Jɛrimaya 23:17 - Krio Fɔs Oli Baybul

¹⁷ Dɛn de tɛl dɛn wan dɛm we nɔ biliv PAPA GƆD in wɔd ɔltɛm se, “Ɔltin go fayn fɔ yu’; ɛn kin tɛl dɛn wan dɛn we nɔ de gri du wetin PAPA GƆD se, bɔt de fala dɛn yon at, se, ‘Nɔn bad tin nɔ go mit una.’”

Jɛrimaya 23:17 Referans Kwoze

Mayka 3:11

Di big wan dɛn we de bifo de tek brayb, di man dɛn we de mek sakrifays fɔ pipul sin de tek mɔni fɔs bifo dɛn du dɛn wok dɔn di prɔfɛt dɛn de tek pe bifo dɛn tɛl yu PAPA GƆD in mɛsej. Na ɔl dɛn bad tin ya dɛn de du bɔt dɛn de blɔf se PAPA GƆD de wit dɛn so natin nɔ go du dɛn.

Jɛrimaya 13:10

Dɛn ivul pipul dɛn ya, we nɔ gri yɛri mi wɔd, we de fala dɛn yon stɔbɔn at de go wɔship ɛn sav ɔda gɔd dɛm, go tan lɛk dis skintayt we nɔ gud igen fɔ natin.

Emɔs 9:10

Ɔl di wan dɛn we de kɔmit sin go day na wa, miks wit ɔl dɛn wan we de se PAPA GƆD nɔ go mek ɛnitin bad mit dɛn.”

Mayka 3:5

Na dis PAPA GƆD se bɔt di fɔls prɔfɛt dɛn: I se dɛn de ful di pipul. We dɛn gi dɛn tin fɔ it, dɛn de se ɔltin ɔrayt bɔt we dɛn nɔ gɛt fɔ gi dɛn, na da tɛm de dɛn de tɛl dɛn se dɛn go gɛt trɔbul.

Jɛrimaya 9:14

bɔt dɔn tek traŋayes du wetin dɛn yon at se, ɛn go wɔship dɛn Beal, jɛs lɛk aw dɛn fɔstɛmapa dɛn lan dɛm.

Jɛrimaya 8:11

Dɛn dɔn mɛn mi pipul dɛn wund layt wan, we dɛn de se, ‘kol at, kol at,’ we kol at nɔ de.

Jɛrimaya 5:12

Dɛn dɔn tɔk lay lay tin dɛm bɔt PAPA GƆD ɛn dɔn se, ‘I nɔ go du yu ɛnitin; natin bad nɔ go apin to wi ɛn i nɔ go kil wi ɔ mek aŋri kam na tɔŋ.

Ditarɔnɔmi 29:19

ɔ lɛk pɔsin we, pan ɔl we i no ɔl wetin di Kɔvinant se i fɔ de du, i stil de tɔk nain at se, natin bad nɔ go apin to am, i lɛk we i de traŋayes ɛn de du wetin in want. Mozis tɛl di Izrɛlayt dɛn se, dat go mek di pɔsin we de obe ɛn di wan we traŋayes, sɔfa togɛda.

Zɛkaraya 10:2

Dɛn man we de lukgrɔn de tɔk nɔnsɛns, na soso lay ful dɛn man dɛn we biliv se dɛn de tɔk to dɛn god; di wan dɛn we de drim de drim laylay drim, ɛn de gi laylay intapritteshɔn. Dat de mek di pipul jɛs de go lɛk we kayt kɔt. Dɛn de gɛt prɔblɛm bikɔs nɔbɔdi nɔ de fɔ lid dɛn.

Izikɛl 13:22

Bikɔs una bin dɔn mek di wan we de waka tret, dɛn at pwɛl, ivindo mi nɔ pwɛl in at, ɛn una dɔn ɛnkɔrej di wikɛd pipul, so dat i nɔ go chenj fɔ ebul sev in layf;

Izikɛl 13:10

Bikɔs, yɛs, bikɔs dɛn dɔn lay gi mi pipul dɛn, de tɛl dɛn se ‘pis de,’ wɛn nɔn pis nɔ de; ɛn bikɔs wɛn di pipul dɛn bil wan wɔl, di prɔfɛt dɛn dab dab am wit waytwɔsh;

Jɛrimaya 18:18

Nain dɛn se, “Una kam le wi mek plan agens Jɛrimaya, bikɔs wi nɔ go shɔt ɔf man we de mek sakrifays fɔ pipul sin fɔ tich wi di lɔ, ɛn sɛnsman dɛn fɔ gi wi sɛns, ɛn prɔfɛt dɛn fɔ tɛl wi PAPA GƆD in wɔd. Dɛn se, una kam lɛ wi tek wi mɔt bit am, ɛn lɛ wi nɔ tek natin we i de se siriɔs.

Jɛrimaya 6:14

Dɛn dɔn mɛn mi pipul dɛn wund af ɛn af, we dɛn de se, ‘Una gɛt kolat, una gɛt kolat,’ we wan kolat nɔ de.

Jɛrimaya 3:17

Da tɛm de, dɛn go kɔl Jerusɛlɛm, PAPA GƆD in tron, ɛn ɔl di difrɛn neshɔn gɛda de fɔ wɔship PAPA GƆD na Jerusɛlɛm, ɛn dɛn nɔ go stɔbɔn de du wetin dɛn ivul at dɛn se.

Di Nɔmba Dɛm 11:20

bɔt dɛn go gɛt am fɔ it fɔ wanol mɔnt te di it kɔmɔt na dɛn nos ɛn dɛn go gens bikɔs na PAPA GƆD we de wit dɛn, dɛn tɔn dɛn bak pan ɛn grɔmbul pan se i bin bɛtɛ we dɛn de na Ijipt so dɛn nɔ bin fɔ kɔmɔt de.

