Jɛrimaya 23:15 - Krio Fɔs Oli Baybul

¹⁵ Fɔseka dat, na dis PAPA GƆD Ɔlmayti se bɔt di prɔfɛt dɛm: “Biliv mi, a go fid dɛm wit wɔm wud ɛn gi dɛm wata we gɛt pɔyzin fɔ drink; bikɔs na frɔm dɛn di prɔfɛt dɛm na Jerusɛlɛm ɔngɔdlinɛs kɔmɔt prɛd na di land.”

Jɛrimaya 23:15 Referans Kwoze

Jɛrimaya 8:14

Wetin mek wi de sidɔm ɛn nɔ de du natin? Una gɛda wan ples, lɛ wi go na di siti dɛm we gɛt wɔl rawnd go day de; bikɔs PAPA GƆD we na wi Gɔd dɔn swɛ wi fɔ day, ɛn i dɔn gi wi pɔyzin wata fɔ drink, bikɔs wi dɔn kɔmit sin to PAPA GƆD.

Jɛrimaya 9:15

Fɔseka dat, na dis PAPA GƆD Ɔlmayti we na di Gɔd na Izrɛl se: A go fid dɛn pipul dɛn ya wit wɔm wud, ɛn gi dɛn wata we gɛt pɔyzin fɔ drink.

Lamɛnteshɔn 3:15

I mek a de sɔfa bad bad wan lɛk udat dɛn fos fɔ swɛla gbangba.

Lamɛnteshɔn 3:5

i dɔn put mi wanples ɛn put so so wahala na mi layf;

Di Sam Dɛm 69:21

Dɛn gi mi pɔyzin fɔ it dɔn we a tɔsti dɛn gi mi viniga fɔ drink.

Rɛvɛleshɔn 8:11

Di sta nem Bita. Wan pam tri pat na di wata we di sta bin fɔdɔm pan bita wantɛm, ɛn plɛnti pipul we drink am day, bikɔs i bin bita.

Matyu 27:34

na de dɛn gi Jizɔs wayn we dɛn miks wit gɔl, bɔt wɛn i tes am, i nɔ drink am.

Lamɛnteshɔn 3:19

Mɛmba di sɔfa we a de sɔfa, we tan lɛk we dɛn fos pɔsin fɔ drink gbangba!

Ditarɔnɔmi 29:18

Mozis advays di Izrɛlayt dɛn fɔ tek tɛm lɛ nɔn pan di man dɛn, ɔl di uman dɛn, ɔl di famili dɛn ɛn ɔl di fambul dɛn, nɔ go bigin de wɔship dɛn ɔda neshɔn dɛn gɔd, lɛ dɛn nɔ go tan lɛk tik we gɛt rut, bɔt de bia frut we bita ɛn gɛt pɔyzin,

Jɛrimaya 14:15

Fɔseka dat, PAPA GƆD se, kɔnsanin di prɔfɛt dɛm we de tek mi nem gi lay lay prɔfisi, ɔl we a nɔ sɛn dɛm, ɛn de se, ‘Wa ɛn bad bad aŋri nɔ go kam na dis land’: Na wa ɛn bad bad aŋri go kil dɛn prɔfɛt dɛn de.

Zɛkaraya 13:2

PAPA GƆD Ɔlmayti se na da de de i go pul ɔl dɛn ɔda gɔd we dɛn mek fɔ wɔship na di land ɛn nɔbɔdi nɔ go de mɛmba dɛn, dɔn ivin dɛn prɔfɛt dɛn ɛn di spirit we de mek dɛn wan fɔ wɔship di ɔda gɔd dɛn nɔ go de igen

Jɛrimaya 9:14

bɔt dɔn tek traŋayes du wetin dɛn yon at se, ɛn go wɔship dɛn Beal, jɛs lɛk aw dɛn fɔstɛmapa dɛn lan dɛm.