Jɛrimaya 23:39 - Krio Fɔs Oli Baybul

³⁹ fɔseka dat, fɔ tru tru, a go es una ɛn trowe una kɔmɔt bifo mi, una ɛn di siti we a gi una ɛn una fɔstɛmpapa dɛm.

Jɛrimaya 23:39 Referans Kwoze

Jɛrimaya 23:33

Wɛn wan pan dɛn pipul ya, ɔ prɔfɛt, ɔ man we de mek sakrifays fɔ pipul sin, aks yu se, ‘Wetin na PAPA GƆD in lod? Yu fɔ tɛl dɛn se, ‘Na yu na di Lod’ ɛn a go trowe yu. Na so PAPA GƆD se.’

Izikɛl 8:18

Dat go mek a go trit dɛm wit vɛksteshɔn; mi saf yay nɔ go luk dɛnsɛf, ɛn a nɔ go sɔri fɔ dɛm atɔl. I lɛk dɛn ala de kray na mi yes, a nɔ go yɛri dɛm.

Sɛkɛn Lɛta Fɔ Tɛsalonayka 1:9

Gɔd go mek dɛn sɔfa; i go pɔnish dɛn, i go pwɛl dɛn ɔltogɛda. I nɔ go mek dɛn kam na di say we di Masta de, ɛn dɛn nɔ go si aw di Masta wɔndaful,

Matyu 25:41

“Di Kiŋ go tɛl di wan dɛn nain lɛfan se, ‘Una kɔmɔt to mi, Gɔd dɔn kɔndɛm una, una go na da faya we de sote go, Gɔd bin dɔn rɛdi da faya de fɔ Setan ɛn in enjɛl dɛn.

Ozie 5:14

A go tan lɛk layɔn we nyamanyama it we i kech na Ifrem bɔt biev lɛk yɔŋ layɔn to Juda ɛn nɔ pwɛl am bɛtɛ. A nɔ go pwɛl dɛn nɔmɔ, a go tek dɛn go usay a wan go; dɛn go de wit mi ɛn nɔbɔdi nɔ go ebul pul dɛn na mi an.

Ozie 4:6

Na bikɔs di pipul nɔ no in we na dat mek PAPA GƆD mek dɛn de sɔfa so. I se dɛn dɔn tɔn dɛn bak pan am so insɛf dɔn lɛf di man dɛn we de mek sakrifays fɔ pipul sin to dɛnsɛf. Ɛn bikɔs dɛn nɔ bisin bɔt PAPA GƆD in lɔ dɛn, insɛf nɔ bisin bɔt dɛn.

Izikɛl 34:20

“Fɔseka dat, na dis PAPA GƆD tɛl dɛm, misɛf sɛf go jɔj bitwin di fat ship ɛn di dray ship.

Izikɛl 34:11

Fɔ na dis PAPA GƆD se: Una lisin, mi, misɛf, sɛf, go sach fɔ mi ship dɛn. Ɛn a go luk ɔl say fɔ dɛm.

Izikɛl 9:6

kil ol man, yɔŋ man, yɔŋ gyal we nɔ no man yet, lili pikin ɛn uman dɛn, bɔt nɔ tɔch ɛni wan we get di mak. Una bigin na mi os.” So dɛn bin bigin wit di bigman dɛn we bin de bifo PAPA GƆD in os.

Izikɛl 6:3

ɛn tɛl dɛn se, una we na di mawnten dɛn na Izrɛl, lisin wetin Papa Gɔd we na Gɔd se! Na so Papa Gɔd we na Gɔd se fɔ tɛl una di mawnten ɛn il dɛn, di dip vali ɛn di shala vali dɛm se: a de tɛl una, mi, misɛf sɛf go briŋ wa kam pan una, ɛn a go pwɛl usay una de wɔship dɛn laylay gɔd dɛn kpatakpata.

Izikɛl 5:8

so, PAPA GƆD se: Luk, mi, ivin misɛf sɛf, a de agens una; ɛn a go kɛri awt mi jɔjmɛnt midul una, frɔnt ɔl di neshɔn dɛn yay.

Lamɛnteshɔn 5:20

Wetindu yu dɔn fɔgɛt bɔt wi ɔltogɛda, wetindu yu dɔn fɔsek wi so?

