? Ebi ebi damej ɛn nyakanyaka, aŋri ɛn wa; udat go kɔnfɔt yu?

Izikɛl 33:27

Tɛl dɛm dis ɛn se, na dis PAPA GƆD se: as a de livin, fɔ tru tru, dɛn wan we de na di ɛmti yuslɛs ples dɛm go fɔdɔm bay di sɔd; ɛn di wan we de na di opin fil, a go gi to dɛn bist fɔ it awaŋɔt wan; ɛn dɛn wan we de na say dɛn we sef gud gud wan, ɛn we de insay kev dɛm, ɔl go day wit bad bad sik we de kil.

Izikɛl 7:15

Wa go kil pipul na do, siknɛs ɛn aŋri de kil pipul dɛn insay. Na sɔd go kil di wan we de na fil; as fɔ di wan dɛn we de na di siti, na aŋri ɛn siknɛs go kil dɛn.

Jɛrimaya 34:17

Fɔseka dat, na dis PAPA GƆD se: una nɔ obe mi we una nɔ kip to di pɔblik anawnsmɛnt fɔ fridɔm, we ɔlman fɔ fri in brɔda ɛn neba; so a de anawns se una fridɔm na to wa, siknɛs ɛn bad bad aŋri. A go so du am dat ɔl di kindɔm dɛn na di wɔl go fred bad bad wan, we dɛn go yɛri wetin apin to una. Na so PAPA GƆD se.

Jɛrimaya 27:8

“ ‘ “Bɔt if ɛni neshɔn ɔ kindɔm nɔ gri sav dis Nɛbyukadnɛza we na kiŋ na Babilɔn, ɛn nɔ rɛdi fɔ du ɛnitin, ɛnitɛm, fɔ di kiŋ na Babilɔn, a go pɔnish da neshɔn de wit wa, wit bad bad aŋri ɛn wit siknɛs, te a dɔn mek Nɛbyukadnɛza nyakanyaka am kpatakpata. Na so PAPA GƆD se.

Jɛrimaya 19:7

Ɛn na dis ples a go pwɛl Juda ɛn Jerusɛlɛm dɛn plan, ɛn a go mek dɛn pipul dɛn day na wa bifo dɛn ɛnimi dɛm, ɛn na di wan dɛm we de afta dɛn layf, dɛn an. A go gi dɛn dedebɔdi to dɛn bɔd we de flay na di skay ɛn dɛn wayl animal dɛn na wɔl.

Jɛrimaya 16:4

Na bad bad siknɛs dɛm go kil dɛm. Nɔbɔdi nɔ go kray fɔ dɛm ɛn dɛn nɔ go bɛr dɛm; dɛn go tan lɛk manyɔ pantap di grɔn. Dɛn go day na wa ɛn wit bad bad aŋri, ɛn dɛn dedebɔdi dɛm go bi it fɔ di bɔd dɛm na di skay, ɛn fɔ dɛn wayl animal dɛm na di wɔl.

Jɛrimaya 15:2

Ɛn wɛn dɛn aks yu se, ‘usay wi fɔ go?’ Yu fɔ tɛl dɛm se, ‘Na dis PAPA GƆD se: Dɛn wan dɛn we fɔ day bay siknɛs, go day bay siknɛs, ɛn dɛn wan dɛn we fɔ day na wa, go day na wa; dɛn wan dɛn fɔ day we bay bad bad aŋri, go day bay bad bad aŋri, ɛn di wan dɛn we na fɔ kech kɛr go mek slev, go go as slev.”

Jɛrimaya 9:16

A go skata dɛm na difrɛn difrɛn neshɔn dɛn we dɛm o, dɛn fɔstɛmpapa dɛm o, nɔ no wande; ɛn a go de kil kil dɛm, te a kil dɛn dɔn.”

Jɛrimaya 5:12

Dɛn dɔn tɔk lay lay tin dɛm bɔt PAPA GƆD ɛn dɔn se, ‘I nɔ go du yu ɛnitin; natin bad nɔ go apin to wi ɛn i nɔ go kil wi ɔ mek aŋri kam na tɔŋ.

Rɛvɛleshɔn 6:8

A tɔn luk bak, na de a si wan ɔs we in kɔla mek i fiba lɛkɛ se i want day. Di pɔsin we bin de rayd am bin nem Day, ɛn wan pɔsin we nem Ɛl bin de fala am. Dɛn gi dɛn pawa oba wan pat na di wɔl if yu sheb di wɔl fo say, so dat dɛn kin kil pipul na wa, ɔ mek dɛn day wit aŋri, ɔ sik ɛn day, ɔ mek dɛn wayl bif na wɔl sɛf kil dɛn.

