Jɛrimaya 22:8 - Krio Fɔs Oli Baybul

⁸ “Ɛn bɔku neshɔn dɛm go pas bay dis siti ɛn ɔlman go aks in kɔmpin se, “wetin mek PAPA GƆD dil wit dis big siti so?”

Jɛrimaya 22:8 Referans Kwoze

Daniɛl 9:7

PAPA GƆD, fɔ waka tret de na yu an, bɔt wi de disgres wisɛf ɔltɛm to di man dɛn na Juda, to di wan dɛn we tap na Jesuselɛm, ɛn to ɔl Izrɛl; dɛn wan dɛn we de nia ɛn di wan dɛn we de fa we, bikɔs ɔf di wikɛd tin dɛn we wi dɔn du to yu.

Lamɛnteshɔn 4:12

Di kiŋ dɛn na dis wɔl nɔ biliv, nɔbɔdi na wɔl nɔ biliv se ɛnimi dɛn go ebul pas di get go insay Jerusɛlɛm.

Jɛrimaya 16:10

“Ɛn wɛn yu tɛl dɛn pipul dɛn ya, ɔl dɛn wɔd ya, dɛn go aks yu se, ‘wetin mek PAPA GƆD dɔn se ɔl dɛn bad bad tin ya fɔ apin to wi? Wetin na wi sin? Us sin i dɔn kɔmit agens PAPA GƆD we na wi Gɔd?

Jɛrimaya 40:2

Di kapten tek Jɛrimaya go na kɔna ɛn tɛl am se, “Na PAPA GƆD we na una Gɔd tɔk wit in pawa se dis bad tin fɔ apin na ya;

Izikɛl 5:15

Yu go bi tin we dɛn de sɔktit pan, provok ɛn laf, yu go bi wɔnin ɛn tin we go mek pipul fred bad bad wan, to di neshɔn dɛn we de rawnd yu, wɛn a go kɛriawt mi jɔjmɛnt dɛn pan yu, bikɔs ɔf di vɛks we a vɛks bad bad wan, ɛn wit at at pɔnishmɛnt dɛn. Na mi PAPA GƆD dɔn tɔk so.

Izikɛl 12:16

Bɔt a go mek tu tri pan dɛn nɔ day na wa, ɔ wit bad bad aŋri ɔ wit dɛn bad bad sik, so dat dɛn go kɔnfɛs di bad tin dɛn we dɛn bin dɔn du, to di difrɛn neshɔn we dɛn go go, ɛn dɛn go no se na mi na di PAPA GƆD.

Izikɛl 14:23

We yu si aw dɛn tan ɛn wetin dɛn de du, yu at kol; datɛnde una go no se a nɔ du wetin a du na Jerusɛlɛm fɔ natin na so Papa Gɔd we na Gɔd se so.

Izikɛl 39:23

Ɛn di neshɔn dɛn go no se di Izrɛl pipul dɛn bin go bi prizina dɛm fɔseka di wikɛd tin dɛn we dɛn bin de du ɛn bikɔs dɛn bin so biev fɔls wan wit mi dat a bin ayd mi fes pan dɛm, ɛn a gi dɛm to dɛn ɛnimi dɛn an ɛn dɛn ɔl bin fɔdɔm bay di sɔd.

Jɛrimaya 40:3

na PAPA GƆD mek i bi, ɛn na wetin I bin se I go du, I du. Na bikɔs una kɔmit sin to PAPA GƆD, ɛn nɔ du wetin I se, mek dɛn tin ya apin to una.