Jɛrimaya 23:21 - Krio Fɔs Oli Baybul

²¹ “A nɔ sɛn di prɔfɛt dɛm, bɔt dɛn rɔn go; a nɔ tɔk to dɛm bɔt dɛn prɔfisay.

Jɛrimaya 23:21 Referans Kwoze

Jɛrimaya 14:14

Nain PAPA GƆD tɛl mi se; “Di prɔfɛt dɛm de yuz mi nem fɔ gi lay lay prɔfisi; A nɔ sɛn dɛm ɛn a nɔ tɛl dɛm fɔ tɔk to dɛm. Na lay lay prɔfisi dɛn de gi una; na lay lay vishɔn dɛn de pul na dɛn ed de lay gi una.

Jɛrimaya 27:15

PAPA GƆD se, ‘A nɔ sɛn dɛm, bɔt dɛn de tek mi nem gi una lay lay prɔfisi, so dat a go drɛb una ɛn una go sɔfa bad bad wan, una ɛn di prɔfɛt dɛm we de prɔfisi to una.”

Jɛrimaya 23:32

PAPA GƆD se, a de agens dɛn wan dɛm we de prɔfisay wit lay lay drim, we de lay gi dɛm ɛn mek mi pipul dɛn go astre bay dɛn lay lay ɛn dɛn rɛklɛsnɛs, we a nɔ sɛn dɛm ɔ nɔ pik dɛm; we yu luk am, dɛn nɔ de ɛp dɛn pipul dɛn ya at ɔl.

Apɔsul Dɛn Wok 13:4

Gɔd in Spirit bin sɛn Banabas ɛn Sɔl go na wan tɔŋ we nem Silishia. Dɛn tek bot go na wan ples we de midul wata we nem Sayprɔs.

Jɔn 20:21

Jizɔs tɔk bak se, “Mek Gɔd gi una kol at. Jɛs lɛkɛ aw mi Papa sɛn mi kam na dis wɔl, na so a de sɛn unasɛf fɔ go du mi wok.”

Jɛrimaya 29:31

“sɛn to ɔl di wan dɛn we de ɛgzayl se, ‘Na dis PAPA GƆD se bɔt Shemaya we kɔmɔt Nɛɛlam: Bikɔs Shemaya dɔn prɔfisay to una we a nɔ bin sɛn am, ɛn i dɔn mek una biliv in lay lay,

Jɛrimaya 29:9

bikɔs na lay lay prɔfisi dɛn de gi unainsay mi nem; a nɔ sɛn dɛm. Na so PAPA GƆD se.

Jɛrimaya 28:15

Nain Jɛrimaya we na prɔfɛt tɛl Prɔfɛt Ananaya se “Lisin, Ananaya, PAPA GƆD nɔ sɛn yu, ɛn yu dɔn mek dɛn pipul ya dɔn biliv pan lay lay.

Ayzaya 6:8

Nain a yɛri PAPA GƆD in vɔys de tɔk se: “Udat a go sɛn, udat go go fɔ wi?” Nain a se, “Luk mi! Sɛn mi.”

Lɛta Fɔ Rom 10:15

Ɛn aw pipul go tɛl dɛn di mɛsej if nɔbɔdi nɔ sɛn pipul fɔ tɛl dɛn? Dɛn rayt na Gɔd in Buk se, “Na wɔndaful tin we dɛn pipul we de briŋ di Gud Nyuz, de kam.”

Jɛrimaya 27:14

Nɔ lisin dɛm prɔfɛt we de se, ‘Una nɔ fɔ de ɔnda di kiŋ na Babilɔn,’ bikɔs na lay lay prɔfisi dɛn de gi una.

Jɛrimaya 29:8

Bikɔs na dis PAPA GƆD Ɔlmayti we na Izrɛl dɛn Gɔd se: Una nɔ gri lɛ una prɔfɛt dɛm ɛn lukgrɔn man dɛm we de wit una, lay gi una, ɛn una nɔ lisin to dɛn drim dɛm we dɛn de drim,