Jɛrimaya 23:14 - Krio Fɔs Oli Baybul

¹⁴ As fɔ di prɔfɛt dɛn na Jerusɛlɛm, a si bad bad tin pan dɛn we nɔ fayn fɔ du: dɛn de kɔmit lidɔm wit dɛn kɔmpin wɛf ɛn dɛn lay dɛn kayn nɔ de; dɛn de ɛp dɛn wan we de du bad, we mek nɔbɔdi nɔ de chenj kɔmɔt pan in wikɛd we; dɛn ɔl dɔn tan lɛkɛ Sɔdɔm to mi, ɛn di pipul dɛm we tap de, tan lɛkɛ Gɔmɔra.

Jɛrimaya 23:14 Referans Kwoze

Jɛrimaya 29:23

bikɔs dɛn dɔn mek dɛnsɛf fulish na Izrɛl, dɛn dɔn kɔmit adɔltri wit dɛn neba dɛm wɛf dɛm, ɛn dɛn dɔn tek mi nem tɔk laylay wɔd dɛm, we nɔto mi kɔmand dɛm fɔ du am. Na mi na di wan we no, ɛn na mi na di witnɛs. Na so PAPA GƆD se.’”

Izikɛl 22:25

Di bigman na di kɔntri, tan lɛk we layɔn de ala we i de chɛr chɛr wetin i kech fɔ it; dɛn pwɛl mɔtalman dɛn layf; dɛn dɔn tek dɛn jɛntri ɛn dia dia tin dɛm; dɛn dɔn mek bɔku uman tɔn, dɛn we dɛn man dɛn dɔn day, insay de.

Mayka 3:11

Di big wan dɛn we de bifo de tek brayb, di man dɛn we de mek sakrifays fɔ pipul sin de tek mɔni fɔs bifo dɛn du dɛn wok dɔn di prɔfɛt dɛn de tek pe bifo dɛn tɛl yu PAPA GƆD in mɛsej. Na ɔl dɛn bad tin ya dɛn de du bɔt dɛn de blɔf se PAPA GƆD de wit dɛn so natin nɔ go du dɛn.

Jɛrimaya 23:32

PAPA GƆD se, a de agens dɛn wan dɛm we de prɔfisay wit lay lay drim, we de lay gi dɛm ɛn mek mi pipul dɛn go astre bay dɛn lay lay ɛn dɛn rɛklɛsnɛs, we a nɔ sɛn dɛm ɔ nɔ pik dɛm; we yu luk am, dɛn nɔ de ɛp dɛn pipul dɛn ya at ɔl.

Jɛrimaya 14:14

Nain PAPA GƆD tɛl mi se; “Di prɔfɛt dɛm de yuz mi nem fɔ gi lay lay prɔfisi; A nɔ sɛn dɛm ɛn a nɔ tɛl dɛm fɔ tɔk to dɛm. Na lay lay prɔfisi dɛn de gi una; na lay lay vishɔn dɛn de pul na dɛn ed de lay gi una.

Ditarɔnɔmi 32:32

Bikɔs dɛn greps kɔmɔt pan dɛn greps tik na Sɔdɔm, ɛn di fam dɛn na Gɔmɔra; dɛn greps dɛn gɛt pɔyzin, dɛn bɔnch greps dɛn bita;

Jɛnɛsis 18:20

So PAPA GƆD tɛl Ebraam se, in dɔn yɛri bad bad tin dɛn bɔt di pipul dɛn na Sɔdɔm ɛn Gomɔra, ɛn dɛn dɔn pasmak

Matyu 11:24

A de tɛl una fɔ tru se, di de we Gɔd go jɔj ɔlman na di wɔl, i go sɔri fɔ Sɔdɔm pas una.”

Zɛfinaya 3:4

In prɔfɛt dɛn fulish, na man dɛn we nɔ de waka tret wit PAPA GƆD; di man dɛn we de mek sakrifays fɔ pipul sin de dɔti wetin klin na PAPA GƆD yay, ɛn nɔ de rɛspɛkt di lɔ.

