Jɛrimaya 23:25 - Krio Fɔs Oli Baybul

²⁵ A dɔn yɛri wetin di prɔfɛt dɛm we de tek mi nem prɔfisay lay lay prɔfisay, se, we dɛn de se, ‘A drim, A drim!

Jɛrimaya 23:25 Referans Kwoze

Jɛrimaya 23:32

PAPA GƆD se, a de agens dɛn wan dɛm we de prɔfisay wit lay lay drim, we de lay gi dɛm ɛn mek mi pipul dɛn go astre bay dɛn lay lay ɛn dɛn rɛklɛsnɛs, we a nɔ sɛn dɛm ɔ nɔ pik dɛm; we yu luk am, dɛn nɔ de ɛp dɛn pipul dɛn ya at ɔl.

Joɛl 2:28

I se di tɛm go rich we in go put in Spirit pan ɔlman; dɛn bɔy ɛn gyal pikin dɛn go de tɔk PAPA GƆD Wɔd, dɛn olpa dɛn go de drim gbay ɛn dɛn yɔŋ man dɛn go de si vishɔn.

Jɛrimaya 29:8

Bikɔs na dis PAPA GƆD Ɔlmayti we na Izrɛl dɛn Gɔd se: Una nɔ gri lɛ una prɔfɛt dɛm ɛn lukgrɔn man dɛm we de wit una, lay gi una, ɛn una nɔ lisin to dɛn drim dɛm we dɛn de drim,

Jɛrimaya 23:28

PAPA GƆD se, Lɛ di prɔfɛt we drim, tɔk bɔt di drim, bɔt lɛ di wan we gɛt mi wɔd, prich mi wɔd wit ɔl in at. Ɛnitin de pan strɔ we mek in ɛn wit fiba?

1 Kɔrint 4:5

So una nɔ fɔ jɔj ɛnibɔdi bifo di rayt tɛm rich, dat na bifo di Masta kam. Dɛn tin we de na dak naw go kam na layt wande ɛn di Masta go mek ɔlman no wetin pipul bin de mekɔp na dɛn at fɔ du. Da tɛm de Gɔd go prez ɔl dɛn wan we fɔ gɛt prez.

Jɛrimaya 8:6

A dɔn pe atɛnshɔn to dɛm ɛn dɔn lisin dɛm, bɔt dɛn nɔ tɔk tru; nɔn pan dɛm nɔ ripɛnt fɔseka in wikɛdnɛs, bifo dat dɛn de aks se, ‘wetin a du?’ Ɔlman de go in yon we, lɛkɛ we ɔs de rɔn go insay batul fil.

Di Nɔmba Dɛm 12:6

i se, “Una lisin to mi gud. Na bay vishɔn a de sho misɛf to ɛni PAPA GƆD in prɔfɛt dɛn, dɔn a de tɔk to dɛn pan drim.

Rɛvɛleshɔn 2:23

A go mek ɔl dɛn wan we de fala am sik ɛn day. Dat go mek ɔl dɛn Kristiɛn ɔlɔbɔt no se a no wetin ɔlman na wɔl de tink ɛn a de si insay dɛn at. A go mek ɔlman gɛt di pe fɔ wetin i du.

Di Ibru Pipul Dɛn 4:13

Natin nɔ de we Gɔd mek we i nɔ de si; natin nɔ de we ayd, we Gɔd nɔ de si; Gɔd de si ɔltin, ɛn na bifo am wi ɔl gɛt fɔ tinap bambay ɛn tɔk ɔl wetin wi bin du na wɔl.

Lyuk 12:3

Na dat mek, ɛnitin we pɔsin tɔk na nɛt, dɛn go yɛri am na mɔnin ɛn ɛnitin we una tu tɔk kwayɛt wan insay rum, una go yɛri ɔlman de tɔk am na trit.

Matyu 1:20

Wɛn Josɛf bin de tink bɔt wetin i go du, nain Gɔd sɛn enjɛl kam to am na drim. Di enjɛl se, “Josɛf, yu we na Kiŋ Devid in grampikin pikin nɔ fred fɔ mared Meri, bikɔs na Gɔd in Spirit kam pan am we i gɛt bɛlɛ.

