Jɛrimaya 23:10 - Krio Fɔs Oli Baybul

¹⁰ Bikɔs di land ful wit pipul dɛn we de kip pipul man ɛn wɛf; di land de munin fɔseka di swɛ, ɛn di say dɛn we plɛnti gras de gro fɔ fid animal na di dray ɛn ɛmti ples, dɔn dray. Ɔl wetin dɛn de du, ivul, ɛn dɛn de misyuz dɛn pawa.

Jɛrimaya 23:10 Referans Kwoze

Di Sam Dɛm 107:34

ɛn usay tik kin gro fayn, in mek natin nɔ bia de, bikɔs di pipul we tap rawnd de bad.

Jɛrimaya 9:10

Una bigin kray ɛn ala fɔ dɛn mawnten dɛm, ɛn kray fɔ di say dɛn we plɛnti gras de gro fɔ fid animal na di dray ɛn ɛmti ples, bikɔs dɛn de yuslɛs wan, so dat nɔbɔdi nɔ de pas de, ɛn dɛn nɔ de yɛri di kaw dɛn de kray igen; di bɔd dɛm we de flay na di skay, ɛn di animal dɛn, dɔn rɔnawe.

Jɛrimaya 9:2

If nɔmɔ a bin gɛt lɔjin ples na di ɛmti ples we pɔsin nɔ go ebul tap, fɔ pipul dɛn we de pas de, so dat a go lɛf mi pipul dɛm ɛn kɔmɔt nia dɛm go ɔda say! Bikɔs dɛn ɔl na pipul dɛm we de fala dɛn kɔmpin man ɛn wɛf, dɛn de togɛda de du ɛnitin fɔ gɛt ɛnitin we dɛn want.

Malakay 3:5

I se na da tɛm de in go pas in jɔjmɛnt pan ɔl dɛn wan we de lukgrɔn fɔ pipul, dɛn man we de kip pipul wɛf dɛn, dɛn wan we de fɔ lay pan pipul, dɛn wan we nɔ de gri pe wokman aw dɛn fɔ pe am, dɛn uman we dɛn man dɔn day ɛn dɛn pikin we nɔ gɛt papa; i go ivin jɔj dɛn wan dɛn we de buli fɔrina ɛn dɛn nɔ de fred in we na PAPA GƆD Ɔlmayti.

Ayzaya 24:6

Fɔseka dat, swɛ de it di wɔl, ɛn di pipul we tap de, de sɔfa bikɔs dɛn gilti; so di wan dɛn we tap de, de bɔn, ɛn na tu tri man dɛn lɛf.

Jems 4:4

Una tan lɛkɛ uman we nɔ tret wit in man! Una nɔ no se wɛn una lɛk dɛn tin we de na wɔl, dat go mek una nɔ lɛk Gɔd? Ɛnibɔdi we want dɛn tin na wɔl dɔn bi pɔsin we nɔ lɛk Gɔd.

Di Ibru Pipul Dɛn 13:4

Mek ɔlman rɛspɛkt mared layf, di man we mared nɔ fɔ gɛt ɔda uman ɛn di wɛf nɔ fɔ gɛt ɔda man. Una mɛmba se Gɔd go jɔj dɛn wan we liv fri layf, ɛn i go jɔj ɛni mared uman we kip ɔda man ɛn ɛni mared man we kip ɔda uman.

Fɔs Lɛta To Timoti 1:10

dɛn wan we liv fri layf, dɛn man we de kip dɛn kɔmpin man, dɛn wan we de kech pipul fɔ tɔn dɛn to slev, dɛn wan we de lay, dɛn wan we de lay bɔt dɛn de swɛ se na tru dɛn de tɔk, ɛn ɛnibɔdi we de du ɛnitin we difrɛn frɔm di tru tin we wi dɔn lan una.

Joɛl 1:10

I se di fil dɛn nɔ gud fɔ natin igen; bikɔs ɔl di gren dɛn we dɛn plant dɔn pwɛl, di wayn nɔ bɛtɛ igen, ɛn di ɔyl sɛf dɔn dɔn.

Jɛrimaya 14:2

“Juda de kray ɛn in get dɛm lɛf ɛmti; in pipul lidɔm na grɔn de kray, ɛn di kary we Jerusɛlɛm de kray, de go ɔp.

Jɛrimaya 7:9

Una go tif, kil pɔsin, kɔmit adɔltri, swɛ fɔ natin, bɔn insɛns to Beal, ɛn wɔship ɔda gɔd dɛm we una nɔ bin no,

Lɛvitikɔs 5:1

We pɔsin sin, na dɛn tin ya fɔ bi. If ɛnibɔdi we dɛn aks fɔ go bi witnɛs go na kot fɔ gi ɛvidɛns, wɛda i si ɔ dɛn tɛl am, bɔt nɔ gri fɔ tɔk, da pɔsin de go bia wetin go apin to am.

Ayzaya 5:18

Swɛ go fɔdɔm pan wan dɛn we de kɔmit sin wit bɔku bɔku laylay, di wan dɛn we de waka wit sin biɛn dɛn lɛk we dɛn de drɔ ɔmɔlanke,

Jɛrimaya 9:12

Udat na di man we so gɛt sɛns dat i kin ɔndastand dɛn tin ya? Udat PAPA GƆD tɔk to we go tɛl di ɔda pipul dɛm? Wetindu ɔltin na di land broko broko ɛn lɛf yuslɛs, lɛk di dray ɛn ɛmti ples, we mek pipul dɛn nɔ de pas de?

Jɛrimaya 12:11

Dɛn dɔn mek i tɔn ɛmti ples; i ɛmti, i de kray to mi. Di wanol land dɔn ɛmti, bɔt nɔbɔdi nɔ bisin.

Ozie 7:4

Dɛn jɛs de fɔ de wɔship ɔda gɔd dɛn. Dɛn tan lɛk ovin we kin dɔn wam bɔt di beka nɔ skata di faya gud, frɔm di tɛm we i de miks di flawa te di bred de rayz.

Ɛzra 10:18

Na dɛn man dɛn yaso bin mared fɔrina dɛn: Pan di man we de mek sakrifays fɔ pipul sin dɛn yon layn yu gɛt Jɛshwa, Jozadak in bɔypikin ɛn in brɔda dɛn: Maasɛya, Ɛliaza, Jarib ɛn Gɛdalaya.

Jɛrimaya 6:13

Bikɔs, frɔm di smɔl wan to di wan we big pas dɛn ɔl, dɛn ɔl want fɔ mek tif tif prɔfit; ɛn, frɔm prɔfɛt to man we de mek sakrifays fɔ pipul sin, dɛn ɔl de ple yuki yuki gem.

Zɛfinaya 3:4

In prɔfɛt dɛn fulish, na man dɛn we nɔ de waka tret wit PAPA GƆD; di man dɛn we de mek sakrifays fɔ pipul sin de dɔti wetin klin na PAPA GƆD yay, ɛn nɔ de rɛspɛkt di lɔ.