Jɛrimaya 21:6 - Krio Fɔs Oli Baybul

⁶ Ɛn a go kil ɔl dɛn wan dɛm we tap na dis siti, dat na mɔtalman ɛn animal; na ebi ebi siknɛs go kil dɛm.

Jɛrimaya 21:6 Referans Kwoze

Zɛfinaya 1:3

I go klia mɔtalman o, animal o, bɔd o, fish o - ɔlman. I se in go mek dɛn bad wan dɛn ɔl kɔmɔt na rod bikɔs ɔlman go day na wɔl.

Ozie 4:3

Dat mek di land de kray, ɛn ɔl udat tap de, de pan mɔnɛ, wit dɛn wayl animal na bush, dɛn bɔd we de flay ɛn ivin dɛn fish na wata, ɔl go day.

Izikɛl 14:21

“Bikɔs Papa Gɔd we na Gɔd se, if na mi fo bad bad jɔjmɛnt akshɔn dɛn a sɛn naw, dat na wa, bad bad aŋri, ivul bist ɛn bad bad sik fɔ kil ɔl di pipul dɛn ɛn ɔl di animal dɛn!

Izikɛl 14:19

Ɔ if a sɛn wan bad bad sik pan di land, ɛn put mi bad bad vɛksteshɔn pan am we blɔd go kɔmɔt, fɔ kil ɔl di mɔtalman dɛn ɛn ɔl di animal dɛn we de de,

Izikɛl 14:17

“Ɔ if a briŋ fɛt kan na di land, ɛn se lɛ di fɛt de ɔlsay na di land; ɛn mek nɔn mɔtalman ɔ animal nɔ tap de;

Izikɛl 14:13

“Mɔtalman, wɛn wan kɔntri kɔmit sin to mi, bay we dɛn nɔ bin de du tin ɛn nɔ biliv mi, ɛn a dil wit dɛn ɛn mek dɛn nɔ gɛt natin fɔ it, ɛn a go sɛn bad bad aŋri pan am; ɛn a go mek nɔn mɔtalman ɔ animal nɔ tap de,

Jɛrimaya 33:12

“Na dis PAPA GƆD Ɔlmayti se: Na dis ples we dɛn se ɛmti ɛn yuslɛs we mɔtalman ɛn animal nɔ de, shɛpad dɛn go tap de bak de fid dɛn ship dɛn.

Jɛrimaya 32:24

Di dɔti we dɛn pak rawnd fɔ klem ɛn atak, dɔn bil kam ɔp di siti fɔ kapchɔ am, ɛn fɔseka wa ɛn bad bad aŋri ɛn siknɛs, dɛn go gi di siti to di Babilonian dɛm we de fɛt dɛm. Wetin yu bin se dɔn bi, ɛn yu si am wit yu yay.

Ayzaya 6:11

Nain a tɔk se, “E PAPA GƆD aw lɔŋ?” Nain I se, “sote di siti dɛn ɔl lɛf ɛmti ɛn pɔsin dɛn nɔ tap de, ɛn nɔbɔdi nɔ tap na di os dɛm, ɛn nɔbɔdi nɔ tap na di land,

Lyuk 21:24

Dɛn go tek sɔd kil sɔm, dɛn go tek sɔm lɛkɛ prizina kɛr dɛn go ɔlsay. Dɛn pipul we nɔ sabi Gɔd, go pwɛl Jerusɛlɛm ɔltogɛda, te dɛn kɔmɔt na pawa.

Mayka 3:12

Mayka se ɔl dɛn bad tin ya we dɛn de du go mek pipul nɔ de na Zayɔn, so dɛn go plant ɔlkayn tin de lɛk na fil; ɛn Jerusɛlɛm in go so pwɛl dat na stonston nɔmɔ go de de, dɔn PAPA GƆD in os go tɔn bush.

Izikɛl 33:29

na datɛnde, dɛn go no se na mi na PAPA GƆD wɛn a go dɔn mek di kɔntri, ples we nɔbɔdi ɛn natin nɔ de ɛn we yuslɛs fɔseka ɔl dɛn wikɛd tin dɛn we de briŋ etrɛd ɛn bad bad fred fred, we dɛn dɔn du.