Jɛrimaya 20:16

Le da man de bi lɛkɛ dɛn siti dɛm we PAPA GƆD de ib oba, i nɔ sho masi; lɛ yɛri kray na mɔnin ɛn alam san sam tɛm,

Jɛnɛsis 13:13

Di pipul dɛn we bin tap na Sɔdɔm bin wikɛd, ɛn bin de du bad bad tin we PAPA GƆD nɔ lɛk.

Rɛvɛleshɔn 22:15

As fɔ dɛn pipul we de du dɛn dɔti tin, dɛn wich, dɛn pipul we liv fri layf dɛn pipul we de kil, dɛn wan we ol juju, ɔl dɛn pipul we de lay, ɛn dɛn wan we lɛk fɔ lay, ɔl dɛn kayn pipul ya nɔ go mas fut insay da tɔŋ de.

Rɛvɛleshɔn 21:8

Bɔt as fɔ dɛn pipul we dɛn maynd wik, dɛn wan we nɔ biliv Gɔd in mɛsej, dɛn wan we de du dɛn dɔti dɔti tin, dɛn wan we de kil dɛn kɔmpin, dɛn wan we liv fri layf, dɛn wan we de wich, dɛn wan we de fala mɛrɛsin, dɛn wan we de lay, ɔl dɛn pipul we de du dɛn kayn tin ya, dɛn go trowe dɛn ɔl insay da wata we faya de kech ɛn sɔlfa de bɔn. Na di sɛkɛn day dat.”

Rɛvɛleshɔn 19:20

Dɛn kech di wayl bif ɛn di pɔsin we bin de lay se na Gɔd in mɛsej i de tɔk, ɛn we bin de du dɛn tin we bin de mek pipul wɔnda bifo di wayl bif. Na dɛn tin de i bin de tek mek dɛn pipul ful we bin gɛt di wayl bif in mak pan dɛn ɛn we bin de pre to di tin we dɛn mek fɔ tek de mɛmba ɛn rɛspɛkt am. Dɛn trowe di wayl bif ɛn di layman layf wan insay di wata we faya de kech ɛn sɔlfa de bɔn.

Rɛvɛleshɔn 11:8

ɛn dɛn dedebɔdi go ledɔm na trit na di big tɔŋ we dɛn bin nel di Masta na di krɔs. Da tɔŋ de gɛt nem we gɛt minin, lɛkɛ Sɔdɔm ɔ Ijipt.

Jud In Lɛta 1:7

Na di sem tin bin bi na Sɔdɔm ɛn Gomɔra ɛn dɛn ɔda tɔŋ we bin de klos dɛn: di pipul dɛn bin de du ɔl kayn dɔti tin wit dɛn bɔdi, man bin de lɛf in wɛf go kip in kɔmpin man, uman bin de lɛf in man go kip in kɔmpin uman. Fɔ mek ɔlman si ɛn bikyaful, Gɔd put dɛn pipul ya na faya we nɔ de ɔt fɔ pɔnish dɛn.

Pita In Sɛkɛn Lɛta 2:6

Gɔd bin jɔj tu tɔŋ, dat na Sɔdɔm ɛn Gomɔra; i bin mek faya bɔn dɛn kam dɔŋ pata pata. I bin du dat fɔ mek pipul si wetin go bi to dɛn pipul we nɔ de fala in yon we.

Fɔs Lɛta To Timoti 4:2

Na dɛn pipul we de lay, de lan pipul dɛn tin ya i tan lɛkɛ dɛn dɔn bɔn dɛn at na faya ɛn dat mek dɛn nɔ gɛt kɔnshɛns igen.

Malakay 1:1

Dis na di mɛsej we PAPA GƆD gi Malakay fɔ Izrɛl.

Izikɛl 13:16

di prɔfɛt dɛn na Izrɛl we bin prɔfisay bɔt Jerusɛlɛm ɛn bin si vishɔn bɔt pis fɔ am, wɛn nɔn pis nɔ bin de, na so Papa Gɔd we na Gɔd se.

Jɛrimaya 23:17

Dɛn de tɛl dɛn wan dɛm we nɔ biliv PAPA GƆD in wɔd ɔltɛm se, “Ɔltin go fayn fɔ yu’; ɛn kin tɛl dɛn wan dɛn we nɔ de gri du wetin PAPA GƆD se, bɔt de fala dɛn yon at, se, ‘Nɔn bad tin nɔ go mit una.’”

