Jɛrimaya 21:7 - Krio Fɔs Oli Baybul

⁷ PAPA GƆD se, afta dat, A go mek Nɛbyukadnɛza we na kiŋ na Babilɔn, we na Zɛdikaya dɛn ɛnimi dɛn we de tray fɔ kil dɛm, ebul kapchɔ Zɛdikaya we na kiŋ na Juda, ɛn in wokman dɛm, ɛn ɔl di pipul dɛn na dis siti we nɔ day di tɛm we siknɛs, wa ɛn bad bad aŋri bin mit dɛm; Nɛbyukadnɛza go kil dɛm wit sɔd; i nɔ go luk nɔbɔdi ɛn sɔri fɔ am, ɔ lɛf ɛnibɔdi ɔ fil nain at fɔ nɔbɔdi.

Jɛrimaya 21:7 Referans Kwoze

Jɛrimaya 37:17

nain kiŋ Zɛdikaya sɛn se mek dɛn kɛr am go to am, ɛn i tɛl am kabɔ. Nain di kiŋ aks am sikrit wan nain os se, “Yu nɔ gɛt nɔn wɔd frɔm PAPA GƆD?” Jɛrimaya se, “A gɛt.” Nain i se, “Di kiŋ na Babilɔn go kapchɔ yu.”

Izikɛl 7:9

Ɛn mi saf yay nɔ go luk una sɛf, ɛn a nɔ go sɔri fɔ una atɔl, a go pɔnish una bay aw una de biev, we una de du dɛn bad bad tin dɛn we a et. Dɛn una gɔ no se na mi na di PAPA GƆD we de kil.

Jɛrimaya 13:14

PAPA GƆD se, “A go kech tu pɔsin baŋ dɛn pan dɛnsɛf; a go baŋ papa ɛn pikin. A nɔ go fil am fɔ nɔbɔdi, ɔ nɔ go lɛf nɔbɔdi ɔ a sɔri fɔ ɛnibɔdi, we go mek a nɔ dɔnawe wit am.”

Ditarɔnɔmi 28:50

Na pipul dɛn we nɔ de laf ɛn dɛn nɔ de sɔri fɔ ol ɔ yɔŋ pɔsin.

Izikɛl 9:10

As fɔ mi, mi safyay nɔ go luk sɛf ɛn a nɔ go sɔri at ɔl, a go mek dɛn pe bak fɔ ɔl di bad tin dɛn we dɛn dɔn du.”

Izikɛl 8:18

Dat go mek a go trit dɛm wit vɛksteshɔn; mi saf yay nɔ go luk dɛnsɛf, ɛn a nɔ go sɔri fɔ dɛm atɔl. I lɛk dɛn ala de kray na mi yes, a nɔ go yɛri dɛm.

Ayzaya 47:6

A bin vɛks pan mi pipul dɛn, A disgres usay a kɔmɔt; A gi dɛn to yu, bɔt yu nɔ bin sho wan masi; na pan di ol pipul dɛn yu put yu lod we ebi pasmak.

Ayzaya 27:11

Wɛn di branch dɛn dɔn dray, dɛn de brok dɛm; uman dɛn de kam tek dɛn mek faya. Bikɔs dɛn pipul ya nɔ de ɔndastand; na dat mek in we mek dɛm, nɔ go sɔri fɔ dɛm, In we mol dɛm, nɔ go sho dɛn ɛni fevɔ.

Jɛrimaya 15:5

Udat go sɔri fɔ yu, Yu Jerusɛlɛm, ɔ udat go kray nain at fɔ yu? Udat go lɛf wetin i de du fɔ aks bɔt yu?

Jɛrimaya 15:9

Di uman we bɔn sɛvin pikin, dɔn lɛf to insɛf; I dɔn fent;; In san go dɔŋ sansantɛm; dɛn dɔn disgres am ɛn i dɔn shem. A go kil di balans wan dɛm na wa bifo dɛn ɛnimi dɛm. Na so PAPA GƆD se.

