Jɛrimaya 22:15 - Krio Fɔs Oli Baybul

¹⁵ Yu tink se yu na kiŋ bikɔs yu de bil wit sida bod lɛk yu kɔmpin? Yu fɔstɛmpapa dɛn nɔ bin de it ɛn drink, ɛn trit ɔlman ikwali ɛn waka tret na PAPA GƆD in yay? Da tɛm de, ɔltin bin fayn fɔ am.

Jɛrimaya 22:15 Referans Kwoze

2 Kiŋ 23:25

Nɔn kiŋ nɔ ɛva de we tan lɛk Josaya fɔ sav PAPA GƆD wit ɔl in at, sol ɛn trɛnk ɛn du wetin rayt na di Lɔ we PAPA GƆD gi Mozis, ɛn kiŋ nɔ ɛva kam afta am we tan lɛk am.

Ayzaya 3:10

Tɛl dɛn wan we de waka tret se ɔltin go fayn fɔ dɛn, bikɔs dɛn go it wetin dɛn plant

Ɛkliziastis 10:17

Una gɛt blɛsin, una we una kiŋ na aristo, ɛn una bigman dɛn sabi di tɛm fɔ mek pati ɛn kɔntrol dɛnsɛf mek dɛn nɔ drɔŋɔ.

Prɔvabs 25:5

Na semweso if dɛn pul bad advaysa dɛn kɔmɔt nia kiŋ, i go du tin tret wan.

Prɔvabs 29:4

Kiŋ we ɔnɛs ɛn de rul fia wande mek in kɔntri tinap traŋa wan, bɔt di wan we de aks fɔ mɔni mɔni ɔltɛm de pwɛl di kɔntri.

2 Kiŋ 22:2

Josaya in du wetin rayt na PAPA GƆD in yay, ɛn du wetin in papa Devid bin de du; i nɔ bɛnbɛn pan natin.

Jɛrimaya 42:6

I gud o, i bad o, wi go du wetin PAPA GƆD we na wi Gɔd we wi de sɛn yu to naw, so dat ɔltin go gud fɔ wi we wi du wetin PAPA GƆD we na wi Gɔd se.”

Jɛrimaya 21:12

Yu Devid in os! Na dis PAPA GƆD se: “kɛri awt jɔstis na mɔnin, ɛn sev pipul dɛn kɔmɔt na di wan dɛn we de sɔprɛs dɛm, dɛn an, in we dɛn dɔn tif, if nɔ so, mi vɛksteshɔn go mit dɛm lɛk faya, ɛn bɔn, we nɔbɔdi nɔ go ebul ɔt am, fɔseka di ivul tin dɛm we una de du.’”

Prɔvabs 21:3

PAPA GƆD de gladi mɔ fɔ udat de du wetin rayt ɛn fia, pas fɔ udat de mek sakrifays to am.

1 Kiŋ 10:9

I prez PAPA GƆD se, “Lɛ wi Prez PAPA GƆD, we na yu PAPA GƆD we sho yu se i lɛk yu ɛn dɔn mek yu kiŋ fɔ Izrɛl. Bikɔs PAPA GƆD in lɔv nɔ de dɔn fɔ Izrɛl, na dat mek i mek yu bi kiŋ fɔ lɛ jɔstis, fia ple ɛn tret biznɛs go de.”

2 Samiɛl 8:15

Devid rul ɔl Izrɛl ɛn i bin de du wetin fia ɛn rayt fɔ ɔlman de.

1 Kɔrint 10:31

Wɛl, ɛnitin we una de du, if una de it ɔ una de drink, una fɔ mek Gɔd gɛt di prez fɔ ɔl.

Apɔsul Dɛn Wok 2:46

Di pipul dɛn kin mit na Gɔd in Os ɔltɛm fɔ pre ɛn wɛn dɛn dɔn, dɛn kin go na dɛn kɔmpin os fɔ it, ɛn ɔlman kin gladi fɔ sheb in it wit in kɔmpin.

Lyuk 11:41

Una fɔ ɛp dɛn po pipul wit ɔl una at, dɛn ɔltin go klin fɔ una.