Ditarɔnɔmi 28:21

PAPA GƆD go mek ɔlkayn siknɛs de mit dɛn, ɛn dɛn go fasin dɛn te dɛn kil dɛn ɔl. Wan pan dɛn nɔ go lɛf na di land we dɛn de kam go kapchɔ so.

Jɛrimaya 21:9

Udat nɔ gri kɔmɔt na di siti go day na wa, ɔ wit bad bad aŋri ɔ siknɛs; bɔt udat go na do go sɔrɛnda to di Babilonian dɛm we sɔrawnd una, nɔ go day, ɛn i go gɛt in layf fɔ in prayz na wa.

Jɛrimaya 42:17

Ɔl di man dɛm we tɔn dɛn fes dɛm fo go Ijipt fo go tap de, go day na wa, ɔ wit bad bad aŋri ɔ wit siknɛs; di kayn bad bad tin we a go du dɛm go mek nɔn pan dɛm nɔ lɛf ɛn nɔbɔdi nɔ go de we nɔ go day.

1 Kiŋ 14:15

I se PAPA GƆD go pɔnish Izrɛl; dɛn go fiba dɛn plant we de flot na wata. I se in go pul dɛn kɔmɔt na di land we i bin dɔn gi dɛn papa dɛn ɛn skata dɛn ɔl te go biɛn Riva Yufretis bikɔs dɛn bil ples fɔ de wɔship Ashɛra.

Jɛrimaya 9:15

Fɔseka dat, na dis PAPA GƆD Ɔlmayti we na di Gɔd na Izrɛl se: A go fid dɛn pipul dɛn ya wit wɔm wud, ɛn gi dɛn wata we gɛt pɔyzin fɔ drink.

Jɛrimaya 14:12

Ilɛk dɛn fast, a nɔ go yɛri dɛn kray, ɛn ilɛk dɛn mek sakrifays we dɛn de bɔn na faya ɛn sid ɔfrin, a nɔ go tek dɛm; bɔt a go kil dɛm wit wa, aŋri ɛn wit bad bad sik dɛm.

Jɛrimaya 29:17

Na dis PAPA GƆD Ɔlmayti se, A de sɛn wa, bad bad aŋri ɛn siknɛs pan dɛm, ɛn a go mek dɛm lɛkɛ stinkin fig we dɔn so rɔtin dat dɛn kyant it am.

Jɛrimaya 29:18

A go mek wa, bad bad aŋri ɛn siknɛs de biɛn dɛm, ɛn a go mek dɛn pipul fɔ fred na ɔl di kɔntri dɛm na di wɔl. Pipul go shem fɔ de wit dɛm, dɛn nem nɔ go gɛt rɛspɛkt, dɛn go provok dɛm ɛn go bi pipul dɛn we gɛt swɛ, ɔlsay usay a go drɛb dɛn go,

Jɛrimaya 32:24

Di dɔti we dɛn pak rawnd fɔ klem ɛn atak, dɔn bil kam ɔp di siti fɔ kapchɔ am, ɛn fɔseka wa ɛn bad bad aŋri ɛn siknɛs, dɛn go gi di siti to di Babilonian dɛm we de fɛt dɛm. Wetin yu bin se dɔn bi, ɛn yu si am wit yu yay.

Jɛrimaya 32:25

Pan ɔl dat, yu PAPA GƆD we na mi Gɔd tɛl mi se, “Bay di land wit mɔni ɛn gɛt witnɛs dɛm” –ɔlwe di Babilonian dɛn de kapchɔ di siti.’”

Jɛrimaya 42:22

So una no naw se tabi tabi nɔ de, una go day na wa, una go day wit bad bad aŋri, ɛn wit siknɛs na di ples we una at de gi una fɔ go tap.”

Izikɛl 6:11

Na so Papa Gɔd we na Gɔd se: “una klap una an ɛn stamp una fut dɛm ɛn se eya! Fɔseka ɔl di bad bad tin dɛm we di Izrɛlayt dɛn bin de du we Gɔd nɔ lɛk; bikɔs dɛn go day bay wa, aŋri, ɛn bay bad bad sik dɛm.