Jɛrimaya 22:5 - Krio Fɔs Oli Baybul

⁵ PAPA GƆD se, Bɔt if una nɔ lisin dɛn wɔd ya, A swɛ bay misɛf, dis os go tɔn ples we nɔbɔdi nɔ de.

Jɛrimaya 22:5 Referans Kwoze

Emɔs 6:8

PAPA GƆD we na GƆD dɔn swɛ to insɛf ɛn gi dis siriɔs wɔnin: “A et di kak we di Izrɛlayt dɛn de kak fɔ dɛn fayn fayn simɛnt os; a go mek dɛn ɛnimi dɛn kapchɔ di siti ɛn tek ɔl wetin de de.”

Di Ibru Pipul Dɛn 6:13

Lɔntɛm, wɛn Gɔd bin prɔmis Ebraam, nainsɛf yon nem i bin tek oth se in go du wetin i bin prɔmis Ebraam, bikɔs nɔbɔdi nɔ pas am.

Jɛrimaya 17:27

Bɔt if una nɔ lisin to mi, fɔ kip di de fɔ blo ɛn rɛst oli, ɛn nɔ fɔ tot lod pas insay di get dɛm na Jerusɛlɛm de fɔ blo ɛn rɛst, a go layt faya nain get dɛm, ɛn i go bɔn di kiŋ os dɛm na Jerusɛlɛm, ɛn nɔbɔdi nɔ go ebul ɔt am.”

Jɛnɛsis 22:16

i se, “PAPA GƆD se in dɔn swɛ to insɛf se i go blɛs yu bikɔs yu gri fɔ gi am yu wangren bɔypikin ɛn nɔ ol am to yusɛf.

Jɛrimaya 39:8

Di Babilonian dɛm bin bɔn di kiŋ in os ɛn di pipul dɛn os dɛm, ɛn brok di wɔl na Jɛrusɛlɛm.

Ayzaya 1:20

Bɔt if una nɔ gri ɛn tɔn una bak pan mi, na wa una go day; bikɔs na PAPA GƆD sɛf sɛf tɔk so.”

Di Ibru Pipul Dɛn 6:17

Gɔd bin want sho dɛn pipul we i go gi wetin i bin dɔn prɔmis, klia wan se, in nɔ go chenj in maynd. Na dat mek i bin tek in nem tek oth se, in go du wetin i bin dɔn prɔmis se in go du.

Di Ibru Pipul Dɛn 3:18

Udat na di pipul dɛn we Gɔd bin prɔmis se, nɔ go go na di ples we i de ɛn dɛn nɔ go sidɔm blo? Gɔd bin de tɔk bɔt dɛn pipul we nɔ bin du wetin i tɛl dɛn fɔ du.

Mayka 3:12

Mayka se ɔl dɛn bad tin ya we dɛn de du go mek pipul nɔ de na Zayɔn, so dɛn go plant ɔlkayn tin de lɛk na fil; ɛn Jerusɛlɛm in go so pwɛl dat na stonston nɔmɔ go de de, dɔn PAPA GƆD in os go tɔn bush.

Di Sam Dɛm 95:11

So pan mi vɛksteshɔn a swɛ se dɛn nɔn nɔ go ɛnjɔy fɔ de usay a de.”

2 Kronikuls 7:22

Datɛnde, pipul dɛn go tɛl dɛn se, na bikɔs dɛn kɔmɔt biɛn PAPA GƆD we na dɛn papa dɛn Gɔd we pul dɛn kɔmɔt na Ijipt, ɛn put an pan ɔda gɔd dɛm, ɛn wɔship ɛn sav dɛm; na dat mek i dɔn mek ɔl dɛn bad bad tin dɛn ya apin to dɛn.’”

2 Kronikuls 7:19

“Bɔt if yu tɔn yu bak pan mi, ɛn nɔ obe mi kɔmandmɛnt we a dɔn se una fɔ de obe, ɛn go fala ɔda gɔd dɛm ɛn wɔship dɛm,

Matyu 23:38

Gɔd dɔn lɛf di ples we una de, gi una; nɔbɔdi nɔ de na di ples.

Jɛrimaya 26:4

Yu go tɛl dɛm se, ‘Na dis PAPA GƆD se: If una nɔ gri lisin to mi, ɛn du wetin mi lɔ dɛn we a gi una, se,

Jɛrimaya 44:26

Fɔseka dat, una yɛri wetin PAPA GƆD se, una we kɔmɔt Juda go tap na Ijipt: PAPA GƆD se, a de tɛl una, a dɔn swɛ wit mi gret nem se, nɔn man we kɔmɔt Juda go tap na Ijipt nɔ go yuz mi nem fɔ swɛ igen, dat na we dɛn kin se, ‘Wans PAPA GƆD we na Gɔd de.’

2 Kronikuls 7:21

Dis os we una de es ɔp so, ɔlman we de pas go de se, ‘Wetindu PAPA GƆD du dis kayn tin to dɛn pipul dɛn ya ɛn to dis os?’ Ɛni bɔdi we de pas go shɔk ɛn se ‘Wetin mek PAPA GƆD du so to dis land ɛn to dis os?’

Jɛrimaya 12:7

“A dɔn fɔsek mi os, A dɔn abandɔn Izrɛl; A dɔn giwe di wande lɛk insay mi sol to in ɛnimi dɛm.