Jɛrimaya 23:9 - Krio Fɔs Oli Baybul

⁹ As fɔ di prɔfɛt dɛn yon: Mi at pwɛl, mi bɔdi de trimbul; mi na lɛkɛ drɔnkɔman, lɛkɛ man we rɔm dɔn chak, fɔseka PAPA GƆD ɛn fɔseka in oli wɔd.

Jɛrimaya 23:9 Referans Kwoze

Abakɔk 3:16

Wɛn a yɛri bɔt ɔl wetin yu du, mi bɔdi trimbul; a fred te a bɛt mi siti mi bɔdi ɔl brok wit fred, dat mek, a nɔ sabi waka igen a de sidɔm saful wet fɔ di de we trɔbul go mit dɛn wan we de ambɔg wi.

Daniɛl 8:27

Mi Daniɛl, bin fil wik ɛn sik lidɔm fɔ tu tri de; dɔn a bin grap ɛn bigin du di kiŋ in wok bak; bɔt di vishɔn bin shɔk mi ɛn a nɔ bin ɔndastand am atɔl.

Lamɛnteshɔn 3:15

I mek a de sɔfa bad bad wan lɛk udat dɛn fos fɔ swɛla gbangba.

Ayzaya 51:21

Fɔseka dat una yɛri dis, una di wan dɛn we de sɔfa, we drɔnk bɔt nɔ drink wayn.

Di Sam Dɛm 60:3

Yu dɔn mek wi we na yu pipul sɔfa bɔku; yu dɔn gi wi wayn fɔ drink we mek wi de staga.

Lɛta Fɔ Rom 7:9

Misɛf bin fil se mi layf gud bifo di Lɔ kam ɛn sho mi wetin fɔ du ɛn wetin nɔ fɔ du, bɔt wɛn di lɔ we tɔk bɔt tifyay, kam, dat mek a want fɔ sin bad.

Izikɛl 9:6

kil ol man, yɔŋ man, yɔŋ gyal we nɔ no man yet, lili pikin ɛn uman dɛn, bɔt nɔ tɔch ɛni wan we get di mak. Una bigin na mi os.” So dɛn bin bigin wit di bigman dɛn we bin de bifo PAPA GƆD in os.

Izikɛl 9:4

Nain PAPA GƆD tɛl an se, “Go ɔlsay na Jerusɛlɛm, ɛn mak di man dɛn we de blo kan dɔŋ ɛn pini fɔseka ɔl dɛn bad bad tin we di pipul dɛn de du na di land, we PAPA GƆD nɔ lɛk.”

Jɛrimaya 9:1

If nɔmɔ mi ed na bin wata, ɛn mi yay dɛm na fawnten we de pul wata na yay, so dat a go kray de ɛn nɛt fɔ di kil we dɛn kil mi pipul dɛn gyal pikin!

Jɛrimaya 5:31

di Prɔfɛt dɛm de gi laylay prɔfisi, ɛn dɛn man dɛm we de mek sakrifays fɔ pipul sin, de du wetin dɛn fil; na dat mi pipul dɛn lɛk lɛ de bi, bɔt wetin una go du we di ɛnd go kam?

Ayzaya 29:9

Drink bɔku rɔm ɛn mek unasɛf styupid, blɛn yusɛf ɛn mek unasɛf blɛn! Drɔnk we nɔto wayn una drink; staga we nɔto traŋa rɔm mek una staga.

Ayzaya 28:1

Swɛ go fɔdɔm pan di rula na Ifrem we prawd ɛn de drɔŋɔ, ɛn di flawa we de wida, we bin de mek i luk shayn ɛn fayn, we de na di wan dɛn we jɛntri ɛn we rɔm dɔn ambɔg, dɛn ed.

Ayzaya 6:5

Naim a tɔk se, “trɔbul dɔn mit mi! A dɔn dɔn; bikɔs mi na man we mi mɔt nɔ klin na Gɔd yay, ɛn a tap midul pipul dɛn we dɛn mɔt nɔ klin na Gɔd yay; bikɔs a dɔn tek mi yay si di kiŋ, we na PAPA GƆD Ɔlmayti.”

Di Sam Dɛm 69:20

Dɛn dɔn provok mi te, a dɔn brok at ɛn giv ɔp. A luk fɔ udat a go go kray to, bɔt nɔbɔdi nɔ de, pɔsin nɔ de sɛf fɔ tɛl mi “Ɔsh.”

Jɛrimaya 8:18

Mi sɔro nɔ de dɔn, mi at sik.

Jɛrimaya 20:9

If a mekɔp se, “A nɔ go tɔk bɔt am, ɔ nɔ tɔk bɔt in nem igen,” sɔntin de insay mi at, we tan lɛk faya insay mi bon dɛm, ɛn a taya fɔ ol am insay, ɛn a nɔ ebul kip am igen

Jɛrimaya 36:16

Wɛn dɛn yɛri ɔl wetin rayt de, dɛn tɔn de luk dɛnsɛf wit fred; nain dɛn tɛl Baruch se, “wi mɔs tɛl to di kiŋ bɔt ɔl wetin rayt na di skrol.”

Izikɛl 13:3

Papa Gɔd we na Gɔd, se, swɛ go fɔdɔm pan dɛn fulish prɔfɛt dɛn we de fala dɛn yon spirit, ɛn dɛn nɔ si natin!