Jɛrimaya 23:28 - Krio Fɔs Oli Baybul

²⁸ PAPA GƆD se, Lɛ di prɔfɛt we drim, tɔk bɔt di drim, bɔt lɛ di wan we gɛt mi wɔd, prich mi wɔd wit ɔl in at. Ɛnitin de pan strɔ we mek in ɛn wit fiba?

Jɛrimaya 23:28 Referans Kwoze

Fɔs Lɛta To Timoti 1:12

A tɛl Jizɔs Krays, wi Masta, tɛnki. Nain de gi mi trɛnk fɔ du dis wok ɛn nain pik mi fɔ du am bikɔs i si se a go du am gud,

2 Kɔrint 2:17

Wi nɔ tan lɛkɛ plɛnti pipul we de tɛl ɔda pipul Gɔd in mɛsej fɔ mek mɔni, bɔt bikɔs na Gɔd sɛn wi, wi de tɔk tret wɔd bifo am wit Krays in pawa.

Lyuk 12:42

Jizɔs ansa se, “Udat na di bɔy we tru to in masta ɛn we gɛt sɛns? Na di bɔy dat we di masta go mek edman oba di ɔda bɔy dɛn fɔ de gi dɛn it ɛn fɔ de sho dɛn ɔl wetin dɛn fɔ du.

Matyu 24:45

“Udat na di bɔy we tru to in masta ɛn we gɛt sɛns? Na di bɔy dat we in masta go mek edman fɔ ɔl di ɔda bɔy dɛn na di os, wɛn i de go patrol, ɛn di masta go tɛl am fɔ gi di ɔda bɔy dɛn, dɛn it wɛn di rayt tɛm rich.

Prɔvabs 14:5

Tru witnɛs pan kes nɔ de lay, bɔt di wan we nɔ de tɔk tru na layman.

1 Kɔrint 4:2

Ɛn igen, ɔl dɛn wan we de du ɛni kayn wok we dɛn masta tɛl dɛn fɔ du, fɔ put ɔl dɛn at pan di wok.

Jɛrimaya 9:12

Udat na di man we so gɛt sɛns dat i kin ɔndastand dɛn tin ya? Udat PAPA GƆD tɔk to we go tɛl di ɔda pipul dɛm? Wetindu ɔltin na di land broko broko ɛn lɛf yuslɛs, lɛk di dray ɛn ɛmti ples, we mek pipul dɛn nɔ de pas de?

Jɛrimaya 9:20

Una dɛn uman dɛm, una yɛri PAPA GƆD in wɔd, ɛn lɛ una yes dɛn lisin gud wetin de kɔmɔt nain mɔt; una tich una gyal pikin aw fɔ kray, ɛn ɔlman tich in neba wan wan bɛrin siŋ.

Jɛrimaya 23:25

A dɔn yɛri wetin di prɔfɛt dɛm we de tek mi nem prɔfisay lay lay prɔfisay, se, we dɛn de se, ‘A drim, A drim!

Jɛrimaya 42:4

Nain Jɛrimaya we na prɔfɛt tɛl dɛm se, “A dɔn yɛri wetin una se; biliv mi, a go pre to PAPA GƆD we na una Gɔd ɛn tɛl am ɔl wetin una se, ɛn ɛnitin we PAPA GƆD ansa se, a go tɛl una; a nɔ go ayd natin pan una.”

Izikɛl 13:3

Papa Gɔd we na Gɔd, se, swɛ go fɔdɔm pan dɛn fulish prɔfɛt dɛn we de fala dɛn yon spirit, ɛn dɛn nɔ si natin!

1 Kiŋ 22:14

Bɔt Maykaya tɛl am se wans PAPA GƆD de alayv, na wetin i tɛl am fɔ tɔk in go tɔk.

1 Kiŋ 22:16

Bɔt di kiŋ tɛl am se ɔmɔs tɛm in nɔ dɔn tɛl am se i nɔ fɔ de tɛl am natin bɔt di tru tin we PAPA GƆD tɛl am.

Ayzaya 21:10

E, mi yon we dɛn dɔn bit ɛn fana, na wetin a yɛri to PAPA GƆD Ɔlmayti, we na Izrɛl dɛn Gɔd, a de tɛl una.