Jɛrimaya 23:5

PAPA GƆD se, “A de tɛl una se, di tɛm de kam we a go es wan branch na Devid in layn, we de waka tret na mi yay, ɛn i go ren as kiŋ ɛn go wok wit sɛns, ɛn i go trit ɔlman ikwali ɛn waka tret wit ɔlman na di land.

Jɛrimaya 22:18

Fɔseka dat na dis PAPA GƆD se bɔt Jɛoiakim we na Josaya, we na kiŋ na Juda, in bɔypikin: “Dɛn nɔ go kray fɔ am, lɛk we dɛn kin se, ‘E mi brɔda!’ Ɔ ‘E mi sista!’ Dɛn nɔ go kray fɔ am, lɛk we dɛn kin se ‘E mi masta! Ɔ ‘A iz majɛsti!’

Jɛrimaya 22:3

Na dis PAPA GƆD se: Trit ɔlman ikwali ɛn waka tret na PAPA GƆD in yay, ɛn pul di pɔsin we dɛn dɔn tif kɔmɔt na di wan we de sɔprɛs am in an. Nɔ trit fɔrina, pikin we in papa dɔn day ɛn uman we in man dɔn day, bad ɔ wit Vayolɛns, ɛn nɔ kil pɔsin we inosɛnt.

Ayzaya 33:16

I go tap na ay ples; di say we i go abop pan go bi say we na rɔk dɛn de rawnd; dɛn go gi am it, ɛn i go gɛt wata ɔltɛm.

Ayzaya 9:7

Fɔ in gɔvamɛnt in bɛtɛ wan ɛn fɔ kol at, dat go de sote go, na Devid in tron ɛn nain kindɔm, fɔ bigin di kindɔm ɛn mek i tinap wit jɔstis ɛn fɔ waka tret wit PAPA GƆD, frɔm naw, sote go. Na PAPA GƆD Ɔlmayti in pawa go du dat.

Ɛkliziastis 2:24

Di bɛst tin fɔ mɔtalman fɔ du, na fɔ it drink ɛn ɛnjɔy wetin i dɔn wok fɔ. A biliv se na so PAPA GƆD want am fɔ bi.

Prɔvabs 31:9

Tɔk fɔ dɛn ɛn jɔj fia wan lɛ poman gɛt in rayt.”

Prɔvabs 20:28

Kiŋ we ɔnɛs, tret ɛn de rul fia wan go te na pawa.

2 Kronikuls 34:2

I du wetin rayt na PAPA GƆD in yay ɛn waka na Devid in Papa in we.

1 Kronikuls 3:15

Josaya in bɔypikin dɛm: Joanan we na di fɔs pikin, Jɛoiakim di sɛkɛn wan Zɛdikaya di tɔd wan ɛn Joaaz we na di nɔmba fo.

Ditarɔnɔmi 4:40

I advays dɛn fɔ du ɔl wetin i bin dɔn tɛl dɛn se PAPA GƆD se dɛn fɔ du ɛn nɔ fɔ du, so ɔltin go fayn fɔ dɛn ɛn dɛn pikin dɛn we nɔ bɔn yet; lɛ dɛn go gɛt lɔŋ layf fɔ ɛnjoy di land we PAPA GƆD we na dɛn PAPA GƆD dɔn gi dɛn sote go.

Jɛrimaya 7:5

“Bikɔs if una chenj una we ɛn fɔ tru tru lɛf dɛn tin dɛn we una de du, if una trit ɔlman di sem fɔ tru tru, ɛn gi udat gɛt rayt in rayt,

2 Kronikuls 35:22

Bɔt Josaya nɔ gri tɔn kɔmɔt to am i disgays insɛf mek i go fɛt am. I nɔ yɛri Neko in wɔd dɛm we kɔmɔt na Gɔd in mɔt I jɔyn di fɛt na di opin grɔn na Negido.

2 Kronikuls 35:26

Naw di balans pan di tin dɛm we Josaya du ɛn in gud wok akɔdin to wetin rayt na PAPA GƆD in Lɔ.