Jɛrimaya 22:22 - Krio Fɔs Oli Baybul

²² Na briz go bi yu shɛpad, dɛn yon shɛpad dɛm, ɛn dɛn go kapchɔ yu lɔva dɛn go tɔn dɛm slev; dɛn yu go shem ɛn kɔnfyus bikɔs ɔf ɔl yu wikɛdnɛs.

Jɛrimaya 22:22 Referans Kwoze

Zɛkaraya 11:17

I se da kayn pɔsin de go alaki bikɔs i de lɛf di wan dɛn we i de lid to dɛnsɛf. I se ɔl in pawa go dɔn we i go wa. In an go day ɛn in rayt yay go blɛn.

Ozie 13:15

I se pan ɔl we nain go kɔmɔt fayn pan ɔl in brɔda dɛn, PAPA GƆD go mek briz kɔmɔt Ist na di ɛmti land we pɔsin nɔ go ebul tap ɛn di briz go dray ɔl dɛn de gɛda wata ɛn dɛn ol we wata kin bɔs, i go ivin mek ɔl wetin i bin dɔn gɛda dɔn.

Jɛrimaya 12:10

Plɛnti shɛpad dɛn dɔn pwɛl pwɛl usay a de plant greps, dɛn dɔn mas mas mi fam, dɛn dɔn mek mi fayn fayn ples to wan ɛmti ɛn dray, gud fɔ natin ples.

Jɛrimaya 10:21

Bikɔs di shɛpad dɛn styupid, ɛn dɛn nɔ de aks PAPA GƆD bɔt natin; dat mek dɛn nɔ du wɛl na layf, ɛn ɔl dɛn ship dɛm dɔn skata ɔlɔbɔt.

Jɛrimaya 20:11

Bɔt PAPA GƆD de wit mi, ɛn na sojaman we dɛn de fred bad bad wan; so di wan dɛn we de aras mi go bɔk dɛn fut, dɛn nɔ go ovakɔm mi. Dɛn go shem bad bad wan, bikɔs dɛn nɔ go sɔksid. Dɛn nɔ go fɔgɛt dɛn ɛvalastin disgres.

Ayzaya 64:6

We ɔl dɔn tan lɛk pɔsin we nɔ klin na Gɔd yay, ɛn ɔl di tin dɛn we wi de du se wi de waka tret na PAPA GƆD in yay, tan lɛk smɛl dɔti klos. Wi ɔl de fed lɛk lif, ɛn wi sin dɛn de kɛr wi go lɛk briz.

Zɛkaraya 11:8

Insay wan mɔnt, i pwɛl di ɔda tri lida dɛn wok. I nɔ bin peshɛnt wit dɛn ɛn dɛnsɛf nɔ bin lɛk am.

Ozie 4:19

I se na so dɛn go alaki lɛk na big briz blo kɛr dɛn go ɛn dɛn go shem fɔ wetin dɛn de du.

Jɛrimaya 2:37

Una go kɔmɔt pan da shem de wit una an na una ed, bikɔs PAPA GƆD nɔ gri fɔ di wan dɛn we una biliv, ɛn dɔn nɔ go bɛtɛ una.

Jɛrimaya 2:8

Di man dɛm we de mek sakrifays fɔ pipul sin nɔ bin aks se, ‘We PAPA GƆD?’ Dɛn wan dɛn we de andul di lɔ nɔ bin no mi; di rula dɛn sin agens mi; di prɔfɛt dɛn bin de prɔfisay se na Beal tɛl dɛn so, ɛn dɛn bin put at pan tin dɛn we nɔ go mek dɛn bɛtɛ.

Ayzaya 65:13

Fɔseka dat, na dis Papa Gɔd we na Gɔd se: “A de tɛl una, mi wokman dɛn go it, bɔt una go de aŋri wan; biliv mi, mi wokman dɛm go gɛt tin fɔ drink, bɔt una go tɔsti; mi wokman dɛn go de gladi, bɔt dɛn go mek una shem;

Jɛrimaya 4:30

Ɛn yu, yu we lɛf ɛmti wan, wetin yu min we yu drɛs wit brayt brayt rɛd, we yu dɛkɔret yusɛf wit ɔlkayn gold chen, riŋ ɛn baŋuls, ɛn prɛd yu yay dɛm wit pent? Yu de mek yusɛf fayn fayn fɔ natin. Yu lɔva dɛn nɔ want yu igen; dɛn de tray fɔ kil yu.

Jɛrimaya 5:13

Di prɔfɛt dɛn go tan lɛk briz; bikɔs di wɔd nɔ de insay dɛm. Na so i go bi to dɛm!”

Jɛrimaya 7:19

PAPA GƆD se, “Na mi dɛn de provok? Nɔto dɛnsɛf, fɔ kɔnfyus dɛnsɛf?

Jɛrimaya 30:14

Ɔl una lɔva dɛm dɔn fɔgɛt una; dɛn nɔ bisin bɔt una; bikɔs a dɔn trit una di we pɔsin go trit in ɛnimi, di pɔnishmɛnt we pɔsin we nɔ gɛt masi go gi in ɛnimi, bikɔs una gilti bad bad wan, bikɔs una sin pasmak.

Ozie 12:1

Ifrem in jɛs de wes in tɛm ol de. Na soso lay ɛn fɔls layf i de pan. Dɛn dɔn mek bagin wit Asiria ɛn dɛn de tredin wit Ijipt.

Jɛrimaya 2:36

Luk we una de pas pas pan pipul, we nɔto so una bin tan! Ijipt go mek una shem, lɛkɛ aw Asiria bin mek una shem.