Jɛrimaya 23:27 - Krio Fɔs Oli Baybul

²⁷ we de tink fɔ mek mi pipul dɛm fɔgɛt mi nem bay di drim we dɛn de tɛl dɛn kɔmpin, jɛs lɛk aw dɛn fɔstɛmpapa dɛm fɔgɛt mi nem fɔseka Beal?

Jɛrimaya 23:27 Referans Kwoze

Di Jɔj Dɛm 3:7

Di Izrɛlayt dɛn fɔgɛt bɔt PAPA GƆD ɛn du bad bad tin dɛn nain yay, ɛn bin de wɔship dɛn tin dɛn we dɛn mek wit tik ɛn ston, we dɛn kɔl Baalath ɛn Ashɛra.

Apɔsul Dɛn Wok 13:8

Ɛlimas (na so dɛn Grik pipul bin de kɔl Ba-Jizɔs) ambɔg Banabas ɛn Sɔl. I tray fɔ mek Gɔvna Sajiɔs Pɔlɔs tap fɔ biliv pan Gɔd.

Jɛrimaya 29:8

Bikɔs na dis PAPA GƆD Ɔlmayti we na Izrɛl dɛn Gɔd se: Una nɔ gri lɛ una prɔfɛt dɛm ɛn lukgrɔn man dɛm we de wit una, lay gi una, ɛn una nɔ lisin to dɛn drim dɛm we dɛn de drim,

2 Kiŋ 21:3

Dɛn ples dɛn we in papa Ɛzikaya bin brok we na de dɛn bin de wɔship lay lay gɔd, na dɛn in bil bak; i bil ɔlta fɔ de mek sakrifays to Beal, dɔn i mek da gɔd we nem Ashɛra in imej, jɛs lɛkɛ aw Kiŋ Eab na Izrɛl bin du. Pantap dat, i bin de wɔship di sta dɛn.

Di Jɔj Dɛm 10:6

Di Izrɛlayt dɛn du di bad bad tin dɛn bak we PAPA GƆD nɔ lɛk; dɛn butu to dɛn Baal dɛn ɛn Astasis, dɛn Sirian dɛn gɔd dɛn, di gɔd dɛn na Saydɔn ɛn Moab, ɛn di Amonayt ɛn di Filistin dɛn gɔd dɛn. Dɛn kɔmɔt biɛn PAPA GƆD ɛn lɛf fɔ wɔship am.

Jɛrimaya 9:14

bɔt dɔn tek traŋayes du wetin dɛn yon at se, ɛn go wɔship dɛn Beal, jɛs lɛk aw dɛn fɔstɛmapa dɛn lan dɛm.

Ditarɔnɔmi 8:11

I se mek dɛn mek shɔ se dɛn obe ɔl di lɔ dɛn ɛn du ɔl wetin PAPA GƆD we na dɛn PAPA GƆD se dɛn fɔ du ɛn mek shɔ se dɛn nɔ fɔgɛt am.

Ditarɔnɔmi 8:14

dɛn kam prawd ɛn fɔgɛt bɔt PAPA GƆD we na dɛn PAPA GƆD we pul dɛn kɔmɔt pan slevri na Ijipt.

Ditarɔnɔmi 8:18

I se dɛn fɔ mɛmba se na PAPA GƆD we na dɛn GƆD mek dɛn ebul gɛt ɔl wetin dɛn gɛt, so dɛn go no se i nɔ fɔgɛt di swɛ we i bin swɛ to dɛn fɔstɛm-papa dɛn, te di tɛm we dɛn bin de rayt dis buk.

Jɛrimaya 2:32

Uman we nɔ mared yet go fɔgɛt in riŋ chen ɛn baŋuls dɛn, ɔ yawo go fɔgɛt in mared klos? Bɔt mi pipul dɛn dɔn fɔgɛt bɔt mi lɔlɔntɛm.