Jɛrimaya 23:40 - Krio Fɔs Oli Baybul

⁴⁰ Ɛn a go briŋ ɛvalastin disgres ɛn shem ɔltɛm pan una, we nɔbɔdi nɔ go ɛva fɔgɛt.”

Jɛrimaya 23:40 Referans Kwoze

Jɛrimaya 20:11

Bɔt PAPA GƆD de wit mi, ɛn na sojaman we dɛn de fred bad bad wan; so di wan dɛn we de aras mi go bɔk dɛn fut, dɛn nɔ go ovakɔm mi. Dɛn go shem bad bad wan, bikɔs dɛn nɔ go sɔksid. Dɛn nɔ go fɔgɛt dɛn ɛvalastin disgres.

Jɛrimaya 42:18

“Bikɔs na dis PAPA GƆD Ɔlmayti we na Izrɛl dɛn Gɔd, se: lɛkɛ aw A kin mi put mi vɛksteshɔn ɛn mi wam at pan di wan dɛm we tap na Jerusɛlɛm, na semweso a go pul mi wan at pan una we una go na Ijipt. Dɛn go et una bad bad wan. Dɛn go fred, swɛ, kɔs ɛn provok una. Una nɔ go si dis ples igen.

Ozie 4:7

I se aw dɛn de bɔku, na so dɛn de du tin we i nɔ lɛk. I se in go mek dɛn gres tɔn to gras.

Daniɛl 12:2

Bɔku pan di wan dɛn we dɔn day go wek. Sɔm go gɛt layf sote go ɛn sɔm go gɛt shem ɛn disgres sote go.

Daniɛl 9:16

Duya PAPA GƆD, fɔseka ɔl di tret waka we yu de waka, lɛ yu wamat ɛn yu pɔnishmɛnt nɔ kam pan Jerusɛlɛm we na siti we na yu oli il; fɔseka wi sin dɛn ɛn di bad tin dɛn we wi papa dɛn dɔn du, Jerusɛlɛm ɛn yu pipul dɛn tɔn tin fɔ laf, to di pipul dɛn we de rawnd wi.

Jɛrimaya 24:9

A go mek dɛn tin fɔ fred to ɔl di kɔntri dɛm na di wɔl. Pipul go shem fɔ de wit dɛm, dɛn nem nɔ go gɛt rɛspɛkt, dɛn go provok dɛm ɛn go bi pipul dɛn we gɛt swɛ, ɔlsay usay a go drɛb dɛn go.

Ditarɔnɔmi 28:37

Di pipul dɛn we de na di kɔntri we PAPA GƆD go skata dɛn, go wɔnda se wetin apin to pipul lɛkɛ dɛn; dɛn go tɔk bad bɔt dɛn ɛn go laf ɛn provok dɛn.

Izikɛl 16:52

Tot yu disgres yu sɛf sɛf, bikɔs yu dɔn mek yu sista gɛt masi na jɔjmɛnt; bikɔs ɔf di kayn sin we yu kɔmit, we pas yu sista dɛn yon fafawe, dɛn dɔn gɛt rayt pas yu. So yu fɔ shem. Yu sɛf sɛf tot yu disgres so, bikɔs yu dɔn mek yu sista dɛn luk lɛk udat de waka tret wit mi PAPA GƆD.