Jɛrimaya 22:25

ɛn gi una to dɛn wan we wan kil una, dɛn wan we una de fred, dat na Nɛbyukadnɛza we na kiŋ na Babilɔn ɛn dɛn Babilonian dɛm.

Jɛrimaya 27:6

So, fɔseka dat, a dɔn gi ɔl dɛn land dɛm ya to Nɛbyukadnɛza, we na di kiŋ na Babilɔn ɛn mi wokman, ɛn a dɔn gi am di animal dɛn na bush fɔ sav am.

Jɛrimaya 34:3

Yu nɔ go ɛskep, bɔt dɛn go kapchɔ yu kɛr go to am; yu go si di kiŋ na Babilɔn kojuma koju, ɛn yu go tɔk to am fes to fes; ɛn yu go go na Babilɔn.’

Izikɛl 23:28

Ɛn na dis Papa Gɔd we na Gɔd se: Lisin, a go gi yu to di wan dɛn we una et, di wan dɛn we yu bin fɛdɔp wit ɛn bin kɔmɔt biɛn.

Jɛrimaya 14:12

Ilɛk dɛn fast, a nɔ go yɛri dɛn kray, ɛn ilɛk dɛn mek sakrifays we dɛn de bɔn na faya ɛn sid ɔfrin, a nɔ go tek dɛm; bɔt a go kil dɛm wit wa, aŋri ɛn wit bad bad sik dɛm.

Jɛrimaya 19:7

Ɛn na dis ples a go pwɛl Juda ɛn Jerusɛlɛm dɛn plan, ɛn a go mek dɛn pipul dɛn day na wa bifo dɛn ɛnimi dɛm, ɛn na di wan dɛm we de afta dɛn layf, dɛn an. A go gi dɛn dedebɔdi to dɛn bɔd we de flay na di skay ɛn dɛn wayl animal dɛn na wɔl.

Jɛrimaya 20:4

Bikɔs na dis PAPA GƆD se: Lisin, a go mek yu tɛrɔ to yusɛf ɛn to ɔl yu padi dɛm. Yu go de luk so dɛn de kil dɛn na wa. Ɛn a go mek di kiŋ na Babilɔn kapchɔ Juda; i go kɛr dɛn go Babilɔn go mek dɛn slev, ɛn go kil dɛm wit sɔd.

Jɛrimaya 32:4

Zɛdikaya we na kiŋ na Juda nɔ go ɛskep, di Babilonian dɛn go kech am go to di kiŋ na Babilɔn, ɛn i go tɔk to am fes to fes, ɛn dɛn go si kojuma koju;

Jɛrimaya 36:29

As fɔ Jɛoiakim we na kiŋ na Juda, yu go tɔk se, ‘Na dis PAPA GƆD se. Yu dɔn bɔn dis skrol de se, “Wetin mek yu dɔn rayt pan am se di kiŋ na Babilɔn go mɔs kam nyakanyaka dis land, ɛn nɔ go lɛf mɔtalman ɔ animal sɛf de?”

Jɛrimaya 50:17

“Izrɛl na ship we layɔn dɛm de fɛn fɔ kech ɛn it we mek i de rɔnawe. Fɔs, di kiŋ na Asiria atak am, ɛn naw, Nɛbyukadnɛza we na kiŋ na Babilɔn de klin in bon bon.

Lamɛnteshɔn 2:20

Luk PAPA GƆD, luk nɔmɔ lɛ yusɛf si! Na udat yu dɔn dil wit so? Uman dɛn fɔ it dɛn pikin dɛn, pikin dɛn we dɛn mɛn frɔm we dɛn smɔl? Pipul dɛn fɔ kil man ɔf PAPA GƆD dɛn usay dɛn de wɔship PAPA GƆD?

Lamɛnteshɔn 2:22

Yu mek we, mek mi ɛnimi dɛn sɔrawnd mi lɛk we dɛn invayt pipul dɛn fɔ kam pati; ɛn di de we na di de we PAPA GƆD vɛks nɔbɔdi nɔ bin ebul balans ɔ sɔvayv; mi ɛnimi dɛn nyakanyaka di wan dɛn we a ple wit ɛn mɛn.