Jɛrimaya 18:13

“Fɔseka dat, na dis PAPA GƆD se: Aks na di difrɛn neshɔn dɛm se, udat dɔn yɛri dis kayn tin? Da vajin we na Izrɛl, dɔn du bad bad tin.

Ayzaya 9:15

di ɛlda ɛn di man we dɛn rɛspɛkt na di ed, ɛn di prɔfɛt we de tich di pipul dɛn fɔ lay, na di tel;

Jɛrimaya 23:22

Bɔt if dɛn bin dɔn de na mi kansul datɛnde na wetin a se dɛm bin fɔ tɛl mi pipul dɛm, ɛn dɛn bin fɔ dɔn chenj kɔmɔt pan dɛn ivul we, ɛn kɔmɔt pan di ivul tin dɛn we dɛn de du.

Jɛrimaya 36:2

“Tek wan skrol ɛn rayt ɔl wetin a dɔn tɔk agens Izrɛl ɛn Juda, ɛn ɔl ɔda neshɔn dɛm, frɔm di de we a bigin tɔk to yu, dat na frɔm Josaya in tɛm, te tide.

Jɛrimaya 49:18

PAPA GƆD se, jɛs lɛkɛ aw Sɔdɔm ɛn Gɔmɔra, ɛn di siti dɛm we bin de nia dɛm bin pwɛl, na so nɔn mɔtalman nɔ go tap de, ɛn nɔbɔdi nɔ go slip de.

Izikɛl 13:19

Una dɔn mek mi pipul dɛn nɔ rɛspɛkt mi, fɔseka koko ɛbɛ, de kil pipul we nɔ fɔ day, ɛn sev pipul we nɔ sɔpoz fɔ lib, wit di lay we una de lay gi mi pipul dɛn, we de lisin to di lay we una de lay.

Ozie 6:10

I se in dɔn si ɔlkayn bad tin de bi insay Izrɛl; Ifrem in jɛs de pan bambot layf so ɔltin dɔn rɔtin insay Izrɛl.

Emɔs 4:11

“A nyakanyaka una lɛk aw a bin nyakanyaka Sɔdɔm ɛn Gomɔra. Una bin tan lɛk af tik we dɛn pul na faya. Pan ɔl dat, una nɔ klɔk mi. “Na so mi PAPA GƆD se.

Zɛkaraya 13:2

PAPA GƆD Ɔlmayti se na da de de i go pul ɔl dɛn ɔda gɔd we dɛn mek fɔ wɔship na di land ɛn nɔbɔdi nɔ go de mɛmba dɛn, dɔn ivin dɛn prɔfɛt dɛn ɛn di spirit we de mek dɛn wan fɔ wɔship di ɔda gɔd dɛn nɔ go de igen

Jɛnɛsis 19:24

Da sem tɛm de nain PAPA GƆD mek big, big faya ɛn sɔlfa kɔmɔt na ɛvin ɛn bɔn Sɔdɔm ɛn Gomɔra.

Jɛnɛsis 19:25

I pwɛl pwɛl ɔl di siti dɛn, di vali dɛn, di pipul dɛn, di plant ɛn ɔl di animal dɛn.

Jɛrimaya 29:21

‘Na dis PAPA GƆD Ɔlmayti we na Izrɛl dɛn Gɔd, se bɔt Eab we na kolaya in bɔypikin, ɛn Zɛdikaya we na Maasɛya in bɔypikin we de yuz mi nem gi una lay lay prɔfisi: A de tɛl una, A go mek Nɛbyukadnɛza we na kiŋ na Babilɔn, kech dɛm ɛn kil dɛm bifo una.

Lamɛnteshɔn 4:6

Di pɔnishmɛnt we yu gi di pipul dɛn na Jerusɛlɛn fɔ di bad we dɛn du, traŋa pas di pɔnishmɛnt we yu gi Sɔdɔm, ples we nɔ bin tek wan minit fɔ tɔnoba, ɛn mɔtalman an nɔ bin de de.

Mayka 1:5

Ɔl dis go bi bikɔs Jekɔb in jɛnareshɔn dɛn dɔn sin bad bad wan ɛn na Sameria ɛn Jerusɛlɛm fɔ blem.