Jɛrimaya 23:1 - Krio Fɔs Oli Baybul

¹ “PAPA GƆD se, swɛ go mit dɛn shɛpad dɛn we de pwɛl ɛn skata mi ship dɛm.

Jɛrimaya 23:1 Referans Kwoze

Jɛrimaya 10:21

Bikɔs di shɛpad dɛn styupid, ɛn dɛn nɔ de aks PAPA GƆD bɔt natin; dat mek dɛn nɔ du wɛl na layf, ɛn ɔl dɛn ship dɛm dɔn skata ɔlɔbɔt.

Izikɛl 13:3

Papa Gɔd we na Gɔd, se, swɛ go fɔdɔm pan dɛn fulish prɔfɛt dɛn we de fala dɛn yon spirit, ɛn dɛn nɔ si natin!

Matyu 9:36

Wɛn Jizɔs si di krawd, i sɔri fɔ dɛn, bikɔs dɛn bin kɔnfyus ɛn dɛn nɔ bin ebul fɔ ɛp dɛnsɛf, jɛs lɛkɛ dɛn ship we nɔ gɛt shɛpad fɔ mɛn dɛn.

Jɛrimaya 22:22

Na briz go bi yu shɛpad, dɛn yon shɛpad dɛm, ɛn dɛn go kapchɔ yu lɔva dɛn go tɔn dɛm slev; dɛn yu go shem ɛn kɔnfyus bikɔs ɔf ɔl yu wikɛdnɛs.

Jɛrimaya 12:10

Plɛnti shɛpad dɛn dɔn pwɛl pwɛl usay a de plant greps, dɛn dɔn mas mas mi fam, dɛn dɔn mek mi fayn fayn ples to wan ɛmti ɛn dray, gud fɔ natin ples.

Jɛrimaya 50:6

“Mi pipul dɛm dɔn bi lɛkɛ ship dɛn we dɔn lɔs; dɛn shɛpad dɛn dɔn mek dɛn go astre, we dɛn bin mek dɛn go na dɛn mawnten; dɛn dɔn kɔmɔt na wan mawten go na ɔda il, dɛn dɔn fɔgɛt usay dɛn kɔmɔt.

Jɛrimaya 2:8

Di man dɛm we de mek sakrifays fɔ pipul sin nɔ bin aks se, ‘We PAPA GƆD?’ Dɛn wan dɛn we de andul di lɔ nɔ bin no mi; di rula dɛn sin agens mi; di prɔfɛt dɛn bin de prɔfisay se na Beal tɛl dɛn so, ɛn dɛn bin put at pan tin dɛn we nɔ go mek dɛn bɛtɛ.

Jɔn 10:12

Man we dɛn de pe fɔ mɛn ship, we nɔto in na di tru shɛpad, ɛn nɔto in gɛt di ship dɛn, wɛn i si wulf de kam, i go rɔnawe lɛf di ship dɛn, so di wulf go kech di ship dɛn ɛn kɛr dɛn go.

Jɔn 10:10

Tifman jɛs de kam fɔ tif, kil ɛn pwɛl. Bɔt mi kam fɔ mek una gɛt di kayn layf we gɛt ɔltin we layf fɔ gɛt.

Jɛrimaya 23:2

Fɔseka dat, na dis PAPA GƆD we na Izrɛl dɛn Gɔd se bɔt dɛn shɛpad dɛm we de kia fɔ mi pipul dɛm: “Una dɔn skata mi ship dɛm, ɛn una dɔn drɛb dɛm go, ɛn una nɔ atɛnd to dɛm. A de tɛl una, a go atɛnd to una fɔ di ivul tin dɛn we una du, na so PAPA GƆD se.

Matyu 15:14

Una lɛf dɛn; dɛn na blɛnyay pipul we de tray fɔ lid ɔda blɛnyay pipul, ɛn if blɛnyay pɔsin lid in kɔmpin, dɛn ɔl tu go fɔdɔm na ol.”

Izikɛl 34:31

Ɛn una na mi ship, di ship we de na mi ples we gɛt rich gras, ɛn na mi na una PAPA GƆD, PAPA GƆD tɔk se.

Izikɛl 34:21

Bikɔs una de tek una sayd ɛn sholda dɛn de push push, dɛn shɔb ɔl di wik wan wit una ɔn dɛm, te una skata dɛm go ɔlsay.

Jɛrimaya 2:26

“Lɛkɛ we dɛn kin jankonico tifman wɛn dɛn kech, na so dɛn go jankonoco Izrɛl: dɛm, dɛn kiŋ dɛm, dɛn bigman dɛm, dɛn man dɛm we de mek sakrifays fɔ pipul sin ɛn dɛn prɔfɛt dɛm,

Jɔn 10:8

Ɔl dɛn ɔda pipul we bin dɔn kam bifo mi na tifman, ɛn di ship dɛn nɔ bin de lisin to dɛn.

Jɛrimaya 13:17

Bɔt if una nɔ gri lisin, mi sol go kray sikrit wan fɔ di prawd we una de mek; mi yay dɛn go kray bita bita wan, ɛn de rɔn wata bikɔs dɛn dɔn kɛr PAPA GƆD in ship dɛn go mek slev.

Izikɛl 36:38

Lɛk di bɔku ship fɔ sakrifays dɛm, lɛk di bɔku ship na Jerusɛlɛm we kin de, wɛn dɛn gɛt dɛn fist de dɛn, we dɛn bin dɔn chuz; so dat di big siti dɛm we bin yuslɛs, go ful wit bɔku bɔku mɔtalman dɛn lɛk bɔku bɔku ship. Na datɛnde dɛn go no se na mi na Papa Gɔd.

Izikɛl 34:1

PAPA GƆD in wɔd bin kam to mi se:

Zɛkaraya 10:3

PAPA GƆD se i dɔn vɛks wit ɔl di lida dɛn ɛn i go pɔnish di lida dɛn. PAPA GƆD Ɔlmayti in de luk afta in yon pipul dɛn, dat na di pipul dɛn na Juda fambul ɛn i go mek dɛn tan lɛk in ɔs dɛn we i de tek fɛt.