Jɛrimaya 23:22 - Krio Fɔs Oli Baybul

²² Bɔt if dɛn bin dɔn de na mi kansul datɛnde na wetin a se dɛm bin fɔ tɛl mi pipul dɛm, ɛn dɛn bin fɔ dɔn chenj kɔmɔt pan dɛn ivul we, ɛn kɔmɔt pan di ivul tin dɛn we dɛn de du.

Jɛrimaya 23:22 Referans Kwoze

Zɛkaraya 1:4

I se dɛn nɔ fɔ tan lɛk dɛn fɔstɛm-papa dɛn we dɛn lɔntɛm prɔfɛt bin de tɛl se lɛ dɛn lɛf di bad tin we dɛn bin de du, bɔt dɛn nɔ lisin ɔ braskitul PAPA GƆD sɛf.

Jɛrimaya 25:5

se, “Una chenj, una ɔl lɛf dɛn una ivul we dɛm ɛn una lɛf di tin dɛn we una de du we nɔ rayt, ɛn tap na di land we PAPA GƆD dɔn gi una ɛn una fɔstɛmpapa dɛm lɔntɛm, ɛn fɔ sote go;

Jɛrimaya 23:18

Bikɔs us wan pan dɛm dɔn de na PAPA GƆD in kansul wande fɔ ɔndastand ɛn yɛri in wɔd, ɔ us wan pan dɛm dɔn put at ɛn lisin in wɔd?

Apɔsul Dɛn Wok 20:27

Una no se a nɔ kin ayd natin wɛn a de tɛl una ɔl wetin Gɔd go du.

Izikɛl 13:22

Bikɔs una bin dɔn mek di wan we de waka tret, dɛn at pwɛl, ivindo mi nɔ pwɛl in at, ɛn una dɔn ɛnkɔrej di wikɛd pipul, so dat i nɔ go chenj fɔ ebul sev in layf;

Jɛrimaya 35:15

A dɔn sɛn ɔl mi wokman dɛm we na di prɔfɛt dɛn to una ɛn a de sɛn dɛm ɔltɛm se, ‘Ɔlman fɔ lɛf in ivul we ɛn lɛf wetin una de du, ɛn nɔ de biɛn ɔda gɔd dɛm de sav dɛm, datɛnde una go tap na di land we a gi una ɛn una fɔstɛmpapa dɛm.’ Bɔt una nɔ ivin put una yes lisin to mi.

Fɔs Lɛta Fɔ Tɛsalonayka 5:6

So wi nɔ fɔ tan lɛkɛ pipul we de slip, lɛkɛ dɛn ɔda pipul, wi fɔ waydawek ɛn wi fɔ soba.

Izikɛl 3:17

“Mɔtalman, a dɔn mek yu wachman fɔ Izrɛl: ɛnitɛm a tɛl yu sɔntin, yu fɔ tɛl dɛm wetin a de wɔn yu bɔt.

Izikɛl 2:7

“Yu go tɛl dɛm wetin a se, wɛda dɛn gri fɔ lisin ɔ nɔt; bikɔs dɛn na traŋayes pipul dɛn.

Izikɛl 18:30

Papa Gɔd we na Gɔd se, “Fɔseka dat, a go jɔj una, una Izrɛl. A go jɔj una ɔl bay una we. So una ripɛnt ɛn lɛf ɔl una bad bad tin dɛn we una de du, if nɔto so, una sin dɛn go ruin una na wɔl.

Jɛrimaya 36:3

Sɔntɛm Juda dɛn go yɛri bɔt ɔl di bad bad plan we a gɛt fɔ dɛm, so dat ɔlman go lɛf fɔ du ivul, ɛn a go fɔgiv dɛm fɔ dɛn wikɛdnɛs ɛn dɛn sin.”

Jɛrimaya 9:12

Udat na di man we so gɛt sɛns dat i kin ɔndastand dɛn tin ya? Udat PAPA GƆD tɔk to we go tɛl di ɔda pipul dɛm? Wetindu ɔltin na di land broko broko ɛn lɛf yuslɛs, lɛk di dray ɛn ɛmti ples, we mek pipul dɛn nɔ de pas de?

Jɛrimaya 23:14

As fɔ di prɔfɛt dɛn na Jerusɛlɛm, a si bad bad tin pan dɛn we nɔ fayn fɔ du: dɛn de kɔmit lidɔm wit dɛn kɔmpin wɛf ɛn dɛn lay dɛn kayn nɔ de; dɛn de ɛp dɛn wan we de du bad, we mek nɔbɔdi nɔ de chenj kɔmɔt pan in wikɛd we; dɛn ɔl dɔn tan lɛkɛ Sɔdɔm to mi, ɛn di pipul dɛm we tap de, tan lɛkɛ Gɔmɔra.

Izikɛl 13:5

Una nɔ go usay di wɔl brok brok, ɔ bil wɔl fɔ Izrɛl, so dat i go tinap di tɛm we wa go bi, wɛn PAPA GƆD in yon de go kam.

Emɔs 3:7

PAPA GƆD we na GƆD, nɔ de wande du sɔntin we i nɔ de tɛl in savant dɛn we na prɔfɛt.

Malakay 2:6

I se, Livay na bin pɔsin we de tɔk wetin tru fɔ du ɛn i nɔ bin miks pan lay. I bin de du wetin go gi pipul kolat ɛn bin de waka tret wan wit PAPA GƆD ɛn nɔ de ple wit sin.