Jɛrimaya 23:2 - Krio Fɔs Oli Baybul

² Fɔseka dat, na dis PAPA GƆD we na Izrɛl dɛn Gɔd se bɔt dɛn shɛpad dɛm we de kia fɔ mi pipul dɛm: “Una dɔn skata mi ship dɛm, ɛn una dɔn drɛb dɛm go, ɛn una nɔ atɛnd to dɛm. A de tɛl una, a go atɛnd to una fɔ di ivul tin dɛn we una du, na so PAPA GƆD se.

Jɛrimaya 23:2 Referans Kwoze

Mayka 7:4

Di wan we kin se i de du di rayt tin sɛf na lɛk smɔl smɔl chukchuk. Di wan we bɛtɛ pas dɛn ɔl tan lɛk dɛn bi big chukchuk. Na di tɛm dɔn rich so we dɛn go gɛt dɛn pɔnishmɛnt.

Jɛrimaya 21:12

Yu Devid in os! Na dis PAPA GƆD se: “kɛri awt jɔstis na mɔnin, ɛn sev pipul dɛn kɔmɔt na di wan dɛn we de sɔprɛs dɛm, dɛn an, in we dɛn dɔn tif, if nɔ so, mi vɛksteshɔn go mit dɛm lɛk faya, ɛn bɔn, we nɔbɔdi nɔ go ebul ɔt am, fɔseka di ivul tin dɛm we una de du.’”

Ɛksodɔs 32:34

PAPA GƆD tɛl am se lɛ i lid di pipul dɛn go na di ples we i dɔn tɛl am fɔ go. I se in enjɛl go de bifo am fɔ de gayd am. I se di tɛm we in go rɛdi fɔ dɛn i go pɔnish dɛn fɔ dɛn sin.

Jɛrimaya 23:34

Ɛn as fɔ ɛni prɔfɛt, ɔ man we de mek sakrifays fɔ pipul sin, ɔ wan pan di pipul dɛn we go opin in mɔt tɔk se, ‘PAPA GƆD in lod,’ a go pɔnish da man de ɛn ɔl udat de nain os.

Jems 1:27

Pɔsin we de fala Gɔd fɔ de ɛp dɛn pikin we nɔ gɛt mama ɛn papa ɛn dɛn uman we dɛn man dɔn day. I fɔ tek tɛm mek dɛn bad pipul na wɔl nɔ mek insɛf bigin du bad. Na so Gɔd we na di Papa want pɔsin we de fala am fɔ tan.

Matyu 25:43

Wɛn mi na bin trenja, una nɔ gladi fɔ tek mi na una os; wɛn a nɔ bin gɛt natin fɔ wɛr, una nɔ gi mi klos fɔ wɛr; wɛn a bin sik, una nɔ ɛp mi; ɛn wɛn a bin de na jel, una nɔ go fɛn mi.’

Ozie 2:13

A go mek i sɔfa fɔ dɛn tɛm we i de mek gladi-gladi fɔ Beal we kin mek i bɔn insɛns to am ɛn drɛs wit riŋ ɛn ɔda aŋins ɛn shekins, go mit in man dɛn ɛn fɔgɛt bɔt mi. Na so PAPA GƆD se.

Jɛrimaya 13:21

Wetin una go se, wɛn dɛn put dɛn wan dɛn we na una sɛf tich fɔ bi una padi dɛn, oba una? Pen nɔ go ol una lɛk uman we de lebɔ?

Jɛrimaya 11:22

so, na dis PAPA GƆD Ɔlmayti se fɔseka dat: “Biliv mi, a go pɔnish dɛm; di yɔŋbɔy dɛm go day na wa; dɛn bɔypikin dɛm ɛn dɛn gyal pikin go day wit aŋri;

Jɛrimaya 8:12

Dɛn bin shem wɛn bin de du di tin dɛn we a nɔ lɛk? Nɔ, dɛn nɔ bin shem at ɔl; dɛn nɔ bin no aw fɔ mɛlt. Fɔseka dat, dɛn go day wit dɛn wan dɛm we go day; wɛn a pɔnish dɛm, a go ib dɛm oba. Na so PAPA GƆD se.

Jɛrimaya 5:29

PAPA GƆD se, “A nɔ fɔ pɔnish dɛm fɔ dɛn tin dɛn de? Ɛn a nɔ fɔ rivɛnj fɔ mi nem pan neshɔn lɛkɛ dis kayn?

Jɛrimaya 5:9

PAPA GƆD se, “A nɔ fɔ pɔnish dɛm fɔ dɛn kayn tin dɛn de? Ɛn a nɔ fɔ rivɛnj fɔ mi nem pan kayn neshɔn lɛkɛ dis?

Matyu 25:36

wɛn a nɔ bin gɛt natin fɔ wɛr, una gi mi klos fɔ wɛr; wɛn a bin sik, una kam ɛp mi; ɛn wɛn a bin de na jel, una kam fɛn mi.’

Jɛrimaya 10:21

Bikɔs di shɛpad dɛn styupid, ɛn dɛn nɔ de aks PAPA GƆD bɔt natin; dat mek dɛn nɔ du wɛl na layf, ɛn ɔl dɛn ship dɛm dɔn skata ɔlɔbɔt.

Jɛrimaya 13:17

Bɔt if una nɔ gri lisin, mi sol go kray sikrit wan fɔ di prawd we una de mek; mi yay dɛn go kray bita bita wan, ɛn de rɔn wata bikɔs dɛn dɔn kɛr PAPA GƆD in ship dɛn go mek slev.

Jɛrimaya 13:20

“Una es una yay ɔp ɛn luk di wan dɛn we de kɔmɔt na di nɔt. We di ship dɛn we dɛn bin gi una, una fayn fayn ship dɛm?

Jɛrimaya 44:22

PAPA GƆD nɔ bin ebul bia di bad bad tin dɛm ɛn di tin dɛm we i et bad bad wan we una dɔn du; na dat mek una land dɔn tɔn gud fɔ natin, i dɔn gɛt swɛ ɛn nɔbɔdi nɔ tap de, lɛk aw i de lɛkɛ tide.

Izikɛl 34:5

So dɛn bin skata skata bikɔs nɔn shɛpad nɔ bin de; ɛn dɛn bin kam bi it fɔ dɛn wayl bist dɛn.

Zɛkaraya 11:16

I se in de mek pɔsin kam we go bi lida we nɔ bisin bɔt wetin di ship de du ɛn i nɔ go bɔda fɔ go fɛn di wan we lɔs.

Jɛrimaya 17:10

“Mi PAPA GƆD, sach mɔtalman maynd ɛn tɛst mɔtalman at, fɔ pe ɔlman bay wetin i du, di pe we i fɔ gɛt fɔ di kayn wok we i wok.”

Zɛkaraya 10:3

PAPA GƆD se i dɔn vɛks wit ɔl di lida dɛn ɛn i go pɔnish di lida dɛn. PAPA GƆD Ɔlmayti in de luk afta in yon pipul dɛn, dat na di pipul dɛn na Juda fambul ɛn i go mek dɛn tan lɛk in ɔs dɛn we i de tek fɛt.