Jɛrimaya 23:6 - Krio Fɔs Oli Baybul

⁶ Nain tɛm Juda go sav, ɛn Izrɛl go liv de wit kolat. Ɛn na dis nem dɛn go kɔl am: ‘PAPA GƆD na wi tret waka.’

Jɛrimaya 23:6 Referans Kwoze

1 Kɔrint 1:30

Bɔt Gɔd dɔn mek una gɛt wanwɔd wit Jizɔs Krays; Gɔd dɔn mek Krays bi di sɛns we wi fɔ gɛt. Krays dɔn mek ɔltin rayt bitwin wi ɛn Gɔd, i dɔn mek wi bi Gɔd yon pipul ɛn i dɔn mek wi fri; na Gɔd mek Krays du ɔl dat.

Jɛrimaya 33:16

Dɛn tɛm dɛn de, dɛn go sev; Juda ɛn Jerusɛlɛm go sikiɔ. Ɛn na di nem dis we dɛn go de kɔl am: Na PAPA GƆD na wi Raychɔsnɛs.’

Lɛta Fɔ Filipay 3:9

ɛn a nɔ want mek ɛnitin kam midul wi. Nɔto wetin a de du, dat na we a de kip di Ju Lɔ mek ɔltin rayt bitwin mi ɛn Gɔd, bɔt ɔltin rayt bitwin mi ɛn Gɔd bikɔs a biliv pan Krays. Na Gɔd de mek ɔltin rayt bitwin mɔtalman ɛn insɛf bikɔs mɔtalman biliv pan Krays.

Lɛta Fɔ Rom 3:22

Gɔd de mek ɔltin rayt bitwin in ɛn mɔtalman, if mɔtalman biliv pan Jizɔs Krays. Gɔd de du dat fɔ ɔlman we biliv pan Jizɔs Krays, fɔ dɛn Ju ɛn fɔ dɛn pipul we nɔto Ju, bikɔs i nɔ luk se wan sɛt difrɛn frɔm di ɔda wan.

2 Kɔrint 5:21

Krays nɔ bin gɛt sin, bɔt fɔ sev wi, Gɔd put wi sin dɛn pan am, so dat we wi gɛt wanwɔd wit am, ɔltin go rayt bitwin wi ɛn Gɔd.

Daniɛl 9:24

“Dɛn dɔn put sɛvinti tayms sɛvin ia, we na lɔ fɔseka una oli siti ɛn yu pipul dɛn, fɔ tap wikɛdnɛs, fɔ tap sin, ɛn fɔ pe fɔ di bad bad tin dɛn, lɛ pipul de waka tret ɔltɛm, fɔ kɔba di vishɔn ɛn di prɔfɛt ɛn fɔ pre fɔ wan ples we go oli pas ɔl mek i go klin.

Jɛrimaya 32:37

Biliv mi, a go gɛda dɛm kɔmɔt na ɔl di kɔntri dɛm we a bin drɛb dɛn go we a bin vɛks ɛn mi at bin wam bad bad wan; a go briŋ dɛn kam bak na ya, ɛn a go mek dɛn sef.

Jɛrimaya 30:10

PAPA GƆD se, so nɔ fred natin. Yu Jekob we na mi wokman, ɛn unasɛf Izrɛl nɔ pwɛlat; bikɔs a ebul sev una ivin we a de fa, ɛn a ebul sev una pikin dɛn kɔmɔt na di land we dɛn mek dɛm slev. Jekob go tɔmbak kam ɛn i go gɛt kolat ɛn alafia, ɛn nɔbɔdi nɔ go gi am kɔtat.

Ayzaya 9:6

Bikɔs dɛn dɔn bɔn wan pikin gi wi, dɛn dɔn gi wi bɔypikin ɛn nain ed di gɔvmɛnt go de, ɛn in nem we dɛn go kɔl am, na, “Wɔndaful Kanselɔ, Mayti Gɔd, Ɛvalastin Papa, Prins ɔf pis.”

