Jɛrimaya 23:12 - Krio Fɔs Oli Baybul

¹² Fɔseka dat, dɛn wanol layf go tan lɛkɛ slipul rod na dak ples, we na de dɛn go push dɛn go fɔdɔm; bikɔs a go mek bad bad tin mit dɛm we di tɛm kam fɔ dɛn fɔ gɛt dɛn pɔnishmɛnt, na so PAPA GƆD se.

Jɛrimaya 23:12 Referans Kwoze

Jɛrimaya 13:16

Una glɔrifay PAPA GƆD we na una Gɔd bifo di ples dak, bifo una bɔk una fut, na dɛn mawnten dɛn na nɛt, ɛn wɛn yu de luk se layt de kam i mek di ples dak lilibit, ɛn mek i dak bad bad wan.

Jɛrimaya 11:23

ɛn nɔn pan dɛn nɔ go lɛf. Bikɔs a go mek bad bad tin mit di man dɛm na Anatɔt, we di ia fɔ dɛn pɔnishmɛnt kam.”

Prɔvabs 4:19

Di rod we bad pɔsin de waka tan lɛkɛ daknɛt; dɛn de fɔdɔm ɛn nɔ no wetin dɛn fɔdɔm pan.

Di Sam Dɛm 35:6

lɛ i nɔ kɔmɔt biɛn dɛn ɛn lɛ dɛn nɔ si dɛn we klia.

Jɔn 12:35

Jizɔs se, “Di layt go de wit una lili bit mɔ. Una fɔ stil de waka naw we di layt de, so dat daknɛs nɔ go mit una wɛn una de waka, bikɔs pɔsin we de waka na dak nɔ no usay i de go.

Ayzaya 8:22

ɛn dɛn go luk na grɔn, bɔt na pwɛl at ɛn daknɛs dɛn go si, we na bad bad pen; we go put dɛn insay tik tik daknɛs.

Di Sam Dɛm 73:18

Yu put dɛn na slipul ples; ɛn mek dɛn fɔdɔm bad wan.

Ɛksodɔs 32:34

PAPA GƆD tɛl am se lɛ i lid di pipul dɛn go na di ples we i dɔn tɛl am fɔ go. I se in enjɛl go de bifo am fɔ de gayd am. I se di tɛm we in go rɛdi fɔ dɛn i go pɔnish dɛn fɔ dɛn sin.

Jud In Lɛta 1:13

Dɛn disgres de sho lɛkɛ frɔsh we de lɛf biɛn wɛn dɛn big swɛlin fɔdɔm na sho; dɛn tan lɛkɛ dɛn big sta we nɔ de sidɔm na wan ples na di klawd, Gɔd dɔn kip dak dak ples fɔ put dɛn pipul ya sote go.

Jɔn In Fɔs Lɛta 2:11

Bɔt ɛni bɔdi we nɔ lɛk in kɔmpin mɔtalman, da pɔsin de stil de na dak. I de waka na dak ɛn i nɔ no usay i de go, bikɔs di daknɛs dɔn mek i nɔ ebul si.

Mayka 7:4

Di wan we kin se i de du di rayt tin sɛf na lɛk smɔl smɔl chukchuk. Di wan we bɛtɛ pas dɛn ɔl tan lɛk dɛn bi big chukchuk. Na di tɛm dɔn rich so we dɛn go gɛt dɛn pɔnishmɛnt.

Jɛrimaya 50:27

Kil ɔl in man kaw dɛm, lɛ dɛn ɔl day. Swɛ dɔn kech dɛm, bikɔs di tɛm dɔn kam, dat na di tɛm we dɛn fɔ gɛt dɛn pɔnishmɛnt.

Jɛrimaya 48:44

Di wan dɛn we rɔnawe pan wetin dɛn de fred go fɔdɔm insay di dip dip ol, ɛn di pɔsin we klem kɔmɔt insay di ol na trap go kech am. Bikɔs a go mek dɛn tin ya mit Moab we di ia rich fɔ dɛn pɔnishmɛnt. Na so PAPA GƆD se.

Job 18:18

Dɛn gɛda am kɔmɔt na layt ɛn ib am na dak ɛn drɛb am kɔmɔt na dis wɔl.

Ditarɔnɔmi 32:35

Na mi gɛt rivɛnj ɛn na mi de pe pipul fɔ dɛn gud wok, fɔ di tɛm we dɛn go sket fɔdɔm; bikɔs di tɛm fɔ dɛn waala dɔn de rich, ɛn dɛn alaki wande kam lɛk briz.

Di Sam Dɛm 82:5

“Dɛn nɔ no natin ɛn dɛn nɔ ɔndastand natin. Dɛn de pas pas nɔmɔ fɔ du bad, gud trenin nɔ de igen”

Lamɛnteshɔn 2:20

Luk PAPA GƆD, luk nɔmɔ lɛ yusɛf si! Na udat yu dɔn dil wit so? Uman dɛn fɔ it dɛn pikin dɛn, pikin dɛn we dɛn mɛn frɔm we dɛn smɔl? Pipul dɛn fɔ kil man ɔf PAPA GƆD dɛn usay dɛn de wɔship PAPA GƆD?

Jɛrimaya 8:12

Dɛn bin shem wɛn bin de du di tin dɛn we a nɔ lɛk? Nɔ, dɛn nɔ bin shem at ɔl; dɛn nɔ bin no aw fɔ mɛlt. Fɔseka dat, dɛn go day wit dɛn wan dɛm we go day; wɛn a pɔnish dɛm, a go ib dɛm oba. Na so PAPA GƆD se.