Jɛrimaya 23:8 - Krio Fɔs Oli Baybul

⁸ bɔt go de se, ‘Wans PAPA GƆD de we pul Izrɛl in jɛnareshɔn dɛm ɛn de bifo dɛn fɔ kɔmɔt na di nɔt kɔntri, ɛn ɔl di kɔntri dɛm we i bin dɔn drɛb dɛm go.’ Da tɛm de, dɛn go tap na dɛn yon land.”

Jɛrimaya 23:8 Referans Kwoze

Izikɛl 34:13

Ɛn a go briŋ dɛn kɔmɔt pan di difrɛn difrɛn pipul, ɛn gɛda dɛn frɔm di difrɛn, difrɛn kɔntri ɛn a go briŋ dɛn kam na dɛn yon kɔntri; ɛn a go fid dɛm na di Izrɛl mawnten dɛm, bay di fawnten dɛm, ɛn na ɔl di say we pipul dɛn tap na di kɔntri.

Zɛfinaya 3:20

Wande wande go briŋ ɔlman kam bak na os, di tɛm we a go gɛda una ɔl wan say I go mek dɛn femɔs na di wanol wɔl di wanol wɔl go no una ɛn i go mek dɛn bi wetin dɛn bin bi fɔs unasɛf go si. Na so PAPA GƆD se.

Izikɛl 39:28

Na datɛnde, dɛn go no se na mi PAPA GƆD we na dɛn yon Gɔd, bikɔs a bin sɛn dɛn go ɛgzayl na di neshɔn dɛm, ɛn dɛn, gɛda dɛn kam bak na dɛn yon kɔntri. A nɔ go mek ɛni pan dɛm lɛf pan di neshɔn dɛm igen igen;

Izikɛl 37:25

Dɛn go tap na di kɔntri we dɛn dadi bin tap ɛn we a bin gi to mi savant Jekɔb; dɛn ɛn dɛn pikin dɛn, ɛn dɛn pikin pikin dɛm go tap de so te go; ɛn Devid mi savant go bi dɛn kiŋ so te go.

Izikɛl 36:24

Fɔ a go tek una kɔmɔt pan di neshɔn dɛm ɛn gɛda una kɔmɔt pan ɔl di kɔntri dɛm ɛn briŋ una kam insay una yon kɔntri.

Jɛrimaya 23:3

Dɔn a go gɛda di wan dɛn we lɛf pan mi ship dɛm kɔmɔt na ɔl di difrɛn kɔntri dɛm we a dɔn drɛb dɛm go, ɛn a go briŋ dɛm kam bak na dɛn os, ɛn dɛn go ebul bɔn ɛn dɛn go plɛnti.

Ayzaya 14:1

PAPA GƆD go sɔri fɔ Jekɔb ɛn go pik Izrɛl bak, ɛn go put dɛn na dɛn yon land. Fɔrina dɛn go kam tap wit dɛn, ɛn di Izrɛlayt dɛn go ol dɛn tayt lɛk dɛnsɛf blant Jekɔb in os.

Jɛrimaya 8:3

PAPA GƆD Ɔlmayti se, ‘di wan dɛn we go lɛf pan dis ivul famili, go prifa fɔ day dan fɔ liv, na di ples dɛn we a dɔn drɛb dɛm go.’

Jɛrimaya 16:15

bɔt dɛn go se, ‘Wans PAPA GƆD de, PAPA GƆD we pul di Izrɛlayt dɛn kɔmɔt na di nɔt kɔntri, ɛn ɔl dɛn difrɛn kɔntri we in bin dɔn drɛb dɛn go.’ Bikɔs a go briŋ dɛm kam bak na dɛn yon land we a bin dɔn gi dɛn fɔstɛmpapa dɛm.

Jɛrimaya 29:14

una go fɛn mi ɛn a go gi una ɔl una jɛntri bak ɛn gɛda una kɔmɔt na ɔl di neshɔn dɛn ɛn ɔl di ples dɛn we a bin dɔn drɛb una go, ɛn a go briŋ una bak na di ples we a drɛb una kɔmɔt go ɛgzayl. Na so PAPA GƆD se.

Jɛrimaya 30:3

PAPA GƆD se, Bikɔs di tɛm de kam we a go gi mi pipul dɛm we na Izrɛl ɛn Juda, dɛn jɛntri bak, ɛn a go briŋ dɛm kam bak na di land we a bin gi dɛn fɔstɛmpapa dɛm, ɛn dɛn go tek am fɔ dɛnsɛf.”

Jɛrimaya 30:10

PAPA GƆD se, so nɔ fred natin. Yu Jekob we na mi wokman, ɛn unasɛf Izrɛl nɔ pwɛlat; bikɔs a ebul sev una ivin we a de fa, ɛn a ebul sev una pikin dɛn kɔmɔt na di land we dɛn mek dɛm slev. Jekob go tɔmbak kam ɛn i go gɛt kolat ɛn alafia, ɛn nɔbɔdi nɔ go gi am kɔtat.

Jɛrimaya 31:8

A de tɛl una, a go briŋ dɛn kam kɔmɔt na di nɔt kɔntri, ɛn gɛda dɛm kɔmɔt na di say we far pas ɔl na dis wɔl, ɛn di blɛnyay ɛn di wan dɛn we lem go de pan dɛm, togɛda wit dɛn bɛlɛuman dɛm ɛn di wan dɛn we de lebɔ; dɛn go kam bak as plɛnti plɛnti pipul.

Jɛrimaya 32:37

Biliv mi, a go gɛda dɛm kɔmɔt na ɔl di kɔntri dɛm we a bin drɛb dɛn go we a bin vɛks ɛn mi at bin wam bad bad wan; a go briŋ dɛn kam bak na ya, ɛn a go mek dɛn sef.

Izikɛl 28:25

“PAPA GƆD se: wɛn a gɛda Izrɛl kɔmɔt to di difrɛn pipul usay dɛn skata, ɛn sho dɛm mi olinɛs bifo di neshɔn dɛn yay, na da tɛm de, dɛn go tap na dɛn yon kɔntri we a bin gi Jekɔb we na mi wokman.

Joɛl 3:7

Bɔt in go mek dɛn kɔmɔt na di say we dɛn sɛl dɛn ɛn i go pe di neshɔn dɛn fɔ wetin dɛn du.

Ayzaya 11:11

Da de de, PAPA GƆD go ɛp sɛkɛn tɛm fɔ briŋ di balans pan in pipul dɛn we bin lɛf, kɔmɔt Asiria, Ijipt, Patrɔs, Itiopia, Ilam, Babilonia, Emat ɛn di land dɛn we de na di kost.

Jɛrimaya 16:14

PAPA GƆD se, “Fɔseka dat, di tɛm de kam we nɔbɔdi no go de se, ‘Wans PAPA GƆD we pul di Izrɛlayt dɛn kɔmɔt Ijipt de,’

Izikɛl 36:35

Ɛn dɛn go se, ‘dis kɔntri we bin ɛmti, natin ɛn nɔbɔdi nɔ de de, dɔn tan naw, lɛk di gadin na Idɛn, ɛn pipul dɛn dɔn tap na di big siti dɛm we bin ɛmti, nɔbɔdi ɛn natin nɔ de de ɛn bin dɔn pwɛl pata pata ɛn we bin yuslɛs; ɛn dɛn dɔn strɛnkin dɛm traŋa traŋa wan.

Mayka 7:15

I se mek PAPA GƆD ple mirekul fɔ dɛn lɛk aw i bin du we dɛn kɔmɔt Ijipt.