Jɛrimaya 23:11 - Krio Fɔs Oli Baybul

¹¹ PAPA GƆD se, “Di prɔfɛt dɛm ɛn di man dɛm we de mek sakrifays fɔ pipul sin, dɛn ɔngɔdli, se Gɔd Ɔlmayti, ivin na mi os, a dɔn si dɛn wikɛdnɛs de.

Jɛrimaya 23:11 Referans Kwoze

Zɛfinaya 3:4

In prɔfɛt dɛn fulish, na man dɛn we nɔ de waka tret wit PAPA GƆD; di man dɛn we de mek sakrifays fɔ pipul sin de dɔti wetin klin na PAPA GƆD yay, ɛn nɔ de rɛspɛkt di lɔ.

Jɛrimaya 6:13

Bikɔs, frɔm di smɔl wan to di wan we big pas dɛn ɔl, dɛn ɔl want fɔ mek tif tif prɔfit; ɛn, frɔm prɔfɛt to man we de mek sakrifays fɔ pipul sin, dɛn ɔl de ple yuki yuki gem.

Izikɛl 23:39

Bikɔs dɛn dɔn kil dɛn pikin dɛm as sakrifays to dɛn lay lay gɔd dɛn, di sem de, dɛn de kam insay mi ples we dɛn de pre to mi kam dɔti am. Fɔ tru, na dis dɛn de du na mi os.

Jɛrimaya 32:34

Dɛn put dɛn bad bad tin dɛn we a nɔ lɛk insay di os we dɛn se na fɔ mi, fo dɔti am na mi yay.

Izikɛl 8:16

Nain i bin briŋ mi kam na di kɔtyad we de insay PAPA GƆD in os; we go rich di domɔt na PAPA GƆD in os, we de bitwin di pɔch ɛn di ɔlta, usay bɔt sɔm twɛnti-fayv man we tɔn dɛn bak gi PAPA GƆD in os, de luk na di ist de wɔship di san.

Jɛrimaya 11:15

Us rayt di wan we a lɔv gɛt insay mi os we dɛn dɔn ple dɔti gem? Na vaw dɛn we i go mek ɔ we i sakrifays flɛsh go ebul mek i nɔ alaki? Yu go gladi afta dat?

Jɛrimaya 8:10

Fɔseka dat, a go gi dɛn wɛf dɛm to ɔda man dɛn ɛn dɛn fam dɛm to di wan dɛn we go win dɛm, bikɔs, frɔm di lili wan to di big wan, ɔlman awn awn fɔ tif tif prɔpati; frɔm di prɔfɛt to di man we de mek sakrifays fɔ pipul sin, ɔlman de pan rikishi.

Jɛrimaya 7:30

PAPA GƆD se, “na bikɔs di bɔypikin dɛn na Juda dɔn du ivul tin dɛn bifo mi fes; dɛn dɔn du di bad bad tin dɛn we a nɔ lɛk na mi os we mi nem de, fɔ dɔti am na mi yay.

2 Kronikuls 36:14

Ɔl di man dɛn we de bifo pan di man dɛm we de mek sakrifays fɔ pipul sin ɛn di pipul dɛn semweso, nɔ bin de waka tret na Papa Gɔd atɔl atɔl at ɔl at ɔl, bay aw dɛn bin de falamakata ɔda neshɔn dɛn we dɛn bin de du dɛn tin dɛn we PAPA GƆD nɔ lɛk; ɛn dɛn bin dɔti PAPA GƆD in os nain yay, we in bin dɔn mek oli na Jerusɛlɛm.

Izikɛl 8:11

Sɛvinti bigman na Izrɛl bin tinap bifo dɛn tin ya, ɛn Jeazanaya we na Shafan in bɔypikin, insɛf bin tinap de. Ɔlman bin ol wan smɔl pɔt nain an we i bin de bɔn insɛns, ɛn di insɛns in smok bin de go ɔp.

Izikɛl 7:20

Dɛn de tek dɛn fayn fayn dɛkɔreshɔn fɔ mek dɛn fil prawd bɔt dɛnsɛf, ɛn mek laylay gɔd dɛn we PAPA GƆD nɔ lɛk, ɛn di tin dɛn we PAPA GƆD et bad bad wan; so a go mek am tin we nɔ klin na mi yay.

Jɛrimaya 23:15

Fɔseka dat, na dis PAPA GƆD Ɔlmayti se bɔt di prɔfɛt dɛm: “Biliv mi, a go fid dɛm wit wɔm wud ɛn gi dɛm wata we gɛt pɔyzin fɔ drink; bikɔs na frɔm dɛn di prɔfɛt dɛm na Jerusɛlɛm ɔngɔdlinɛs kɔmɔt prɛd na di land.”

Jɛrimaya 5:31

di Prɔfɛt dɛm de gi laylay prɔfisi, ɛn dɛn man dɛm we de mek sakrifays fɔ pipul sin, de du wetin dɛn fil; na dat mi pipul dɛn lɛk lɛ de bi, bɔt wetin una go du we di ɛnd go kam?

2 Kronikuls 33:7

Mek lay lay gɔd ɛn di lay lay gɔd we i mek i put am na PAPA GƆD in os, da os we i tɔk to Devid ɛn Sɔlɔmɔn in bɔypikin se, “Insay dis os ɛn na Jerusɛlɛm we a dɔn pik pan ɔl di trayb dɛm na Izrɛl, a go put mi nem sote go,

2 Kronikuls 33:5

Ɛn i bil ɔlta dɛm fɔ ɔl di sta dɛm na ɛvin in say di tu yad dɛm we de na PAPA GƆD in os.

Jɛrimaya 50:6

“Mi pipul dɛm dɔn bi lɛkɛ ship dɛn we dɔn lɔs; dɛn shɛpad dɛn dɔn mek dɛn go astre, we dɛn bin mek dɛn go na dɛn mawnten; dɛn dɔn kɔmɔt na wan mawten go na ɔda il, dɛn dɔn fɔgɛt usay dɛn kɔmɔt.

Lamɛnteshɔn 2:20

Luk PAPA GƆD, luk nɔmɔ lɛ yusɛf si! Na udat yu dɔn dil wit so? Uman dɛn fɔ it dɛn pikin dɛn, pikin dɛn we dɛn mɛn frɔm we dɛn smɔl? Pipul dɛn fɔ kil man ɔf PAPA GƆD dɛn usay dɛn de wɔship PAPA GƆD?

Ɛzra 10:18

Na dɛn man dɛn yaso bin mared fɔrina dɛn: Pan di man we de mek sakrifays fɔ pipul sin dɛn yon layn yu gɛt Jɛshwa, Jozadak in bɔypikin ɛn in brɔda dɛn: Maasɛya, Ɛliaza, Jarib ɛn Gɛdalaya.

Izikɛl 44:10

Bɔt di Livayt dɛn we bin dɔn go fa kɔmɔt nia mi, go astre kɔmɔt nia mi go de biɛn dɛn lay lay gɔd dɛm, we Izrɛl bin go astre, go bia dɛn pɔnishmɛnt.

Zɛfinaya 3:3

Dɛn bigman dɛn ɛn dɛn jɔj dɛn ɔl de biev lɛk aŋri layɔn ɔ wulf, dɛn de mekes it ɛnitin we dɛn gɛt ɛn nɔ de wɔri fɔ kip fɔ di nɛks de.