Jɛrimaya 52:3

Fɔ tru tru, bikɔs PAPA GƆD bin vɛks bad bad wan, di kayn tin dɛm we apin na Jerusɛlɛm ɛn Juda, bin mek PAPA GƆD trowe dɛm kɔmɔt bifo am. Ɛn Zɛdikaya bin ribɛl agens di kiŋ na Babilɔn.

Jɛrimaya 36:31

A go pɔnish im ɛn in pikin dɛm ɛn in wokman dɛm fɔ dɛn sin; A go mek ɔl di bad bad tin dɛm we a bin dɔn se go mit dɛm we dɛn nɔ biliv, mit di wan dɛm we tap na Jerusɛlɛm, ɛn di man dɛn na Juda.’”

Jɛrimaya 35:17

Fɔseka dat na dis PAPA GƆD Ɔlmayti we na Izrɛl dɛn Gɔd se: Biliv mi, a de briŋ ɔl di bad bad tin dɛm pan Juda ɛn Jerusɛlɛm, we a bin dɔn tɔk se go bi to dɛm; bikɔs a tɔk to dɛm bɔt dɛn nɔ lisin, a dɔn kɔl dɛm bɔt dɛn nɔ ansa.

Jɛrimaya 7:15

Ɛn a go drɛb una kɔmɔt bifo mi, lɛkɛ we a drɛb ɔl una kɔntriman dɛm, we na Ifrem in pikin dɛm.

Ayzaya 51:12

“Mi, na Mi na di wan we de kɔnfɔt yu; udat na yu, we yu de fred mɔtalman we gɛt fɔ day, we de fred mɔtalman we dɛn mek lɛk gras,

Ayzaya 48:15

Mi, na Mi semwan, dɔn tɔk ɛn kɔl am, A dɔn briŋ am kam, ɛn i go sɔksid pan ɔl wetin i de du.

Prɔvabs 13:13

Udat nɔ yɛri wɔd go pe fɔ in traŋayes, bɔt udat yɛri wɔd go rip di bɛnifit.

Di Sam Dɛm 51:11

Nɔ lɛf mi to misɛf bikɔs a sin ɛn nɔ tek di Oli Spirit kɔmɔt pan mi.

Ditarɔnɔmi 32:39

Una dɔn si naw se na Mi, yɛs Mi, na im, ɛn nɔn ɔda gɔd nɔ de apat frɔm mi; A de kil ɛn mek pipul dɛn gɛt layf; a de wund ɛn a de mɛn; ɛn nɔbɔdi nɔ de we ebul sev una kɔmɔt na mi an.

Lɛvitikɔs 26:28

dɛn insɛf go mek traŋayes ɛn nɔ lisin to dɛn bikɔs i vɛks bad ɛn nainsɛf go pɔnish dɛn fɔ dɛn sin dɛn.

Jɛnɛsis 6:17

A de sɛn flɔd na di wɔl fɔ pwɛl ɔltin we gɛt layf. Ɔltin na di wɔl go day.

Jɛnɛsis 4:16

So Ken kɔmɔt go tap fa frɔm PAPA GƆD na wan kɔntri we nem “Nɔd” we min “Wirɔn” we de na di ist pat we yu kɔmɔt Idɛn.

Jɛrimaya 7:14

a go du di os, we dɛn de kɔl wit mi nem, ɛn we we na pan am una abop, ɛn di ples we a gi una ɛn una fɔstɛm-papa dɛm, di sem tin we a bin du Shilɔ.

Jɛrimaya 12:7

“A dɔn fɔsek mi os, A dɔn abandɔn Izrɛl; A dɔn giwe di wande lɛk insay mi sol to in ɛnimi dɛm.

Jɛrimaya 23:38

Bɔt if una tɔk se, ‘PAPA GƆD in lod,’ na dis PAPA GƆD se, ‘Bikɔs yu dɔn tɔk dɛn wɔd ya, “PAPA GƆD in Lɔd,” wɛn a sɛn to yu se una se, “Una nɔ fɔ tɔk se, PAPA GƆD in Lɔd,”

2 Kiŋ 23:27

so i se in go mɔs mek shɔ se in pul Juda kɔmɔt nain pozishɔn lɛ i nɔ de de igen lɛkɛ aw i du Izrɛl. PAPA GƆD se in nɔ go gɛt natin fɔ du wit Jerusɛlɛm ɛn di os we i dɔn pik se na de dɛn go de wɔship am.