Jɛrimaya 23:35 - Krio Fɔs Oli Baybul

³⁵ Bifo dat, na so ɔlman go de aks in neba, ɛn in brɔda, ‘Wetin PAPA GƆD ansa se?’ Ɔ ‘Wetin PAPA GƆD se?’

Jɛrimaya 23:35 Referans Kwoze

Di Ibru Pipul Dɛn 8:11

Di pipul dɛn nɔ go gɛt fɔ lan dɛn kɔmpin ɔ dɛn brɔda igen se, ‘Una fɔ no Gɔd we na di Masta.’ Bikɔs dɛn ɔl, pikin ɛn bigman, go no mi.

Jɛrimaya 42:4

Nain Jɛrimaya we na prɔfɛt tɛl dɛm se, “A dɔn yɛri wetin una se; biliv mi, a go pre to PAPA GƆD we na una Gɔd ɛn tɛl am ɔl wetin una se, ɛn ɛnitin we PAPA GƆD ansa se, a go tɛl una; a nɔ go ayd natin pan una.”

Jɛrimaya 33:3

Kɔl mi ɛn a go ansa yu, ɛn a go tɛl yu di wɔndaful tin dɛn we ayd we yu nɔ no yet.

Jɛrimaya 31:34

Ɛn nɔbɔdi nɔ go gɛt fɔ tich in neba ɔ in brɔda igen se ‘Yu fɔ no PAPA GƆD,’ bikɔs dɛn go no mi, frɔm di smɔl wan pan dɛm, to di wan we big pas ɔl, bikɔs a go fɔgiv dɛm fɔ dɛn wikɛdnɛs, ɛn a nɔ go mɛmba dɛn sin igen.” Na so PAPA GƆD se.

Di Sam Dɛm 85:9

I go sev ɔl udat de du wetin in want, dɔn i go sho insɛf fɔ udat i bi na Izrɛl.