Ayzaya 7:14

Fɔseka dat, PAPA GƆD insɛf go gi una sayn. Wan yɔŋgyal go gɛt bɛlɛ ɛn go bɔn pikin, ɛn i go gi am nem, Imanyuɛl.

Zɛkaraya 10:6

I se i go mek di pipul na Juda in fambul layn gɛt trɛnk ɛn i go sev di wan dɛn we de na Izrɛl. I se i go briŋ dɛn kam bak bikɔs i de sɔri fɔ dɛn ɛn dɛn go tan lɛk i nɔ wande lɛf dɛn to dɛnsɛf. I se in na PAPA GƆD so i go ansa dɛn.

Zɛkaraya 3:10

I se wɛn da tɛm de rich, ɔlman go kɔl in kɔmpin fɔ sidɔm wit am ɛn ɛnjɔy.

Zɛfinaya 3:13

Di wan dɛn we go lɛf na Izrɛl go bi wan dɛn we nɔ go de ambɔg; dɛn nɔ go de lay, ɛn dɛn nɔ go miks pan rikishi. Dɛn nɔ go gɛt wan yagba ɛn so dɛn nɔ go fred nɔbɔdi.

Obadaya 1:21

Pipul dɛn go go sev Mawnt Zayɔn fɔ rul Mawnt Isɔ; ɛn PAPA GƆD go bi kiŋ bak fɔ dɛn ɔl.

Obadaya 1:17

Bɔt sɔm pipul na Juda nɔ go rɔnawe, dɛn go lɛf na Mawnt Zayɔn, di oli il; dɔn Jekɔb in jɛnareshɔn go gɛt di land bak we na dɛn yon bay rayt.

Ozie 2:18

I se da tɛm de in ɛn ɔl dɛn wayl animal na bush, dɛn bɔd we de flay ɛn dɛn tin sɛf we kin de krip na grɔn go tay bagin ɛn in go mek natin nɔ tɔch am wɛda na bo ɛn aro, ɔ sɔd ɛn if wa fɔdɔm na di kɔntri, so we go lidɔm, natin nɔ go mek i fred.

Ozie 1:7

I se in go sɔri fɔ di wan dɛn na Juda ɛn in PAPA GƆD, we na dɛn Gɔd go pul dɛn pan trɔbul bɔt i nɔ go yus aro ɔ sɔd ɔ wa ɔ ɔs dɛn ɔ di man dɛn we de rayd ɔs.

Ayzaya 54:17

Nɔn wɛpɔn we dɛn mek fɔ kil yu, nɔ go wok; ɛn ɛnibɔdi we jɔj yu, yu go pruv am rɔŋ. Dis na wetin go apin to PAPA GƆD in wokman dɛn, ɛn di fri we dɛn fri to mi. Na so PAPA GƆD se.”

Ayzaya 35:9

Nɔn Layɔn nɔ go de de ɛn nɔn animal we kin aŋri bad bad wan, nɔ go go ɔp de; yu nɔ go si dɛn de, na di wan dɛn we PAPA GƆD dɔn ridim nɔmɔ go waka de.

Ayzaya 45:17

Bɔt PAPA GƆD sev Izrɛl wit salveshɔn we de so te go, dɛn nɔ go mek una shem ɔ kɔnfyus una fɔ ɛva ɛn ɛva.

Ayzaya 33:22

Bikɔs PAPA GƆD na wi jɔj, PAPA GƆD na wi rula. PAPA GƆD na wi kiŋ; i go sev wi.

Ayzaya 2:4

I go jɔj bitwin di neshɔn dɛm ɛn go disayd fɔ bɔku pipul dɛm; ɛn dɛn go tɔn dɛn sɔd dɛn to gɔgɔ, ɛn dɛn spia dɛn go tɔn gadin sizɔs wan kɔntri nɔ go tek sɔd fɔ in kɔmpin igen ɛn wa nɔ go de igen.

1 Kiŋ 4:25

Di tɛm we Sɔlɔmɔn bin de rul Juda ɛn Izrɛl frɔm ɔp na Dan te go dɔŋ na Biashiba bin gɛt pis, ɔlman bin de ɛnjɔy fɔ sidɔm ɔnda in vayn ɛn fig tik dɛn.

