Jɛrimaya 22:16 - Krio Fɔs Oli Baybul

¹⁶ PAPA GƆD se, I gi fia jɔjmɛnt to po pipul; da tɛm de ɔltin bin fayn. Dat nɔ sho yu se i no mi?

Jɛrimaya 22:16 Referans Kwoze

Jɛrimaya 9:24

bɔt le udat de bost, bost se in ɔndastand mi ɛn no mi, ɛn dat mi na PAPA GƆD we mi lɔv nɔ de shek, a de trit ɔlman di sem, ɛn a de waka tret na dis wɔl; bikɔs na dɛn tin ya de mek a gladi; na so PAPA GƆD se.

Ayzaya 1:17

una lan fɔ du gud; trit ɔlman di sem, nɔ gri lɛ dɛn trit pipul dɛn du bad; tinap fɔ di wan dɛn we dɛn papa dɔn day, tɔk fɔ uman we in man dɔn day.

Taytɔs 1:16

Dɛn de se dɛn no Gɔd, bɔt di tin dɛn we dɛn de du sho se dɛn nɔ no am. Dɛn gɛt bad at, dɛn nɔ de yɛri wɔd, dɛn nɔ fit fɔ du ɛnitin we gud.

Jɔn 17:3

Fɔ gɛt da layf de, we go de sote go, dɛn fɔ no yu, we na di wangren tru Gɔd, ɛn dɛn fɔ no Jizɔs Krays, we yu sɛn kam to dɛn.

Jɛrimaya 9:16

A go skata dɛm na difrɛn difrɛn neshɔn dɛn we dɛm o, dɛn fɔstɛmpapa dɛm o, nɔ no wande; ɛn a go de kil kil dɛm, te a kil dɛn dɔn.”

Di Sam Dɛm 109:31

I rɛdi fɔ fɛt fɔ poman ɔltɛm, ɛn pul am kɔmɔt nain ɛnimi dɛn an.

Di Sam Dɛm 9:10

Bɔt udat no yu as PAPA GƆD go trɔs yu ɔltɛm; bikɔs yu na PAPA GƆD we nɔ de sɛt yay pan udat abop pan yu.

Jɛrimaya 5:28

dɛn dɔn fat ɛn de shayn. Dɛn nɔ de fred fɔ du ɛnikayn wikɛd tin to nɔbɔdi; dɛn de gi bɛn bɛn jɔjmɛnt to dɛn wan dɛn we dɛn papa dɔn day, fɔ du mɔ wikɛdnɛs, ɛn dɛn nɔ de fɛt fɔ dɛn wan dɛm we nɔ gɛt.

1 Kronikuls 28:9

“Ɛn yu, Sɔlɔmɔn mi bɔypikin, sabi yu Papa in Gɔd, ɛn sav am wit ɔl yu at ɛn sol; bikɔs PAPA GƆD de luk ɔl man at ɛn i no ɔlman plan ɛn wetin i de tink bɔt. If yu luk fɔ am, yu go ebul fɛn am; bɔt if yu tɔn yu bak pan am, i go trowe yu sote go.

Jɔn 17:6

“A dɔn mek dɛn pipul we yu pul kɔmɔt to di ɔda pipul dɛn na wɔl ɛn we yu gi mi, no yu. Dɛn na bin yu yon pipul dɛn we yu gi mi. Dɛn dɔn du ɔl wetin yu tɛl dɛn fɔ du.

Jɔn 16:3

Pipul go du una ɔl dɛn tin ya bikɔs dɛn nɔ no Gɔd we na mi Papa ɛn dɛn nɔ no mi.

Jɛrimaya 9:3

PAPA GƆD se, ‘Dɛn bɛn dɛn tɔŋ dɛm lɛkɛ bo; na rikishi instɛd ɔf tru, dɔn tinap traŋa wan na di land; bikɔs dɛn de kɔmɔt frɔm wan ivul tin to ɔda wan, ɛn dɛn nɔ no mi.

Jɔn 8:19

Dɛn se, “Usay yu papa de?” Jizɔs ansa se, “Una nɔ no mi ɛn una nɔ no mi Papa. If una bin no mi, una bin go no mi Papa we sɛn mi.”

1 Samiɛl 2:2

“Nɔbɔdi nɔ de we oli lɛk PAPA GƆD: Natin nɔ de we tan lɛk am; Natin nɔ kin kɔba wi lɛk aw PAPA GƆD de kɔba wi.

Di Sam Dɛm 36:10

Kɔntinyu fɔ sho yu lɔv to udat no yu ɛn de sav yu as PAPA GƆD, ɛn lɛ udat lɛk fɔ du wetin rayt gɛt di bɛnifit.

Prɔvabs 31:9

Tɔk fɔ dɛn ɛn jɔj fia wan lɛ poman gɛt in rayt.”

Mayka 6:8

Bɔt i dɔn sho una wetin gud ɛn wetin i want. Dat na fɔ lɛ una trit una kɔmpin fia wan, ɛn lɛk fɔ du gud, gɛt lɔv we nɔ de ɛva chenj ɛn put unasɛf dɔŋ fɔ du wetin PAPA GƆD want una fɔ du.