Jɛrimaya 29:23

bikɔs dɛn dɔn mek dɛnsɛf fulish na Izrɛl, dɛn dɔn kɔmit adɔltri wit dɛn neba dɛm wɛf dɛm, ɛn dɛn dɔn tek mi nem tɔk laylay wɔd dɛm, we nɔto mi kɔmand dɛm fɔ du am. Na mi na di wan we no, ɛn na mi na di witnɛs. Na so PAPA GƆD se.’”

Jɛrimaya 16:17

Bikɔs mi yay de pan ɔl wetin dɛn de du; natin we dɛn de du nɔ ayd pan mi, ɛn dɛn sin dɛm nɔ ayd pan mi.

Jɛrimaya 14:14

Nain PAPA GƆD tɛl mi se; “Di prɔfɛt dɛm de yuz mi nem fɔ gi lay lay prɔfisi; A nɔ sɛn dɛm ɛn a nɔ tɛl dɛm fɔ tɔk to dɛm. Na lay lay prɔfisi dɛn de gi una; na lay lay vishɔn dɛn de pul na dɛn ed de lay gi una.

Jɛrimaya 13:27

A dɔn si di kayn ambishɔn we una gɛt, una adɔltri dɛm ɛn di mek we una de mek lɛk ɔs, ɛn una lo lo rare layf, na dɛn il dɛm ɛn dɛn fam. Swɛ go mit yu, Yu Jerusɛlɛm! Aw lɔŋ yu go de bifo yu go klin na Gɔd yay?

Di Sam Dɛm 139:4

PAPA GƆD, bifo a opin mi mɔt fɔ tɔk sɛf, yu no wetin a wan se.

Di Sam Dɛm 139:2

Yu nɔ ɔl wetin a de du, if a sidɔm ɔ if a tinap; yu ivin no wetin a de tink bɔt pan ɔl we yu de ɔp ɔp yanda.

Jɛnɛsis 37:9

Afta dat Josɛf bin drim ɔda drim bak we i tɛl in brɔda dɛn. I se, i gɛt ɔda drim, ɛn insay dis drim i si di san, di mun, ɛn ilɛvin sta dɛn baw to am.

Jɛnɛsis 37:5

Wan nɛt Josɛf drim, ɛn i tɛl in brɔda dɛn di drim, dat mek dɛn et am mɔ ɛn mɔ.

Jɛrimaya 27:10

Bikɔs na lay lay dɛn de prɔfisay to una, we go mek dɛn go pul una kɔmɔt na di land, kɛr una go fawe, ɛn a go drɛb una kɔmɔt de, ɛn una go sɔfa bad bad wan.

Jɛrimaya 27:15

PAPA GƆD se, ‘A nɔ sɛn dɛm, bɔt dɛn de tek mi nem gi una lay lay prɔfisi, so dat a go drɛb una ɛn una go sɔfa bad bad wan, una ɛn di prɔfɛt dɛm we de prɔfisi to una.”

Lamɛnteshɔn 2:14

Yu prɔfɛt dɛn dɔn si laylay vishɔn dɛn fɔ yu; dɛn nɔ bin tɔk bɔt di bad we yu bin de du so dat yu go gɛda yusɛf bɔt dɛn dɔn si dɛbul dɛn fɔ yu we na laylay ɛn kin mek yu du di rɔŋ tin.

Izikɛl 22:28

Ɛn in prɔfɛt dɛn dɔn dab dab wayt wɔsh fɔ dɛm; dɛn de si lay lay vishɔn dɛm we nɔ tru ɛn de gi laylay mɛsej dɛm se, ‘Na dis Papa Gɔd we na Gɔd se,’ wɛn PAPA GƆD nɔ bin tɔk atɔl.

Zɛkaraya 13:3

If ɛniwan stil de we de mek se in na prɔfɛt, in mama ɛn papa we bɔn am go tɛl am se i nɔ wan lɔŋ layf as na lay i de lay se i de tɔk fɔ PAPA GƆD; dɔn we i lay, in mama ɛn papa go chuk am fɔ di lay we i de lay.