Jɛrimaya 23:24 - Krio Fɔs Oli Baybul

²⁴ PAPA GƆD se, Ɛnibɔdi go ebul ayd insɛf na ɛni sikrit ples we a nɔ go ebul si am? A nɔ de ɔlsay na wɔl?

Jɛrimaya 23:24 Referans Kwoze

Prɔvabs 15:3

PAPA GƆD de si ɔlsay, i de wach udat de du bad, ɛn udat de du gud.

Di Sam Dɛm 139:7

A nɔ go ebul rɔnawe frɔm yu bikɔs yu de ɔlsay.

Di Sam Dɛm 90:8

Wi sin dɛn de bifo yu. Yu de si dɛn ɛn ivin di wan dɛn we wi de tray fɔ ayd pan yu, yu de si dɛn ɔl.

Ayzaya 29:15

Swɛ go fɔdɔm pan dɛm, dɛn wan dɛm we de ayd ayd dɛn plan pan PAPA GƆD, di wan dɛn we de du tin na dak, ɛn de se “udat de si wi? Udat no wi?”

1 Kiŋ 8:27

“Bɔt fɔ tru tru se PAPA GƆD yu go kam tap dɔŋ na di wɔl? Di klawd sɛf te rich ɔp ɔp di skay nɔ ebul ol yu bifo a se dis lili abule we a dɔn bil!

Ayzaya 57:15

Bikɔs na dis di ay ɛn mayti wan we tap na itaniti, we in nem na Oli, se: “A tap na di ay ɛn oli ples, wit di wan we i gɛt sɔri ɛn ɔmbul spirit, fɔ gi layf bak to di ɔmbul pɔsin in spirit, ɛn fɔ gi layf bak to di sɔri pɔsin in at

Ayzaya 66:1

Na dis PAPA GƆD se: “Ɛvin na mi tron ɛn di ath na mi fut rɛst: uskayn os una go bil fɔ mi, ɛn uskayn ples a go tap?

Di Sam Dɛm 10:11

Di bad man fil se, PAPA GƆD nɔ de si wetin i de du. I dɔn kɔba in fes dat i nɔ de si sɛf.

2 Kronikuls 6:18

“Bɔt fɔ tru tru se PAPA GƆD yu go kam tap dɔŋ na di wɔl? Di klawd sɛf te rich ɔp ɔp di skay nɔ ebul ol yu bifo a se dis lili abule we a dɔn bil!

2 Kronikuls 2:6

Bɔt udat go ebul bil os fɔ am, we ɛvin we na ɛvin we ay pas ɔl nɔ du fɔ am? Udat na mi fɔ bil os fɔ am, pas nɔmɔ ples fɔ de bɔn insɛns to am.

Daniɛl 4:35

Ɔl udat tap na di wɔl nɔ min natin; ɛn i de du wetin i want wit ɔl di wan dɛn we de na ɛvin ɛn ɔl di wan dɛn we de na di wɔl; ɛn nɔbɔdi nɔ go ebul fɔ tap am ɔ aks am se, “Wetin yu de du?”

Izikɛl 9:9

Nain PAPA GƆD tɛl mi se, “Izrɛl ɛn Juda dɛn sin dɔn pasmak; di land ful wit blɔd, ɛn so so advantej de na di siti; bikɔs dɛn de se, ‘PAPA GƆD dɔn tɔn in bak pan di land, ɛn so PAPA GƆD nɔ de si wetin di bi.’

Izikɛl 8:12

Dɛn i tɛl mi se, “mɔtalman, yu si wetin di pipul dɛn na Izrɛl dɛn big wande du wɛn ples dak, ɔlman de nain yon smɔl rum wit in pikchɔ dɛm? Ɛn dɛn de se, PAPA GƆD nɔ de si wi, PAPA GƆD dɔn tɔn in bak pan di kɔntri?

Jɛrimaya 49:10

Bɔt A dɔn trip Isɔ nekɛd, A dɔn mek ɔlman no di ples dɛm we i de ayd, ɛn i nɔ ebul fɔ ayd usay nɔbɔdi nɔ go si am igen. Dɛn dɔn nyakanyaka in pikin dɛm, ɛn in brɔda dɛm, ɛn in neba dɛm; nɔn pan dɛm nɔ de igen.

Di Sam Dɛm 148:13

Lɛ dɛn ɔl prez PAPA GƆD, bikɔs nain pas ɔltin na wɔl; i pawaful pas ɛnitin na ath ɛn na ɛvin.

Jɛnɛsis 16:13

Ega tɔk nain at se, “Fɔ tru se a dɔn si PAPA GƆD ɛn a nɔ day?” So i kɔl di PAPA GƆD we dɔn tɔk to am “PAPA GƆD We De Si.”

Di Ibru Pipul Dɛn 4:13

Natin nɔ de we Gɔd mek we i nɔ de si; natin nɔ de we ayd, we Gɔd nɔ de si; Gɔd de si ɔltin, ɛn na bifo am wi ɔl gɛt fɔ tinap bambay ɛn tɔk ɔl wetin wi bin du na wɔl.

Job 34:21

“PAPA GƆD in yay de pan ɔl wetin mɔtalman de du, ɛn de si ɔl usay mɔtalman de go.

Job 34:22

Nɔn kayn dak ples nɔ de we bad bad pipul dɛn go ayd dɛnsɛf.

Jɛrimaya 16:17

Bikɔs mi yay de pan ɔl wetin dɛn de du; natin we dɛn de du nɔ ayd pan mi, ɛn dɛn sin dɛm nɔ ayd pan mi.

Jɛrimaya 32:19

we sabi plan wit sɛns ɛn kin du wɔndaful tin: I de si ɔl mɔtalman in we, ɛn de pe ɔlman bay in we ɛn bay wetin dɛn mek bi.

Daniɛl 2:22

I de sho dɛn dɛn dip dip ɛn mistri tin dɛn; I no wetin de insay dak ples, ɛn di layt tap wit am.

Di Sam Dɛm 139:8

If a go ɔp na ɛvin, yu de yu de; if ivin a day, dɔn dɛn bɛr mi, yu go de d.