Jɛrimaya 23:32 - Krio Fɔs Oli Baybul

³² PAPA GƆD se, a de agens dɛn wan dɛm we de prɔfisay wit lay lay drim, we de lay gi dɛm ɛn mek mi pipul dɛn go astre bay dɛn lay lay ɛn dɛn rɛklɛsnɛs, we a nɔ sɛn dɛm ɔ nɔ pik dɛm; we yu luk am, dɛn nɔ de ɛp dɛn pipul dɛn ya at ɔl.

Jɛrimaya 23:32 Referans Kwoze

Zɛfinaya 3:4

In prɔfɛt dɛn fulish, na man dɛn we nɔ de waka tret wit PAPA GƆD; di man dɛn we de mek sakrifays fɔ pipul sin de dɔti wetin klin na PAPA GƆD yay, ɛn nɔ de rɛspɛkt di lɔ.

Lamɛnteshɔn 2:14

Yu prɔfɛt dɛn dɔn si laylay vishɔn dɛn fɔ yu; dɛn nɔ bin tɔk bɔt di bad we yu bin de du so dat yu go gɛda yusɛf bɔt dɛn dɔn si dɛbul dɛn fɔ yu we na laylay ɛn kin mek yu du di rɔŋ tin.

Jɛrimaya 7:8

“Una lisin, una abop pan wetin dɛn de tɔk fɔ ful una, we na wɔd dɛm we nɔ go bɛnifit una.

Rɛvɛleshɔn 19:20

Dɛn kech di wayl bif ɛn di pɔsin we bin de lay se na Gɔd in mɛsej i de tɔk, ɛn we bin de du dɛn tin we bin de mek pipul wɔnda bifo di wayl bif. Na dɛn tin de i bin de tek mek dɛn pipul ful we bin gɛt di wayl bif in mak pan dɛn ɛn we bin de pre to di tin we dɛn mek fɔ tek de mɛmba ɛn rɛspɛkt am. Dɛn trowe di wayl bif ɛn di layman layf wan insay di wata we faya de kech ɛn sɔlfa de bɔn.

Matyu 15:14

Una lɛf dɛn; dɛn na blɛnyay pipul we de tray fɔ lid ɔda blɛnyay pipul, ɛn if blɛnyay pɔsin lid in kɔmpin, dɛn ɔl tu go fɔdɔm na ol.”

Jɛrimaya 29:31

“sɛn to ɔl di wan dɛn we de ɛgzayl se, ‘Na dis PAPA GƆD se bɔt Shemaya we kɔmɔt Nɛɛlam: Bikɔs Shemaya dɔn prɔfisay to una we a nɔ bin sɛn am, ɛn i dɔn mek una biliv in lay lay,

Jɛrimaya 23:25

A dɔn yɛri wetin di prɔfɛt dɛm we de tek mi nem prɔfisay lay lay prɔfisay, se, we dɛn de se, ‘A drim, A drim!

Jɛrimaya 23:16

Na dis PAPA GƆD Ɔlmayti se: “Una nɔ lisin wetin di prɔfɛt prɔfisay to una, fɔ mek una jɛs de abop fɔ natin; na wetin de na dɛn maynd dɛn de tɔk, nɔto wetin PAPA GƆD se.

Ayzaya 3:12

Mi pipul dɛn na pikin dɛn de mek mi pipul dɛn sɔfa so, ɛn na uman dɛn de rul dɛm. E mi pipul dɛm, na una lida dɛn de mislid una ɛn miks ɔp di rod we una fɔ pas na layf.

Ditarɔnɔmi 18:20

bɔt ɛni prɔfɛt we tɛl di pipul dɛn wetin PAPA GƆD nɔ bin tɛl am fɔ tɔk, ɔ de tɔk fɔ ɔda gɔd dɛn, di pipul dɛn fɔ kil da prɔfɛt de.

2 Kɔrint 1:17

We a bin dɔn mekɔp fɔ du so, dɔn a chenj, i nɔ bin tan lɛkɛ se mi na pɔsin we nɔ siriɔs? Wɛn a want du sɔntin, na misɛf nɔmɔ a kin mɛmba? Una tink se a go se “Yɛs” wan minit ɛn “Nɔ” di ɔda minit?

Job 13:4

As fɔ una, una jɛs de kɔba tin we una nɔ ɔndastand wit bɔku bɔku lay; una na lɛk dɔkta we de gi mɛrɛsin we nɔ de mɛn.

Ayzaya 9:15

di ɛlda ɛn di man we dɛn rɛspɛkt na di ed, ɛn di prɔfɛt we de tich di pipul dɛn fɔ lay, na di tel;

Jɛrimaya 23:13

A si wan bad abit pan di prɔfɛt dɛn na Sameria: dɛn de tek Beal in nem prɔfisay ɛn mek mi pipul dɛn we na Izrɛl, go astre.

Jɛrimaya 23:31

PAPA GƆD se, a de agens di prɔfɛt dɛm we de opin dɛn mɔt tɔk se, ‘Na PAPA GƆD se.’

Lamɛnteshɔn 3:37

Udat dɔn tɔk se na so i fɔ bi ɛn i bi, nɔbɔdi pas PAPA GƆD we dɔn se na so i fɔ bi.

Zɛkaraya 10:2

Dɛn man we de lukgrɔn de tɔk nɔnsɛns, na soso lay ful dɛn man dɛn we biliv se dɛn de tɔk to dɛn god; di wan dɛn we de drim de drim laylay drim, ɛn de gi laylay intapritteshɔn. Dat de mek di pipul jɛs de go lɛk we kayt kɔt. Dɛn de gɛt prɔblɛm bikɔs nɔbɔdi nɔ de fɔ lid dɛn.