Izikɛl 33:27

Tɛl dɛm dis ɛn se, na dis PAPA GƆD se: as a de livin, fɔ tru tru, dɛn wan we de na di ɛmti yuslɛs ples dɛm go fɔdɔm bay di sɔd; ɛn di wan we de na di opin fil, a go gi to dɛn bist fɔ it awaŋɔt wan; ɛn dɛn wan we de na say dɛn we sef gud gud wan, ɛn we de insay kev dɛm, ɔl go day wit bad bad sik we de kil.

Izikɛl 12:16

Bɔt a go mek tu tri pan dɛn nɔ day na wa, ɔ wit bad bad aŋri ɔ wit dɛn bad bad sik, so dat dɛn go kɔnfɛs di bad tin dɛn we dɛn bin dɔn du, to di difrɛn neshɔn we dɛn go go, ɛn dɛn go no se na mi na di PAPA GƆD.

Izikɛl 7:15

Wa go kil pipul na do, siknɛs ɛn aŋri de kil pipul dɛn insay. Na sɔd go kil di wan we de na fil; as fɔ di wan dɛn we de na di siti, na aŋri ɛn siknɛs go kil dɛn.

Jɛrimaya 42:22

So una no naw se tabi tabi nɔ de, una go day na wa, una go day wit bad bad aŋri, ɛn wit siknɛs na di ples we una at de gi una fɔ go tap.”

Jɛrimaya 36:29

As fɔ Jɛoiakim we na kiŋ na Juda, yu go tɔk se, ‘Na dis PAPA GƆD se. Yu dɔn bɔn dis skrol de se, “Wetin mek yu dɔn rayt pan am se di kiŋ na Babilɔn go mɔs kam nyakanyaka dis land, ɛn nɔ go lɛf mɔtalman ɔ animal sɛf de?”

Jɛrimaya 34:17

Fɔseka dat, na dis PAPA GƆD se: una nɔ obe mi we una nɔ kip to di pɔblik anawnsmɛnt fɔ fridɔm, we ɔlman fɔ fri in brɔda ɛn neba; so a de anawns se una fridɔm na to wa, siknɛs ɛn bad bad aŋri. A go so du am dat ɔl di kindɔm dɛn na di wɔl go fred bad bad wan, we dɛn go yɛri wetin apin to una. Na so PAPA GƆD se.

Jɛrimaya 14:12

Ilɛk dɛn fast, a nɔ go yɛri dɛn kray, ɛn ilɛk dɛn mek sakrifays we dɛn de bɔn na faya ɛn sid ɔfrin, a nɔ go tek dɛm; bɔt a go kil dɛm wit wa, aŋri ɛn wit bad bad sik dɛm.

Jɛrimaya 7:20

PAPA GƆD Ɔlmayti se, “A go put mi animal, a go put am pan tik dɛm na bush ɛn di frut dɛn we de gro kɔmɔt na grɔn; i go bɔn ɛn i nɔ go ɔt.”

Jɛnɛsis 6:7

ɛn i se, “A go kil ɔl wetin a dɔn put na di wɔl; mɔtalman, big ɛn smɔl animal, dɛn tin dɛn we de krip na grɔn ɛn dɛn bɔd dɛn we de flay. A rigrɛt sɛf we a mek dɛn ɔl put na wɔl.”

Jɛrimaya 16:4

Na bad bad siknɛs dɛm go kil dɛm. Nɔbɔdi nɔ go kray fɔ dɛm ɛn dɛn nɔ go bɛr dɛm; dɛn go tan lɛk manyɔ pantap di grɔn. Dɛn go day na wa ɛn wit bad bad aŋri, ɛn dɛn dedebɔdi dɛm go bi it fɔ di bɔd dɛm na di skay, ɛn fɔ dɛn wayl animal dɛm na di wɔl.

Jɛrimaya 20:4

Bikɔs na dis PAPA GƆD se: Lisin, a go mek yu tɛrɔ to yusɛf ɛn to ɔl yu padi dɛm. Yu go de luk so dɛn de kil dɛn na wa. Ɛn a go mek di kiŋ na Babilɔn kapchɔ Juda; i go kɛr dɛn go Babilɔn go mek dɛn slev, ɛn go kil dɛm wit sɔd.