Jɛrimaya 23:29 - Krio Fɔs Oli Baybul

²⁹ PAPA GƆD se, mi wɔd nɔto lɛkɛ faya, ɛn lɛkɛ ama we de brok rɔk pis pis?

Jɛrimaya 23:29 Referans Kwoze

Di Ibru Pipul Dɛn 4:12

Wi no se Gɔd in wɔd gɛt layf ɛn i gɛt pawa. In wɔd shap pas sɔd we gɛt tu ɛj. I de go insay insay pɔsin sote i rich di say we in at ɛn in spirit dɛn mit togɛda, lɛkɛ aw sɔd de kɔt bon midul. Na so Gɔd in wɔd dɛn de go insay insay pɔsin in at ɛn sho ɔl wetin lib de.

Jɛrimaya 5:14

Bikɔs ɔf dat, na dis Papa Gɔd we na Gɔd Ɔlmayti se, “Bikɔs dɛn dɔn tɔk da wɔd de, a de mek mi wɔd na mɔt tan lɛkɛ faya ɛn dɛn pipul ya, di wud ɛn di faya go bɔn dɛm.

Lyuk 24:32

Dɛn bigin tɔk se, “Nɔto dat mek sɔntin tɔch wi at wɛn i bin de tɔk ɛn wɛn i bin de ɛksplen wetin dɛn rayt na Gɔd in Buk, wɛn wi de kam?”

Jɛrimaya 20:9

If a mekɔp se, “A nɔ go tɔk bɔt am, ɔ nɔ tɔk bɔt in nem igen,” sɔntin de insay mi at, we tan lɛk faya insay mi bon dɛm, ɛn a taya fɔ ol am insay, ɛn a nɔ ebul kip am igen

Rɛvɛleshɔn 11:5

If ɛnibɔdi tray fɔ du dɛn tu pipul ya ɛni bad tin, faya go kɔmɔt na dɛn mɔt ɛn bɔn di pɔsin ɛn kil am; na so ɛnibɔdi we go tray fɔ du dɛn tu bad, go day.

Jɔn 6:63

Na Gɔd in Spirit de gi pipul layf. Mɔtalman nɔ gɛt di pawa fɔ gi layf. Di wɔd dɛn we a dɔn tɛl una de mek Gɔd in Spirit we de gi layf kam to una.

Apɔsul Dɛn Wok 2:3

Dɛn si tin dɛn lɛkɛ lili lili faya na di ples we dɛn bin de, ɛn di lili lili faya dɛn kam pan dɛn ɔl.

Apɔsul Dɛn Wok 2:37

Wɛn di pipul dɛn yɛri ɔl wetin Pita tɔk, dɛn at kɔt; dɛn aks Pita ɛn di ɔda apɔsul dɛn se, “Wi brɔda dɛn, wetin wi fɔ du?”

2 Kɔrint 2:16

Fɔ dɛn wan dɛn we de go ɛl, di sɛnt na sɛnt we de kil; bɔt fɔ dɛn wan we go sev, da sɛnt de na sɛnt we de gi layf. Udat ebul du wok lɛkɛ dis?

Ozie 6:5

Dat mek i sɛn prɔfɛt dɛn fɔ tɔk se in dɔn rɛdi fɔ tek di wɔd dɛn we de kɔmɔt nain mɔt jɔj dɛn. I se natin nɔ gɛt fɔ tap in jɔjmɛnt bikɔs i tan lɛk we nɛt de fala de.