Fɔs Lɛta Fɔ Tɛsalonayka 4:8

So ɛnibɔdi we tɔn in bak pan dɛn tin ya we wi de lan dɛn, nɔto mɔtalman di pɔsin tɔn in bak pan, na Gɔd we gi wi in Spirit i tɔn in bak pan.

Lyuk 10:16

Jizɔs tɔk to in lanin bɔy dɛn. I se, “Ɛnibɔdi we lisin una, na mi da pɔsin de lisin. Ɛnibɔdi we nɔ gri fɔ du wetin una tɛl am fɔ du, na wetin a tɛl am fɔ du, nain i nɔ gri fɔ du; ɛn ɛnibɔdi we nɔ gri fɔ du wetin a tɛl am fɔ du, na wetin di pɔsin we sɛn mi tɛl am fɔ du, i nɔ gri fɔ du.”

Lamɛnteshɔn 2:14

Yu prɔfɛt dɛn dɔn si laylay vishɔn dɛn fɔ yu; dɛn nɔ bin tɔk bɔt di bad we yu bin de du so dat yu go gɛda yusɛf bɔt dɛn dɔn si dɛbul dɛn fɔ yu we na laylay ɛn kin mek yu du di rɔŋ tin.

Jɛrimaya 7:24

Bɔt dɛn nɔ obe mi ɛn nɔ ivin pe atɛnshɔn to mi, bɔt dɛn bin de du wetin dɛn maynd tɛl dɛm ɛn wetin dɛn stɔbɔn at dɛn se, ɛn bin jɛs de go biɛn; dɛn nɔ go bifo wan stich.

Jɛrimaya 4:10

Nain a se, “E PAPA GƆD Ɔlmayti, fɔ tru, yu dɔn disiv dɛn pipul ya ɛn Jerusɛlɛm totali, we yu se, ‘ɔltin go fayn fɔ una’; we i bi se nɛf de na dɛn trot!”

Ayzaya 57:21

Mi Gɔd se, Pis nɔ de fɔ wikɛd pipul.”

2 Samiɛl 12:10

So, bikɔs ɔf wetin i du, pipul go de day wɔwɔ nain os sins i fɔgɛt bɔt PAPA GƆD ɛn tek Yuraya we na Itayt in wɛf fɔ bi in yon.

1 Samiɛl 2:30

Di man we de tɔk fɔ PAPA GƆD se, na dat mek PAPA GƆD we na di PAPA GƆD we Izrɛl de wɔship se in bin dɔn se na Ilaɛl in famili ɛn dɛn jɛnareshɔn go bi di man dɛn we de mek sakrifays fɔ pipul sin te go, bɔt in de se i nɔ gɛt fɔ bi so igen, bikɔs na udat sho rɛspɛkt fɔ am, i go rɛspɛkt, bɔt udat de lili am, insɛf nɔ go bisin bɔt am.

Malakay 1:6

I se bɔypikin kin rɛspɛkt in papa dɔn bɔy de rɛspɛkt in masta. I se, so, if dɛn de se in na papa, usay in yon rɛspɛkt de; ɛn if in na masta, usay in rɛspɛkt we i fɔ gɛt go. PAPA GƆD Ɔlmayti se, di man dɛn we de mek sakrifays fɔ pipul sin nɔ gɛt wan rɛspɛkt fɔ am ɛn dɛn nɔ bisin sɛf bɔt in nem.

Zɛfinaya 1:12

I se da tɛm de i go tek lamp fɔ luk insay Jerusɛlɛm so dat i go pɔnish dɛn man we bikɔs dɛn satisfay wit di lili ɛn natin we dɛn gɛt, nɔ bisin bɔt PAPA GƆD. Dɛn de tɔk na dɛn at se PAPA GƆD nɔ gɛt dɛn tɛm sɛf.

Ayzaya 30:10

we de tɛl di man dɛn we de si vishɔn se “Una nɔ fɔ si;” ɛn tɛl di prɔfɛt dɛn se, “Una nɔ prɔfisay wetin rayt to wi; tɛl wi swit wɔd, prɔfisay laylay tin dɛm,

Jɛrimaya 18:12

“Bɔt dɛn se, ‘Dat na fɔ natin! Wi go du wetin wi dɔn plan ɛn ɔlman go du wetin in traŋayes ɛn ivul at se.

Izikɛl 13:19

Una dɔn mek mi pipul dɛn nɔ rɛspɛkt mi, fɔseka koko ɛbɛ, de kil pipul we nɔ fɔ day, ɛn sev pipul we nɔ sɔpoz fɔ lib, wit di lay we una de lay gi mi pipul dɛn, we de lisin to di lay we una de lay.

Mayka 2:11

Mayka se na pɔsin we de lay gi dɛn, nain dɛn want. I se if di pɔsin kam prich se dɛn go gɛt bɔku wayn ɛn rɔm fɔ drink, na da tɛm de dɛn go gladi fɔ lisin we i de tɔk.

Ditarɔnɔmi 29:18

Mozis advays di Izrɛlayt dɛn fɔ tek tɛm lɛ nɔn pan di man dɛn, ɔl di uman dɛn, ɔl di famili dɛn ɛn ɔl di fambul dɛn, nɔ go bigin de wɔship dɛn ɔda neshɔn dɛn gɔd, lɛ dɛn nɔ go tan lɛk tik we gɛt rut, bɔt de bia frut we bita ɛn gɛt pɔyzin,