Jɛrimaya 21:9 - Krio Fɔs Oli Baybul

⁹ Udat nɔ gri kɔmɔt na di siti go day na wa, ɔ wit bad bad aŋri ɔ siknɛs; bɔt udat go na do go sɔrɛnda to di Babilonian dɛm we sɔrawnd una, nɔ go day, ɛn i go gɛt in layf fɔ in prayz na wa.

Jɛrimaya 21:9 Referans Kwoze

Jɛrimaya 38:2

“Na dis PAPA GƆD se. Ɛnibɔdi we go kɔntinyu fɔ tap na dis siti, go day na wa, wit bad bad aŋri ɔ bay siknɛs; bɔt di wan dɛn we go to di Babilonian dɛm, dɛn layf go sev; dɛn layf go bi di prayz fɔ wa, ɛn dɛn nɔ go day.

Jɛrimaya 45:5

PAPA GƆD se, Yu de luk fɔ big tin fɔ yusɛf? Nɔ luk fɔ big tin; bikɔs, mi de tɛl yu se, a go du bad bad tin to ɔlman na wɔl, bɔt a go gi yu yu layf as prayz fɔ wa ɔlsay we yu go.”

Jɛrimaya 39:18

Bikɔs a go mɔs sev yu ɛn yu nɔ go day na wa; bɔt yu go gɛt yu layf as di prayz na di wa, bikɔs yu dɔn put yu at to mi. Na so PAPA GƆD se.’”

Jɛrimaya 14:12

Ilɛk dɛn fast, a nɔ go yɛri dɛn kray, ɛn ilɛk dɛn mek sakrifays we dɛn de bɔn na faya ɛn sid ɔfrin, a nɔ go tek dɛm; bɔt a go kil dɛm wit wa, aŋri ɛn wit bad bad sik dɛm.

Jɛrimaya 27:13

Wetin du yu ɛn yu pipul dɛn fɔ day na wa, ɔ wit bad bad aŋri, ɛn wit siknɛs, lɛk aw PAPA GƆD dɔn tɔk se go apin to ɛni neshɔn we nɔ gri sav di kiŋ na Babilɔn?

Jɛrimaya 21:7

PAPA GƆD se, afta dat, A go mek Nɛbyukadnɛza we na kiŋ na Babilɔn, we na Zɛdikaya dɛn ɛnimi dɛn we de tray fɔ kil dɛm, ebul kapchɔ Zɛdikaya we na kiŋ na Juda, ɛn in wokman dɛm, ɛn ɔl di pipul dɛn na dis siti we nɔ day di tɛm we siknɛs, wa ɛn bad bad aŋri bin mit dɛm; Nɛbyukadnɛza go kil dɛm wit sɔd; i nɔ go luk nɔbɔdi ɛn sɔri fɔ am, ɔ lɛf ɛnibɔdi ɔ fil nain at fɔ nɔbɔdi.

Jɛrimaya 24:10

Ɛn a go sɛn wa, bad bad aŋri ɛn siknɛs pan dɛm, sote dɛn ɔl day kpatakpata kɔmɔt na di land we a gi dɛn ɛn dɛn fɔstɛmpapa dɛm.

Jɛrimaya 27:11

Bɔt ɛni neshɔn we go gri fɔ wok fɔ di kiŋ na Babilɔn ɛn sav am, A go lɛf dɛn na dɛn yon land, fɔ mek fam ɛn fɔ tap de. Na so PAPA GƆD se.” ’”

Izikɛl 5:12

Wan tɔd pan una go day wit bad bad sik dɛn, ɛn na so una nɔ go gɛt it fɔ it at ɔl, ɛn una go day; na chap dɛn go chap chap di sɛkɛn pat dɛn wit sɔd ɔlsay; dɛn a go skata di las pat ɔlsay we briz de blo, ɛn mi go pul di sɔd kɔmɔt nain kes de biɛn dɛm.

Jɛrimaya 27:12

A de tɔk di sem tin to Zɛdikaya we na kiŋ na Juda: “Yu ɛn yu pipul fɔ put unasɛf ɔnda di kiŋ na Babilɔn, ɛn sav in ɛn in pipul dɛm so dat una nɔ go day.

Jɛrimaya 38:3

Na dis PAPA GƆD se, Dis kiŋ na Babilɔn in ami go mɔs kapchɔ dis siti.”