Ayzaya 42:6

Na mi na PAPA GƆD, A dɔn kɔl una fɔ waka tret na mi yay, A dɔn ol una an ɛn kip una; A dɔn gi una as Kɔvinant to di pipul dɛm, ɛn layt to di neshɔn dɛm,

Jɛrimaya 29:11

PAPA GƆD se, bikɔs A no de plan dɛm we A gɛt fɔ una, plan dɛm fɔ una bɛtɛ wan, fɔ mek una abop ɛn bɛtɛ bambay.

Jɛrimaya 33:15

Dɛn dez dɛn de ɛn da patikla tɛm de, A go mek wan grup we de waka tret wit mi bɔsawt fɔseka Devid; ɛn i go trit ɔlman di sem ɛn go waka tret na di land.

Izikɛl 21:27

Na ruin, na ruin, a go ruin am; natin, natin nɔ go lɛf pan am te di wan kam, we nain gɛt rayt; ɛn naim a go gi am to.

Izikɛl 28:26

Ɛn dɛn go tap de wit kolat, ɛn dɛn go bil os dɛm ɛn mek greps fam dɛm. Dɛn go de sef wan, wɛn a kɛri awt jɔjmɛnt dɛn pan ɔl dɛn neba we bin de luk dɔŋ pan dɛm. Na da tɛm de, dɛn go no se na mi na PAPA GƆD we na dɛn Gɔd.”

Izikɛl 38:14

Fɔseka dat, Mɔtalman, prɔfisay ɛn se to Gɔg se, na dis Papa Gɔd we na Gɔd se: da de de, wɛn mi izrɛl pipul dɛn go de sef wan, una go de mek ala ala

Izikɛl 48:35

Di distans rawnd di siti go bi nayn kilomita. Ɛn di siti in nem, frɔm naw te go, go bi, PAPA GƆD de de.”

Daniɛl 9:7

PAPA GƆD, fɔ waka tret de na yu an, bɔt wi de disgres wisɛf ɔltɛm to di man dɛn na Juda, to di wan dɛn we tap na Jesuselɛm, ɛn to ɔl Izrɛl; dɛn wan dɛn we de nia ɛn di wan dɛn we de fa we, bikɔs ɔf di wikɛd tin dɛn we wi dɔn du to yu.

Ozie 1:11

Di pipul na Juda ɛn di wan dɛn na Izrɛl go mek wanwɔd. Dɛn go pik wan edman ɛn dɛn ɔl go bɛtɛ na di land bikɔs da de de go bi big de na Jɛzril.

Ɛksodɔs 9:26

Bɔt wan ren lɛkɛ dat nɔ fɔdɔm na di aria we di Izrɛlayt dɛn bin de na Goshɛn.

Di Sam Dɛm 45:5

Yu go win yu ɛnimi dɛn; dɛn neshɔn dɛn ɔl go kam fɔdɔm bifo yu.

Ayzaya 32:1

A de tɛl una, wan kiŋ go rul we go waka tret na PAPA GƆD in yay, ɛn bigman dɛn go rul wit jɔstis.

Ayzaya 32:18

Mi pipul dɛn go tap na ples we kolat de, ɛn ples dɛn we sef fɔ tap, ɛn kwayɛt fɔ rɛst.

Ayzaya 33:5

PAPA GƆD de ay ɔp, bikɔs na ɔp i tap I go mek jɔstis ɛn fɔ waka tret na PAPA GƆD in yay, de na Jerusɛlɛm;

Jɛrimaya 31:23

Na dis PAPA GƆD Ɔlmayti we na Izrɛl dɛn Gɔd se: “wan tɛm mɔ, dɛn go yuz dɛn wɔd ya na Juda ɛn in siti dɛm, we a go gi dɛm dɛn jɛntri bak: “PAPA GƆD GO blɛs yu, yu we nainsay yu raychɔsnɛs tap, Yu oli il!’